لاصحاب الهمم العالية ادخلوا

[لاريمان]

السلام عليكم ورحمة الله وبركاته

مرحبا بآل اللمة الكرام
بعيدا عن المواضيع النقاشية والفكاهية
اود طرح موضوع يهمنا وخاصة اننا على ابواب شهر رمضان المبارك
هو موضوع تحفيزي لرفع الهمم خلال شهر رمضان
كيف رايح تستقبل رمضان
هل خططت ياترى واش رايح تدير؟
راكم تشوفو لتضييع وقت المسلم
جندت له الكثير من المسلسلات؟ والعديد من السكاتشات
في العديد من القنوات
لكن هل كل واحد منا سال نفسو
اين وقتي للعبادات؟
هل وقتي كامل رايح يكون
مقسم بين النوم والقنوات
ام ان هناك فترات ايمانية
واش رايح تدير هو ليس رياء بل هو لرفع الهمم
وهي فرصة لنعرف كل عضو كيف يكون يومه
خلال هذا الشهر العظيم الذي تضاعف فيه الحسنات
هل سنضيعه؟




​

​

 

[ليليا مرام]

رد: لاصحاب الهمم العالية ادخلوا

السلام عليكم اختي
شكرا موضوع مهم جدا اييه رانا نشوفو وجدو القنوات العجب وما تلقاي ما تشوفي فيهم انا الصراحة نحب كاميرا رامز واكل الجو هذا العام راح يدير رامز يلعب بالنار الباقي والله الخلايع
شوفي انا كل عام نقري الاولاد الصغار فدارنا القرآن مجاني لوجه الله نحفظهم وفليلة ال 27 نديرلهم حفلة صغيرة ونحنيلهم ونمدلهم هدايا عندي حاليا 10 سنوات هاكا كل عام رغم نكون مريضة ان شاء الله راني سجلت القائمة هذا العام الاولاد صغار كالحضانة ونفرح معاهم بزاف
الباقي ككل سنة راكي عارفة شغل الدار عادي لا دخلة ولا خرجة كيما موالف احسن
وفالدار والله ما نوجدو الدار نظيفة ديما الحمد لله ماكان لاه ندير نتواياج ولا نصبغو ولا شي لانو دارنا نظيفة ونوجدو القلب مش المظاهر
شكرا لك موضوع مهم

 

[Msb security]

رد: لاصحاب الهمم العالية ادخلوا

وي صح اختي عندك الحق ربي يثبتنا علي طاعتو
وانشاء الله في هاذ الشهر الكريم تتسامح القلوب
ونكون كع اخوة متحدين ويكثر الخير و البركة
وانشاء الله مانضيعوش وقتنا في هادو المسلسلات التافهة
اللهم تبتنا علي الصيام و القيام وفعل الخير انا وكل من قال امين
.. يارب

 

[أميرة ميرال]

رد: لاصحاب الهمم العالية ادخلوا

مساء الخير اختي
أنا صراحة خاطيتي التيلي هذا وما ندورش بيه تلقايني
غير في التيليفون نلعب ولا في اللاب توب ندور في النت
ورمضان ما يخلعونيش فيه مسلسلاتو وحدي نتفرج
مسلسل مع لفطور كي حكاية عاشور العاشر العام
لي فات هذا ماكان وباقيها الصباح خدمة ولعشية قرآن
وفي الليل مرات نت مرات نكمل واش بقالي من أحزاب
ما قريتهم ولا نصلي وربي يوصلنا لرمضان ونزيدو
نصوموه ويتقبلو منا ان شاء الله
​

 

[لاريمان]

رد: لاصحاب الهمم العالية ادخلوا

بارك الله فيكم
وربي يقدركم على فعل الخير
هي ايام مباركة لمن اراد استزادة الحسنات
اللهم بلغنا رمضاواشكركم على مشاركاتكم

 

[إلياس]

رد: لاصحاب الهمم العالية ادخلوا

لا تسمن و لا تغني من جوع المسلسلات و السكلاشات في رمضان وتعاود لكن لم يعاد

 

[السلطانة]

رد: لاصحاب الهمم العالية ادخلوا

وعليكم السلام اللهم بلغنا رمضان
اكيد شهر رمضان ليس شهر للنوم والتلفاز بل هو شهر الطاعات يجب على المسلم استغلاله
ان شاءالله ككل عام ربي يقدرني
على الصلاة والقيام وختم المصحف
..
اللهم بلغنا رمضان
بارك الله فيك اخيتي على التذكير وايقاظ النفوس