السرقة ف الماكلة

[زهور الشوق]

السلام عليكم

ان شاء الله الكل مبسوط :yahoo01:
حبيت نحكي اليوم على واحد العفسة تصرا بزاف في لعراس
وهي
هي
هي
.
.
.
. سرقة الحلوة
:s
انعم ايه
سرقة الحلوة
ادا العرس كان في لاصال ليسرارفوز يكاشيو لعجب وتبقى مولات العرس تندب في حناكها
وادا في الدار
ليزانفيتي تقول عمرهم كلاو وجاو ينحو حزام الشر
ماشي الكل طبعا
تلقاها تخطف قبل ماتوصلها السينية وتدي لجداها ومرت باباها ومانعرف شكون
وادا الحلوة تاع الدراري تقولك جبت غير زوج ولادي و5 راهم فالدار وتدي حتى لراجلها :d
لا اله الا الله
والاجمل سرقة اللحم
قبل اسبوع كان عرس خويا والله اللحم سرقوه
هاد الحاجة فريمون مانحبهاش خلاص الواحد يدي حقو وادا طمع باكثر يدومندي بأدب
الماكلة تجي وتروح
والكرش اول ما ينكر
ولكن الجاست عمرو لايتنسى
وزيد البنادم اللي يدير هكا راه يدير تيكي في عمرو ويبقى ضحك
اسك عندكم هاد الامور في ولايتكم؟
وماهي نظرتكم؟
...
اليكم الخط
:regards01:​

 

[لؤلؤة قسنطينة]

رد: السرقة ف الماكلة

السلام عليكم
ههههههه ضحكتيني ختي ربي يهنيك
والله هاد الحالة صايرة عندنا حتى حنا في ولايتنا تقول المعروضين جايين من الصومال ههههه كيما تقولها ختي مريم
وكن حتى جاو ماياكلوش، يعني تمدلهم قسمتهم وقسمة عايلتهم ومايشبعوش، لازملكم قسمة حي كامل ولا كيفاه؟
والمشكل ماش غير ليسارفور لي يسرقو حتى لي يطيبو يسرقو، حنا قبل 5 او 6 اشهر درنا عرس في صالة صدقيني
تشوفي كيفاه درنالهم واحد ماقدر يتحرك هههههه كرهو حياتهم بلي سارفور بلي مشرفة على لاصال، ماخلينالهمش
الفراغ وماحرمناهمش من الماكلة عطيناهم بالدوبل بالاك كتر حتى من لي معروضين وهكاك والو تقول مجاعة والمشكل
درك ماش غير في الاعراس حتى في الجنائز ويسرقو تقول عام الشر، يعني واحد العباد ربي يهديهم برك
شكرا اختي على الموضوع الجميل ربي يحفظك
تحياتي
​

 

[ليليا مرام]

رد: السرقة ف الماكلة

السلام عليكم اختي
اهلا وسهلا ايه لحقكنكم سلامة راسكم
ياو نقولكم انا من مدة كنت فعرس ونشوف واحد المنظر لولا نخاف ربي والله لو صورتو مي ما نحبش ترعفي زوج نسا فاتحين الصاك فالطابلة ويرفدو فاللحم من الطباسى ويديرو فيه ياو ذاك صاك او فريجيدار تخلعت ياو ماراهمش ياكلو تسرق فاللحم وتعمر فالصاك اواه عام المجاعة راه حاينا ويااااااااااااا تبهديل اما القاطو ما نحكيش يجيبولك 4 من الدار كامل يدو وخلي القاطو رحعو يحطوه فلاصال ياو كل وقت تعيطلك تقولي انت راهي تتعشى لازم تشبع لما رحت لهذا العرس فالنهار جارتي كانت فالطابلة هي وكل بناتها لما كملو كل شي قاتلي ليليا بقالك القاطو قتلها واشبيكم عام الشر وعلاه راكي تتعشاي قاتلي واشس ديني نقولك عارفاتك لسانك متبري قتلها ايه متبري من الهدرة مي شبعانة يا ختي عام اللهيف تقول قرضكم الشر
ما عرفتش علاه ويدابزو مع ليسفروز وقاع لو ما زاددتلهاش يسرقو كل شي ياو التبهديل اواه قتلهم الشر الناس ما راهمش ياكلو والله لو نموت ما نديرهاش جامي هدرت على قاطو او ماكلة او شي على العكس يعرضونا للعشا والله لو تحتمت نروح نكون تعشيت فدارنا باه نروح ما نحبش ناكل عند الناس
عام العجب ياو لامود الجايا تعرضيهم يسرقولك راجلك اواه انا نخمم ندير فالستاد ونعرض غير الرجال ههه

 

[نِدَاءً خَفِيًّا]

رد: السرقة ف الماكلة

وعليكم السلام
هذه الحادثة تحدث كثيرًا عندنا
الحمد الله أنها موجودة عندكم كذلك
عادة جزائرية ، هذا ما أستطيع التفكير حوله
نختار الأهون يفعلُ هذا ولا يفعلُ السحر في الأعراس
وإلا تجدين مجتمعنا في ضياع ، هدانا الله
بوركت علي الموضوع يا طيبة
وفقنا الله.

​

 

[Malika Tlm]

رد: السرقة ف الماكلة

السلام عليكم
هههههههههههههههه يعطيك الخير
والله صح تعرفي التبهديل تحسبي عمرهم ماكلاو
وين راها الاناقة نتاع المراة تبهدل راسها علي حبا ت قاطو وحلوي
وتعرفي كي يجي السارفور يدور بالقاطو يبقاو يرفدو بالزوج والتلاتة ههههه
ولا تقولو اصبر ندي حق صحبتي راهي ناضت هنا وتجي
ربي يهديهم​

 

[فيتامين سي]

رد: السرقة ف الماكلة

فكرتيني مرة في عرس درنا قاطو في صينيات و ندورو و انا وحدة منهم بو من قبل قالولنا حبة حبة مكانش لي تدي 10 كلش بالحساب ولات لي تجي تدي زوج نقوللها ندور و نوليلك ههههههه و الله مرجعت علاش راهم خارجين من مجاعة حنا درنا حساب تاع لي يحضرو ماشي تاع لي ميحضروش
و درك في القوابس باش تتهني من تبهدايل هدوك
و اللحم ادا لاصال يحطولك حاجات وحدخرين و لي تجيبيهم معرفتش وين يدوهم مرة وجدنا كلش والله حاجة منحطت مي ديك دقيقة تقولي غير يفووت سلامات و بحر عليهم
و في الدار سور كلش عنده لي ينضمه متجيش برانيا تسربي
ربي يهديهم كرشهم غالبتهم

 

[زهور الشوق]

رد: السرقة ف الماكلة

السلام عليكم
ههههههه ضحكتيني ختي ربي يهنيك
والله هاد الحالة صايرة عندنا حتى حنا في ولايتنا تقول المعروضين جايين من الصومال ههههه كيما تقولها ختي مريم
وكن حتى جاو ماياكلوش، يعني تمدلهم قسمتهم وقسمة عايلتهم ومايشبعوش، لازملكم قسمة حي كامل ولا كيفاه؟
والمشكل ماش غير ليسارفور لي يسرقو حتى لي يطيبو يسرقو، حنا قبل 5 او 6 اشهر درنا عرس في صالة صدقيني
تشوفي كيفاه درنالهم واحد ماقدر يتحرك هههههه كرهو حياتهم بلي سارفور بلي مشرفة على لاصال، ماخلينالهمش
الفراغ وماحرمناهمش من الماكلة عطيناهم بالدوبل بالاك كتر حتى من لي معروضين وهكاك والو تقول مجاعة والمشكل
درك ماش غير في الاعراس حتى في الجنائز ويسرقو تقول عام الشر، يعني واحد العباد ربي يهديهم برك
شكرا اختي على الموضوع الجميل ربي يحفظك
تحياتي
​

اهلااا بالبوبونة ميمي :$
صافي ماشي غير عندنا
سبحان الله لوكان تحوسي دزاير كامل تلقاي نفس الطبايع الزينة تدور :down:
والله يبهدلو
عادت نحير مع مخي نقولها ليما فهميني كيفاه يمدو يدهم هكاك عييت ندخلها لراسي ماقدرتش
وياختي ميمي تلقايهم ناس لاباس بيهم ومخلوعين والناس اللي عمرها شبعت تلقايها ماتمد يدها بهمجية ماوالو ​

 

[زهور الشوق]

رد: السرقة ف الماكلة

السلام عليكم اختي
اهلا وسهلا ايه لحقكنكم سلامة راسكم
ياو نقولكم انا من مدة كنت فعرس ونشوف واحد المنظر لولا نخاف ربي والله لو صورتو مي ما نحبش ترعفي زوج نسا فاتحين الصاك فالطابلة ويرفدو فاللحم من الطباسى ويديرو فيه ياو ذاك صاك او فريجيدار تخلعت ياو ماراهمش ياكلو تسرق فاللحم وتعمر فالصاك اواه عام المجاعة راه حاينا ويااااااااااااا تبهديل اما القاطو ما نحكيش يجيبولك 4 من الدار كامل يدو وخلي القاطو رحعو يحطوه فلاصال ياو كل وقت تعيطلك تقولي انت راهي تتعشى لازم تشبع لما رحت لهذا العرس فالنهار جارتي كانت فالطابلة هي وكل بناتها لما كملو كل شي قاتلي ليليا بقالك القاطو قتلها واشبيكم عام الشر وعلاه راكي تتعشاي قاتلي واشس ديني نقولك عارفاتك لسانك متبري قتلها ايه متبري من الهدرة مي شبعانة يا ختي عام اللهيف تقول قرضكم الشر
ما عرفتش علاه ويدابزو مع ليسفروز وقاع لو ما زاددتلهاش يسرقو كل شي ياو التبهديل اواه قتلهم الشر الناس ما راهمش ياكلو والله لو نموت ما نديرهاش جامي هدرت على قاطو او ماكلة او شي على العكس يعرضونا للعشا والله لو تحتمت نروح نكون تعشيت فدارنا باه نروح ما نحبش ناكل عند الناس
عام العجب ياو لامود الجايا تعرضيهم يسرقولك راجلك اواه انا نخمم ندير فالستاد ونعرض غير الرجال ههه

هههههههههههههه
والله ياختي بردتيلي قلبي
انا نكون معمرة صرف ونحب نكلاطي مي مانقدرش :down:
هاد الكاليتي لازم يتبهدلو فالوجه
عيب والله عيب
تيماجيني وحدة مليزانفيتي صابت نعناع يابس تاع تيزانة طمعت فيه وداتو
قالتلها لمرت خويا هادا نعناع مايحتاجوهش نديه مرت خويا مالصدمة بقات غير تخزر فيها مع انها الله يبارك ماقصرت دات من كل موجود :-r
نظن كل واحد علاما تربى ومول الطبيعة ماينطبع
نورتي الزينة
​

 

[السلطانة]

رد: السرقة ف الماكلة

وعليكم السلام
والله نحسب هاذ الحالة غير عندنا هههههههههه وياتريها منتشرة عبر كامل الوطن
يعني شعب يبقى روطار مهما مجتمعنا حسب روحو اتقدم والو
يديرو صال بلي سارفوز ولي سارفور مي العقلية والو
وحدة فامي تاعنا دارت عرس بنتها مالا ماش عارفة بلي راهم يسرقو
قالك كي غفلت مع بنتها في الحنة لي سارفوز سرقولها الماكلة دارت دجاج قالك حشاوه في باغاجهم
لمرا جات تشوف قريب تغاشات قعدت في الكرسي من الصدمة تاع كون الماكلة متكفيش العراضة تاعها :s
حنا عندنا ديصال شايعة عليهم هادي تاع السرقة ولي تروح تدير تم لازمها تتوله ولاتلقى الطوابل فارغين
وتاني كيما قلتي كاين عراضة يسرقو نورمال عيناني
الماكلة والقاطو
تاع القاطو يهفو لي بوات ويقولو ماديناش
عجب والله
الحاصول يفسدو العرس برك
يعطيك الصحة اختي وعندك نهار عرسك يسرقولك هههه قولي للافامي تتوله مليح الحالة دونجي

 

[Djaouida]

رد: السرقة ف الماكلة

وعليكم سلام
هههههه والله غير ضحكتني اختي ربي يهنيك
وي هدي راهي كاينة بزاف في مجتمع تعنا وراهي منتشرا هههههه
دروك نحكيلك وحد عفسا سرات معايا
هادو الليمات كان عندنا عمرة تاع اختي كبيرة درت قاطو نورمال
مين جات ضياف جاو باه يبوركولها زعما ههه حطينا قهوة ومعها قاطو
ومين نرفد قهوة نصيب قهوة وحدها مكانش قاطو حرت قلت والله غير
نشوف كي صرا لي قاطو هه تما شفت عجب شفت نسا يديرو قاطو في
ساك بقيت مخلوعة والله زعما منقلوش معندهمش والله بخير عليهم
رنا غير نسمعو في جديد الله يجيب الخير برك
يعطيك الصحة الحبيبة علي موضوع رائع
تحياتي​

 

[ام أمينة]

رد: السرقة ف الماكلة

جابلي ربي السرقة تع الماكلة راهي في كل مكان
و كل مرة نحاول نفسر هاد الامر ما نلقالوش تفسير

يسرقو.... اللحم..... القازوز..... الفاكية
تعرفي في وحد العرس حطولنا الخير حتى مكانش وين تديري وحدة دات لي سالي لي قعدو فالطبسي و دات القاطو ساك بيه بالطباسا تع الزجاج لي حطو فيهم و لي بوات تع القاطو سرباو و كانت مع 2 بنتها و كنتها خباوه و عيطو للسيرفوز و قالولها ما عطيتيناش و الاخيرة لي ما قدرتلهاش السكر لي كان فالسركرية عمراتو في صاشي جبداتو من صاكها العجيب و الله تبهدايل
قعدت نقول لوكان الكاميرا تحكمها ماشي تبهديلة
و مارانيش نمنشر راني نحكي وش شفت
كيما قلتي ما نحبش الناس لي خارجة من الشر هكذا ما تسرقوش دومونديو و مول العرس رايح يزيدكم و ما ينحيلكمش
ربي يهدي ما خلق
مشكورة اختي على الموضوع
تحياتي
​

 

[Djaouida]

رد: السرقة ف الماكلة

وعليكم سلام
هههههه والله غير ضحكتني اختي ربي يهنيك
وي هدي راهي كاينة بزاف في مجتمع تعنا وراهي منتشرا هههههه
دروك نحكيلك وحد عفسا سرات معايا
هادو الليمات كان عندنا عمرة تاع اختي كبيرة درت قاطو نورمال
مين جات ضياف جاو باه يبوركولها زعما ههه حطينا قهوة ومعها قاطو
ومين نرفد قهوة نصيب قهوة وحدها مكانش قاطو حرت قلت والله غير
نشوف كي صرا لي قاطو هه تما شفت عجب شفت نسا يديرو قاطو في
ساك بقيت مخلوعة زعما منقلوش معندهمش والله بخير عليهم وجيعانين
هههه رنا غير نسمعو في جديد الله يجيب الخير برك
يعطيك الصحة الحبيبة علي موضوع رائع
تحياتي​

 

[زهور الشوق]

رد: السرقة ف الماكلة

وعليكم السلام
هذه الحادثة تحدث كثيرًا عندنا
الحمد الله أنها موجودة عندكم كذلك
عادة جزائرية ، هذا ما أستطيع التفكير حوله
نختار الأهون يفعلُ هذا ولا يفعلُ السحر في الأعراس
وإلا تجدين مجتمعنا في ضياع ، هدانا الله
بوركت علي الموضوع يا طيبة
وفقنا الله.

​

المشكل وجود السرقة لا يمنع وجود الشعوذة :down:
ليكيب لي تسرق في النهار وحدها وايكيب اخرى ترومبلاصيها فالليل لطقوس يالطيف
وهل هناك ضياع اكبر مما نحن عليه ؟:smile02:
نورت اخي الكريم​

 

[السلطانة]

رد: السرقة ف الماكلة

على ذكر الأخ موضوع الشعوذة
كي غير ماما راحت لعرس
مالا قاتلي كي حناو للعروسة
العروسة لي شافت بعد هههه
شافت طفلة صغيرة سرقتلها من الطبسي تاع الحنة خطفت بيدها وداتو وراحت
تاع وصاتها وحدة كبيرة
ناضت لعروسة تقول ل امها ام سرقولي الحنة وهاي فلانة
مالا راحو للطفلة الصغيرة نحاولها الحنة ومسحولها يدها !
ناضت لعروسة تبكي وتقول ل امها علاه معسيتوهمش مليح
وبعدها رقاولها الما شرباتو
الحاصول عراسنا عادو مافيهمش لامان
سرقة الماكلة سرقة الحنة سرقة التصاور
يصورو في العروس وفي النسا وينشرو فيهم في الفايس بووك
يبهدلوهم او يخرجو التصاور ويعملو بيهم السحور
ربي يستر علينا برك
​

 

[زهور الشوق]

رد: السرقة ف الماكلة

السلام عليكم
هههههههههههههههه يعطيك الخير
والله صح تعرفي التبهديل تحسبي عمرهم ماكلاو
وين راها الاناقة نتاع المراة تبهدل راسها علي حبا ت قاطو وحلوي
وتعرفي كي يجي السارفور يدور بالقاطو يبقاو يرفدو بالزوج والتلاتة ههههه
ولا تقولو اصبر ندي حق صحبتي راهي ناضت هنا وتجي
ربي يهديهم​

امين يارب
الاناقة والله ماناقصين
تلقايها ضاربة لبسة ومشطة تكوني اخت لعريس ولا لعروسة ماكيش حطة قدها
مي الايتيكيت 0000
ههههههه واحد الخرطي
نسيتوني ماطيتوليش
ماني مريضة تتشهى زيدولي حقها
خواتاتي راهم ضياف فالدار عيب ندخل عليهم بشوية حلوة
خخخخخ الخ :p
شرفني مرورك زينة​

 

[زهور الشوق]

رد: السرقة ف الماكلة

فكرتيني مرة في عرس درنا قاطو في صينيات و ندورو و انا وحدة منهم بو من قبل قالولنا حبة حبة مكانش لي تدي 10 كلش بالحساب ولات لي تجي تدي زوج نقوللها ندور و نوليلك ههههههه و الله مرجعت علاش راهم خارجين من مجاعة حنا درنا حساب تاع لي يحضرو ماشي تاع لي ميحضروش
و درك في القوابس باش تتهني من تبهدايل هدوك
و اللحم ادا لاصال يحطولك حاجات وحدخرين و لي تجيبيهم معرفتش وين يدوهم مرة وجدنا كلش والله حاجة منحطت مي ديك دقيقة تقولي غير يفووت سلامات و بحر عليهم
و في الدار سور كلش عنده لي ينضمه متجيش برانيا تسربي
ربي يهديهم كرشهم غالبتهم

ههههههههه لقيتي الحل :p
ياو في ليبوات وماتسلكيش
مي والله يخسرو بزاف وتعشي في تبهدايل مع ضيافك
هاي خصت حلوة هاي خصت ماكلة
اميين يارب
فرحني مرورك​

 

[زهور الشوق]

رد: السرقة ف الماكلة

وعليكم السلام
والله نحسب هاذ الحالة غير عندنا هههههههههه وياتريها منتشرة عبر كامل الوطن
يعني شعب يبقى روطار مهما مجتمعنا حسب روحو اتقدم والو
يديرو صال بلي سارفوز ولي سارفور مي العقلية والو
وحدة فامي تاعنا دارت عرس بنتها مالا ماش عارفة بلي راهم يسرقو
قالك كي غفلت مع بنتها في الحنة لي سارفوز سرقولها الماكلة دارت دجاج قالك حشاوه في باغاجهم
لمرا جات تشوف قريب تغاشات قعدت في الكرسي من الصدمة تاع كون الماكلة متكفيش العراضة تاعها :s
حنا عندنا ديصال شايعة عليهم هادي تاع السرقة ولي تروح تدير تم لازمها تتوله ولاتلقى الطوابل فارغين
وتاني كيما قلتي كاين عراضة يسرقو نورمال عيناني
الماكلة والقاطو
تاع القاطو يهفو لي بوات ويقولو ماديناش
عجب والله
الحاصول يفسدو العرس برك
يعطيك الصحة اختي وعندك نهار عرسك يسرقولك هههه قولي للافامي تتوله مليح الحالة دونجي

الشعب الجزايري متحد فالسلبيات
اي والله الخلعة تحكمك العرس حسابات ومسؤولية ويجو لالاتي يدو حقهم وحق الناس
ههههههه الحل ساهل ندير عرس بلا ماكلة يشوفو وجهي خير وبركة :p
نورتي ختيتي​

 

[زهور الشوق]

رد: السرقة ف الماكلة

وعليكم سلام
هههههه والله غير ضحكتني اختي ربي يهنيك
وي هدي راهي كاينة بزاف في مجتمع تعنا وراهي منتشرا هههههه
دروك نحكيلك وحد عفسا سرات معايا
هادو الليمات كان عندنا عمرة تاع اختي كبيرة درت قاطو نورمال
مين جات ضياف جاو باه يبوركولها زعما ههه حطينا قهوة ومعها قاطو
ومين نرفد قهوة نصيب قهوة وحدها مكانش قاطو حرت قلت والله غير
نشوف كي صرا لي قاطو هه تما شفت عجب شفت نسا يديرو قاطو في
ساك بقيت مخلوعة والله زعما منقلوش معندهمش والله بخير عليهم
رنا غير نسمعو في جديد الله يجيب الخير برك
يعطيك الصحة الحبيبة علي موضوع رائع
تحياتي​

عمرة مقبوولة ان شاء الله
ههههههههه كيماداوش الكيسان احمدي ربي
هادا واش قلت قبيل لاباس بيهم وجيعانين
ربي يهدي ماخلق
شرفتي زينة​

 

[زهور الشوق]

رد: السرقة ف الماكلة

جابلي ربي السرقة تع الماكلة راهي في كل مكان
و كل مرة نحاول نفسر هاد الامر ما نلقالوش تفسير

يسرقو.... اللحم..... القازوز..... الفاكية
تعرفي في وحد العرس حطولنا الخير حتى مكانش وين تديري وحدة دات لي سالي لي قعدو فالطبسي و دات القاطو ساك بيه بالطباسا تع الزجاج لي حطو فيهم و لي بوات تع القاطو سرباو و كانت مع 2 بنتها و كنتها خباوه و عيطو للسيرفوز و قالولها ما عطيتيناش و الاخيرة لي ما قدرتلهاش السكر لي كان فالسركرية عمراتو في صاشي جبداتو من صاكها العجيب و الله تبهدايل
قعدت نقول لوكان الكاميرا تحكمها ماشي تبهديلة
و مارانيش نمنشر راني نحكي وش شفت
كيما قلتي ما نحبش الناس لي خارجة من الشر هكذا ما تسرقوش دومونديو و مول العرس رايح يزيدكم و ما ينحيلكمش
ربي يهدي ما خلق
مشكورة اختي على الموضوع
تحياتي
​

أخاه السكر :s :-o
اي والله لو يطلبو من مولات العرس غير تمد
ان شاء الله تتنحى هاد الظاهرة بيسك ماشي حالة هادي
والقناعة كنز لايفنى
نورتي غاليتي​

 

[زهور الشوق]

رد: السرقة ف الماكلة

على ذكر الأخ موضوع الشعوذة
كي غير ماما راحت لعرس
مالا قاتلي كي حناو للعروسة
العروسة لي شافت بعد هههه
شافت طفلة صغيرة سرقتلها من الطبسي تاع الحنة خطفت بيدها وداتو وراحت
تاع وصاتها وحدة كبيرة
ناضت لعروسة تقول ل امها ام سرقولي الحنة وهاي فلانة
مالا راحو للطفلة الصغيرة نحاولها الحنة ومسحولها يدها !
ناضت لعروسة تبكي وتقول ل امها علاه معسيتوهمش مليح
وبعدها رقاولها الما شرباتو
الحاصول عراسنا عادو مافيهمش لامان
سرقة الماكلة سرقة الحنة سرقة التصاور
يصورو في العروس وفي النسا وينشرو فيهم في الفايس بووك
يبهدلوهم او يخرجو التصاور ويعملو بيهم السحور
ربي يستر علينا برك
​

هاد الطقوس ونتائجها الوخيمة خليها سكات
كيما قلتي عراسنا مايهمش لامان
بيسك تلقاي بنادم يضحكلك في وجهك وبالاك اقرب ناسك
والضربة تجيك منو
ربي يرزقنا كاملين الخوف منو وطاعتو
اللي مايخاش ربي الخوف من فعايلو
الله يحمينا من شر الخلق​