بين الزين .......انتوما وين

[شتيلا]

حبيت اثيرموضوع رانا عايشوني وبكثرة
نلقاو بزاف شباب لما يعود يهدر على طفلة تلقاه يهدر الاخلاق هوما الالساس
لكن عندما ترجع للزواج تلقاه يشرط لازم تكون جميلة
وبمواصفات معينة وخاصة زينة وعيونها زرق
شاب تخرج قاضي شرط على خياتو ان لازم تكون
جميلة زينة وعيونها ملونة وبابيشة يعني دون التركيز على امور اخرى ربما من وجهة نظره
تاتي منبعد
عندي اخي يشرط الجمال بزاف وهو الله يبارك جميل
السؤال ليكم يااعضاء
ماهي مقاييس اختيار الزوجة ياترى؟
في الغالب نلقاو البنات ميشرطوش بزاف على جمال الرجل
بزاف جميلات تزوجن من رجال اقل جمال منهن
وكما قالوا ناس زمان الزين للمرأة الرجل عيبو جيبو
لكن كاين بنات الي ماتقبلش باقل من رجل طويل وباهي
عندنا جارتنا العريس الي يجيها يكون قصير
بالرغم من انهم عرسان شان وهمة
يعني تبقى لكل واحد ووحدة مقاييس يحب يشوف منها زوج المستقبل
ولكن كاين الي يقول التخيار هو سبب العنوسة بالنسبة للبنات
لكن العنوسة لها اسبابها
اشكر كل من يمر بالموضوع

​

 

[لؤلؤة قسنطينة]

رد: بين الزين .......انتوما وين

السلام عليكم
شكرا حبيبتي على الموضوع الجميل، راني نشوف راكي ناشطة هاد الايام بمواضيعك ^^
ان شاء الله مزيد من الابداع حبيبتي
صراحة موضوعك يبان موجه للرجال كتر من النساء، لكن معليش نجاوب
شوفي ختي موضوع الزواج موضوع شائك ويكترو فيه الاقوال والآراء، هي صح الرجل يقولك نديها متدينة وبنت اصل
بصح كي يلحق لزينها يبطل، ربما نتحسسو حنا من مثل هاد الجملة ولكن يبقى حقو، كيما للمرأة الحق في اختيار عريس
يعجبها شكلا حتى للرجل الحق في اختيار لي تعجبو شكلاً، يعني كل واحد حر في اختياراتو بشرط احترام رأي الآخر
يعني ماش نقولو للرجل الحق في الاختيار والمرأة لالا والعكس صحيح
وزيد درك يا اختي وينهو لي يفتش على الزين، الراجل ولا يتعرف بوحدة خدامة وعندها سيارة ومكانتها مليحة في المجتمع
يروح يتزوجها طول لا زين لا والو، والمرأة يجيها راجل بسيارة ودار وخدام تقبل بيه ولو يكون قزم او مشوه
(حاشا خلق الله ماش نتمسخرو بخلق ربي سبحانو) يعني لزواج لما يتوافق مع مصالح كل الطرفين يقبلو ويحطو الزين
جانبا، اما الانسان لي يهتم صح بأخلاق الطرف الآخر صدقيني ربي يزينلو وجه الطرف الآخر حتى ولو كان جمالو عادي
مثلا من ناحيتي كي يكون الرجل فائق الجمال وغير يتكلم نلقى كلامو بطريقة غير اخلاقية وماش متبع طريق ربي ويخلط
في الهدرة نعود نشوف فيه دوبل، بصح انسان خليقتو عادية يعني متوسط الجمال وكي يتكلم تحسيه ظريف ولطيف
وكلامو مربي وينسق الحروف بطريقة مؤدبة صدقيني يجبدني خير من ملك جمال العالم، ماش رايحة نتفلسف ونقولك
مايهمنيش الشكل بصح كي يكون مقبول واخلاقو عالية في نظري اجمل واحسن من اي وسيم بالعالم
يعني هنا تختلف الآراء من شخص لآخر
هيا نحبس هنا ونخلي فرصة للبقية راني شبعت حكايات ههه
تحياتي

​

 

[ام أمينة]

رد: بين الزين .......انتوما وين

ايها المقبلون على الزواج الزين عمرو لا بنى دار
المهم كي تكون متوسطة الجمال و تكون تحترمك و تعرف قيمتك خاصة قدام اهلك و تكون تخاف ربي و نفس الشي بالنسبة للبنات
مشكورة على الموضوع

 

[الزهرة الحمراء]

رد: بين الزين .......انتوما وين

السلام عليكم غاليتي
يعطيك الصحة على الموضوع لي طرحتيه
صراحة عندي شحال مادرتش فالقسم هذا وموضوعك خلاني نعاود نرجع نسركل فيه هههه
المهم اولا اختي باه مانكونش منافقة معاك وكامل ان الله جميل ويحب الجمال وهادي تع الانسان يحب شريك حياتو يكون جميل فينا كامل سواء الرجل ولا المرأة يعني الراجل يحلم بمرا تكون شابة ونفس الامر بالنسبة للمرا
هي صح الراجل تلقايه يقول الاخلاق ثم الاخلاق ثم الاخلاق وحتى لو لقاها صاحبة اخلاق ومبصح مانقولوش ماشي شابة لانو خلق ربي كامل ماعندو ماخصو مبصح خلينا نقولوا ماتجيهش على الخاطر مايقبلش بيها وانا نشوف هكا احسن انو مايقبلش بيها خير من انو يقبل بيها وهو ماشي راضي على شكلها مبعدة بعد الزواج يولي يرمي عينو على نساء لعباد
ونزيدك عفسة هوما صح يحبو الزينة مبصح نضمنلك لوكان يلقااااو ملكة جمال العالم وكي يجي يشوف اخلاقها يلقاها زفت هههههه قالها خونا المصري والله مايديها
وطبعا يبقى موضوع الجمال والاخلاق موضوع نسبي ولا خلينا نقولوا وجهان لعملة واحدة الشاب ماذا بيه يلقاها شابة ومتخلقة
ونفس الامر للزوجة تاني تحوس على واحد ترضى عليه النفس
يعني هذا حق للمرا والراجل
وهنا كي راني نهدر مانيش نقول انو المرا تشرط وتقعد تخرج عيب فالراجل ونفس الامر بالنسبة للراجل
على خاطر مراات الواحد يدخل للقلب غير من الافعال والمواقف تاعو
يعطيك الصحة غاليتي مرة اخرى
دمت في رعاية الله وحفظه​

 

[Hakan]

رد: بين الزين .......انتوما وين

مقايس الجمال عندي مهمة لدرجة معينة فقط
يعني انا نحب مرتي تكون تشبه للوالدة نتاعي باسكو زينة ههه
واذا اكثر ماعليه بصح ثانيك لازم تكون متخلقة
نكره المراة اللي تجهر بالجمال نتاعها وكامل الناس تشوفو
يعني كيما كاين لغة للروح كاين لغة للجسد
وما نعرف ​

 

[tistissa dj-tissou]

رد: بين الزين .......انتوما وين

سلام حبيبيي بون واش راح نقلك لي جان تاع ضرك يحبو لمرا ع الزين ماقصتش كامل مي معضمهم
يعني في الصح ضرك كاين عباد مثلا حاب يخطب وحدة وكي يوشفها هو ولا مو وهما ماكانوش يعرفوها من قبل وتقولو مو ولا هوا بلي شاف وحدة عجباتو؟ كيفاه حتى عجباتو ياخي ميعرفهاش الوغ عجبتو في الزي ونفس الشي لمو اليي شافتها في عرس ولا برا وعجبتها واش عجبها زعما الزين باينة يعني هاذي نقطة مانقدروش مانهدروش عليها خاطر بطبيعة كل واحد يحب يجيب لمخير هاكا وكل واحد عندو اسباب كاين من النسا اللي تقلك انا ولدي زين نجيبلو الزين وكاين شي رجال ممكن يحبوا يتباهاو بنساهم ويحب وحدة مليحة والاسباب تتعد وبلا مانكذب انا ماما نهار باش تخطب لخويا قاتلو مادابيك تكون مصلية اولا و تكون بوقوصة وبيضا بصح اكدت على التربية اكثر وماهمشتش الزين يكدب عليك النسا كامل هاكا وكاين اكثر اللي تحوس ع الزين مام هي باه تفتخر بيها وكي تجيبها تولي تشكي وتقول لولدها مرتك مرتك
وعكس البنات يقبلوا برك تقولك المهم راجل وخداك وساعات تقلك المهم راجل هادي بارتو
وربي يهني كل زوج وزوجتو مي تبقى التربية والاخلاق اهم من الزي الجمل جمال الروح .
​

 

[zohor kfz]

رد: بين الزين .......انتوما وين

و يا اختي غير هدرتكي صح و صح الصح .... و الله غير حماقينا و حنا نحوسو عروسة لولد عمي غير لي نقولولو عليها لآآآآآآآ ... مطويلاش مشي شابة لبستها ماعجبتنيش ... و زيد و زيد
الله يجيب الخير
اما على لبنات و انا وحدة منهم الجمال حجة مهمة بصح باعتدال .... مشي يكون شباب بزاف نهار نهار و نساء يشوفو فيه تجي وحدة تطير تطيرو ههههه او يكون واحد مكانش كامل زين فيه منين نشوفو نندب حناكي على زهري لمسود ههههه
و نضن انو اغلبية لبنات يرتاحو و يحبو المواقف لي من عند الراجل .... يدا كان قرد و رجلة و الله تبغه و هي مغمضة عينيها