رد: تجاربكم حول موانع الحمل ....الكل يفيد
هل هي رجعت وكيما قلت راح اكون اول المفيدين
بون اول السلام بعد الافادة استعملت سيرازيت على خاطر كنت نرضع وبعدها حصلي نزيف وغيرتهلي الطبيبة واعطاتني ميليان شربتو شهر
نشف حليبي واحملت بحمل خارج الرحمة وسقط والحمد لله
وبعدها ماركاتلي الطبيبة ميغفيلون ضربتو 5 اشهر يسببلي القلقة النحافة وصداع النصفي( الشقيقة) دورو غير منتظمة
وغيرتو الى ميرسيلون لا جدوى قلقة نرفزة على اتفه الاسباب دورو غير منتظمة لمدة 3 اشهر
وبعدها غيتو على مينيس شربتو قريب العام . الصراحة راحتلي القلقة والنرفزة وريحت يعني الوزن بقى نورمال ( وليت كيما كنت ) يسمن شويا
بصح دارتلي كيس مائي يعني. غالي عل الفاضي
الحمد لله داب بالدواء
وبعدها الطبيبة كتبتلي ميكغوجينون 30
شربتو مي قالولي يجعد و ضعيف بزاف ويسبب انكماش الجلد وصح
معلومات اني شربتو غير 3 اشهر
اليوم شريت ميليان على حساب واش قالو الطبيبة مليح ومدحتولي
ومانعرف
اني نخمم نعمل لولب هرموني
اللي عنها تجربتها تحطهالنا هاك كيما قلت يستفادو الاخوات
