- الأوسمة
- 6
مآمآ قآتلي اليوم ديرلي قآطو سآك،
اللي يتخبى تكمل العطلة ونحصل انا في الضيآف،
مآلآ خممت خممت ودورت في ليروسآت ديآولي
وطلعت وحدى من اخترآعي كالعآدة
سهلة ومافيها ديكور وبنييييينة تذوب في الفم
والاهم تقطع بزآف، جآتني تقريبآ 95 حبة
نبدآو على بركة الله
المقــــــــآدير:
500غ زبدة طرية، 5 بيض ( 3 كاملين+ 2 صفار)، 250غ سكر رطب، 2 كيسان نشاء ( مايزينة)، 1 ونصف خميرة كيميائية، جلجلان او سمسم، فرينة.
التحضير:
نخلط الزبدة مع السكر، نضيف البيض، الجلجلان، الخميرة ثم النشاء ونلمو العجينة بالفرينة
نآخذ كويرات، نحطهم في طابع المعمول به ورق سيلوفان حتى ما تلصقش العجينة،
نضغط عليها جيدا حتى تاخذ الشكل،
ومبعد نثقبها من فوق،
نصففها في صينية مدهونة بالزيت، وندخلها للفرن
اثناء الطهي رايحة تنتفخ ويتغلقو الفراغات لذلك نعاود نضغط عليهم بالاصبع،
بعد ما يطيب نضيف له مربى في الفراغات
ويقدم
ســـــــلآمي
آخر تعديل بواسطة المشرف:
