مساء الخير بنات واش حوالكم ؟
جبتلكم اليوم وصفة مجربة من طرفي وهي ماسك لتفتيح البشرة وترطيبها
الماسك هذا أنا نخدمو في الدار ونستخدمو للتفتيح والتبييض وتوحيد لون
البشرة وفي نفس الوقت يقضي على الحبوب ويخلي البشرة ملساء
وإليكم الوصفة:
- صابونة دوف لازمة الصابونة هذي بالذات
- زوج قطرات زيت جليسيرين
- نص قرعة من الصغار ماء ورد
راهي تجيك كمية كبيرة كيف في الصورة هذيك العلبة كاملة معبية بيه
تكفيك لمدة طويلة وتخبيها في لفيريجيدار وكل ما تجي تستعمليها تجبديها
وراهي تبقى رطبة وطرية يعني ما تيبسش كي تدخليها للفريجيدار
أما على طريقة استعمالو:
تبللي وجهك بالماء وبعدها تحطي عليه الماسك وتخليه 30 د راه يشيح
على وجهك وتحسي مرات بوخز في البشرة ولا تحسي وجهك ياكل
على خاطر بدا الماسك ينشف على وجهك ويبدا وجهك يتشد بصاح
عادي ما تتقلقيش وكي تفوت المدة اشطفيه بماء دافي ورايحة تلاحظي
الفرق بعد ليه ليه تحسي وجهك بياض ونقى :p:p وتقدري تستعمليه يومي
ودرك نعمل موضوع وحد آخر على طريقتي في العناية بوجهي
ان شاء الله نكون فدتكم ولو بشوية
:-r
المرفقات
آخر تعديل بواسطة المشرف:
