السلام عليكم
شكراً غاليتي مريم على الاشراف على هذه المبادرة الجميلة
التي في كلّ مرّة نستفيد منها والحمد لله، ربما تغيبت عن الاخت أم أمينة وتعذرني
ولكن رايحة نكون حاضرة بإذن الله هاد المرة
على كل حال أول ما قلتي ضيفي عرفتو بلي الاخ ^^ حتى قبل مانقرا اسمو
لأنو نشاطو واضح ماشاء الله وتفكيرو سليم الله يبارك
ورايحة نطرح عليه اسئلة بسيطة بما أنو نص الاسئلة طرحتوهم
س1: ماهي الطريقة التي تحب أن تربي عليها أطفالك؟
ان شاء الله تربية اطفالي تكون حسب تربية والدينا : الدين والطاعة والاحترام
س2: إذا تزوجت تفرض على زوجتك لبس الحجاب الشرعي؟ ولا تختارها من الاساس على حجابها الشرعي؟
اصلا انا فكرتي اني أختارها من الأول على حجابها الشرعي أنا مانستعرفش بالحجاب مودارن لي راه يدور اذرك كل وحدة كيفاه دايراتو ومعمر الوان فاتنة وماشابه ، الحجاب الشرعي عندو ضوابطو ولكن في حال مااذا كتب ربي مع فتاة ملتزمة ومتحجبة لكن حجاب عادي أول شيئ هو اللباس الشرعي نعتلها وتولي تلبسو لأنها هي المرآة نتاعي والمجتمع مايرحمش
س3: إذا حدثت مستقبلا مشاكل بين زوجتك ووالدتك ( وإن شاء الله ماتصراش ^^) كيف تحلّ الأمور؟
أمي هي أمي مستحيل ندير معاها مشكل تحت أي سبب وفي حال حصول شيئ نحاول نرضي الطرفين ومن الاحسن نخرج نسكن وحدي ونربح داري وخاوتي والزوجة بالرغم من ان امي مسكينة ماتتدخلش فحياتي وراني متأكد راح تساعدني بزاف بعد الزواج أمي ناس ملاح بزاف وحنينة
نتوقف عند هاد الاسئلة، ان شاء الله اقامة طيبة وممتعة
ولي عودة بإذن الله
شكرا جزيلا وسعيد بالاجابة عن اسئلتك ومرحبا بك
