المخطوبة والعازبة تسألان والمتزوجة وصاحبة الخبرة تجيب

[السلطانة]

أهلا وسهلا بجميع اللماويات
منورات ركن تجهيز العرائس ولوازمها


نعيد إليكن من جديد موضوع

المخطوبة أو الفتاة تسأل والمتزوجة تجيب


وعليه فلتجعلن من هذا الموضوع ملتقى لأسئلتكن التي تهمكن في حياتكم الزوجية
وخلال فترة الخطوبة

والرجاء من كل أخت مساعدة أختها المحتاجة للنصح والارشاد في حياتها الزوجية.

​

 

[شمس الاصيل2]

رد: المخطوبة والعازبة تسألان والمتزوجة وصاحبة الخبرة تجيب

رائع ان شاء الله الكل يستفيد جعلها الله في ميزان حسناتك

 

[Djaouida]

رد: المخطوبة والعازبة تسألان والمتزوجة وصاحبة الخبرة تجيب

فكرة هايلة يعطيك الصحة اختاه

 

[iman-dz4ever]

رد: المخطوبة والعازبة تسألان والمتزوجة وصاحبة الخبرة تجيب

اهلين فكرة روووووعة اختي ام ياسمين ان شاء الله تفيدونا الاخوات المتزوجات لي عودة
​

 

[@R@ZIK]

رد: المخطوبة والعازبة تسألان والمتزوجة وصاحبة الخبرة تجيب

السلام علبيكم
فكرة مليحة
في ميزان حسناتكن
تحياتي​

 

[بنت الـ25]

رد: المخطوبة والعازبة تسألان والمتزوجة وصاحبة الخبرة تجيب

السلام عليكم شوشو
فكرة جميلة رايحة ندخل لهنا بزاااف خخخخخخخخخ نقرعج
بالتوفيق

 

[Ľă Mîšš HîBă]

رد: المخطوبة والعازبة تسألان والمتزوجة وصاحبة الخبرة تجيب

السلام عليكم والله كان في بالي هاد الموضوع غير مالقيتش وقت باه نحطووو يعطيك الصحه ام ياسمين في ميزان حسناتك

ياريت تفيدوونا يالمتزووجات بليماسك تاع الوجه وكيفاه وجدتو رواحكم لعرسكم فليمات الاخيره

 

[دعاء الجنات]

رد: المخطوبة والعازبة تسألان والمتزوجة وصاحبة الخبرة تجيب

انا مخطوبة .. سؤال للمتزوجات
يعني في فترة الخطبة اذا كنتي تسمعي الغزل من عند خطيبك يعني يقولك انت شابة وماشاء الله وكذا...وكذا.... ، هل صحيح الرجل يتبدل بعد الزواج ويولي مايغازلش بزاف زوجتو؟
^_^ وشكراا

 

[مريم.]

رد: المخطوبة والعازبة تسألان والمتزوجة وصاحبة الخبرة تجيب

بعض الماسكات التي استعملتها قبل زواجي السدر المطحون وقليل من الماء وقطرة ليمون تخلطيهم بين كفيييك وطليهم في الوجه والرقبة نتائج رائعة
ملعقة لحظظة عصير ليمون ممتازة لصفء الوجه ​

 

[السلطانة]

رد: المخطوبة والعازبة تسألان والمتزوجة وصاحبة الخبرة تجيب

السلام عليكم والله كان في بالي هاد الموضوع غير مالقيتش وقت باه نحطووو يعطيك الصحه ام ياسمين في ميزان حسناتك

ياريت تفيدوونا يالمتزووجات بليماسك تاع الوجه وكيفاه وجدتو رواحكم لعرسكم فليمات الاخيره

وعليكم السلام اهلا وسهلا بجميع البنات لي ردو في الموضوع ياريت تشرفونا بالتفاعل والأسئلة :p
نرجع لسؤالك أختي هبة
بالنسبة للأقنعة لي جربتهم وقت كنت نوجد لعرسي وبما أنو عرسي كان في الصيف
فكنت نعمل ماسك بياض البيض والنشا يوميا في الصباح لمدة 10 دقائق وكي نخرج نقضي وتضربني الشمس نزيد نرجع مع الليل
نعمل gوماج بالسكر وصابون الحجرة ونزيد نحط ماسك النشا ومرات نعوض بياض البيض بماء الورد :thumb_up02:
وكي بقاو 15 يوم لعرسي رحت للحفافة دارتلي 2 ماسك بصح صرعتني ب300 ألف للواحد
بصح ماشي خسارة مرة في العمر
نتمنى نكون فدتك
:regards01:

 

[السلطانة]

رد: المخطوبة والعازبة تسألان والمتزوجة وصاحبة الخبرة تجيب

انا مخطوبة .. سؤال للمتزوجات
يعني في فترة الخطبة اذا كنتي تسمعي الغزل من عند خطيبك يعني يقولك انت شابة وماشاء الله وكذا...وكذا.... ، هل صحيح الرجل يتبدل بعد الزواج ويولي مايغازلش بزاف زوجتو؟
^_^ وشكراا

ربي يكمللك بالخير ان شاءالله
هاذي ترجع لعقلية وشخصية الراجل
انا مع راجلي متبدلش بقى هو هو
بالعكس الحبّ يكبر بعد الزواج مايبقاش كيما وقت الخطوبة راح يتطور حب راجلك ليك
:regards01:

 

[أم الأولاد]

رد: المخطوبة والعازبة تسألان والمتزوجة وصاحبة الخبرة تجيب

موضوع رائع شكرا

متى يجب على المرأة أن تقوم بالغسل وكيف لها أن تعرف متى يجب الاغتسال من الافرازات التي تخرج منها ؟

وربي يهني كل وحدة
​

 

[Ľă Mîšš HîBă]

رد: المخطوبة والعازبة تسألان والمتزوجة وصاحبة الخبرة تجيب

وعليكم السلام اهلا وسهلا بجميع البنات لي ردو في الموضوع ياريت تشرفونا بالتفاعل والأسئلة :p
نرجع لسؤالك أختي هبة
بالنسبة للأقنعة لي جربتهم وقت كنت نوجد لعرسي وبما أنو عرسي كان في الصيف
فكنت نعمل ماسك بياض البيض والنشا يوميا في الصباح لمدة 10 دقائق وكي نخرج نقضي وتضربني الشمس نزيد نرجع مع الليل
نعمل gوماج بالسكر وصابون الحجرة ونزيد نحط ماسك النشا ومرات نعوض بياض البيض بماء الورد :thumb_up02:
وكي بقاو 15 يوم لعرسي رحت للحفافة دارتلي 2 ماسك بصح صرعتني ب300 ألف للواحد
بصح ماشي خسارة مرة في العمر
نتمنى نكون فدتك
:regards01:

ربي يخليك اختي فدتيني بززززااف ربي يحفضك

 

[iman-dz4ever]

رد: المخطوبة والعازبة تسألان والمتزوجة وصاحبة الخبرة تجيب

سلام بنات حبيت نعرف واش نفسيتكم قبل العرس انا مع طوووول انتظاري لهذاك نهار بصح ضرك راني نفسية في الارض و زعافي محطوط من الفوق برك اي حاجة تزعفني ربي يفرج برك في بالي نرقي واش رايكم
وزيد الناس يا حفيظ اقربهم هوما الي يطيحولك المورال
والي زادت عذابي ماماتي كل يوم نتفكر بلي راح نخليها وحدها نموووووووت مع معنديش خواتات كنت نحيلهاعلى خاطرها و تنحلي على خاطري مونستني وكللللللش وااااع منقدرش نخمم بلي راني نروح ونخليها في الشقاء وحدها امي و ختي و صحبتي اوف راح نبكي واش راكم كيفي و لا هبالي وحدي
​

 

[ام أمينة]

رد: المخطوبة والعازبة تسألان والمتزوجة وصاحبة الخبرة تجيب

ايمان اختي هادي هي سنة الحياة الطفلة مهما طلعت و هبطت دار راجلها لي تسترها
ربي يعينك فراق دار والديك صعيب
​

 

[ام أمينة]

رد: المخطوبة والعازبة تسألان والمتزوجة وصاحبة الخبرة تجيب

السلام عليكم والله كان في بالي هاد الموضوع غير مالقيتش وقت باه نحطووو يعطيك الصحه ام ياسمين في ميزان حسناتك

ياريت تفيدوونا يالمتزووجات بليماسك تاع الوجه وكيفاه وجدتو رواحكم لعرسكم فليمات الاخيره

انا عندي ماسك شباب و ينقي الوجه

كي طيبي القهوة الكحلة التلوة لي تقعد فالصفاية تع البراس نحي منها شوية + 1/2 ملعقة عصير ليمون و 1/2 ملعقة عسل حرة +1/2 ملعقة زيت زيتون و تخلطي حتى الحصول على خليط
تديريه في وجهك و تخليه نصف ساعة
و كي تروحي تغسلي اغسلي بالماء دافئ و كي تكوني تنحي فالماسك حكي باصابعك بشكل دائري كي تكلي شللي وجهك مليح و نشفيه بالورق الماص و من بعد احكمي قطنة تكون شوية كبيرة و شمخيها بالماء ورد و وجوزيها على كامل وجهك و رايحة تشوفي الفرق

 

[ام أمينة]

رد: المخطوبة والعازبة تسألان والمتزوجة وصاحبة الخبرة تجيب

انا مخطوبة .. سؤال للمتزوجات
يعني في فترة الخطبة اذا كنتي تسمعي الغزل من عند خطيبك يعني يقولك انت شابة وماشاء الله وكذا...وكذا.... ، هل صحيح الرجل يتبدل بعد الزواج ويولي مايغازلش بزاف زوجتو؟
^_^ وشكراا

على حساب الزوج
​

 

[iman-dz4ever]

رد: المخطوبة والعازبة تسألان والمتزوجة وصاحبة الخبرة تجيب

اهلين ام امينة صح فراق الاهل صعيب سيرتو الي رايحة لمدينة بعيدة و بالخصوص فراق الام بلاك الاب و الاخوت نتحمل فراقهم بصح ماما ااااااااااااااف راني نبكي من ضرك
​

 

[أم الأولاد]

رد: المخطوبة والعازبة تسألان والمتزوجة وصاحبة الخبرة تجيب

اهلين ام امينة صح فراق الاهل صعيب سيرتو الي رايحة لمدينة بعيدة و بالخصوص فراق الام بلاك الاب و الاخوت نتحمل فراقهم بصح ماما ااااااااااااااف راني نبكي من ضرك
​

الوحدة تقول نتزوج نتهنى مع الشخص لي خير قلبي
لكن كي تتفكر الوالدين والاخوة كيفاه نفارقوهم انا تاني راني نخمم من ضروك
ربي معانا

 

[ام أمينة]

رد: المخطوبة والعازبة تسألان والمتزوجة وصاحبة الخبرة تجيب

اهلين ام امينة صح فراق الاهل صعيب سيرتو الي رايحة لمدينة بعيدة و بالخصوص فراق الام بلاك الاب و الاخوت نتحمل فراقهم بصح ماما ااااااااااااااف راني نبكي من ضرك
​

انا مزوجة بعيد على اهلي و الله ما ساهل