السلام عليكم حبابنا ولمتنا لمة العايلة كالعادة الليلة مع سهرة جديدة من
وحاجة اكيدة راكم كامل عرفتو السهرة كيفاه تكون مي معليش راحين نفكروكم
يا الله ضيفتي او ضيفي لازم تفوت على كل المراحل هذي
تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم
واحد من عشرة .... راهي ارقام وانت يا ضيفنا تختار رقم وراح نمدولك بوقالتك
انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك
كلمة ختامية ........ منك كلمة ختامية
واخيرا هدية الضيف هذي نمدلك فيها كادو انا يبقالك ذكرى
السلام عليكم صحا فطوركم واهلا وسهلا بيكم عندي واهلا بي عندكم والاهم اهلا بالضيفة وبنت الدار في سهرتنا اليوم
اليوم راحين نتلاقو فالسهرة هذي سهرة مميزة كيما كل السهرات
ضيفتي اليوم ضيفة مميزة جدا ولها مكانة خاصة جدا عندي ونعزها لدرجة كبيرة ونشكرها لانو ديما تسقسي عليا وتابعني
الفضول خلاني نعرضها حتى نتعرفو عليها ونعرفو الطفلة هذي مولات العقل الكبير شكون هي
رحبو معايا بضيفتي الغالية
جيهان جوجو :: مرشحة للإشراف :: منتدى المرحلة المتوسطة
ضيفتي الكريمة اللي ما نعرفوهش عليك لازم اليوم نعرفوه
جيهان داخل المنتدى وبرا المنتدى كيفاه هي العقلية
عاقلة مطيارة تهدر بزاف او ساكتة واش دير واش ما ديرش
جيهان وهي صغيرة
المهم خاوتك داخلين هنا والقرع فارغين لازم يعمروهم راكي تعرفي حنا اللي نحبوه لازم نسقسو عليه
يعني يا ضيفتي افهمي روحك واحكينا عليك شوي
ايا نروحو للفقرة اللي وراها
يومياتك هذي فقرة تحكينا فيها على جدولك فرمضان من وقت تتسحري لوقت المغرب
وكيفاه تقسمي وقتك مع المنتدى ومع الدار
المهم اعطينا كل شي حتى تلحق ال 10 نقول اييه جيهان راهي راقدة او تسيق او فالمنتدى لازم نعرفك واش ديري
الله غالب اختي لازم نعرف
ضيفتي راكي متبعة الموضوع وعارفة الفقرة هذي لازم تجاوبيني عليها
1- جيهان اهم شخص في حياتها شكون ؟
2- موقف صدمك وموقف فرحك واش هوما ؟
3- كيفاه تشوفي فالزواج عبر النت تامني به او لالا ووعلاه ؟
4 المنتدى فيه ناس بزاف كيفاه تقدري تحكمي على شخص من وراء الشاشة صادق او لالا ؟
5 كلمة فقلبك لمن تقوليها وواش هي وما تقوليش ندعيلكم ونحبكم كامل لالا مديلي الصح انا
ضيفتي العزيزة شكون تختارها لتحدي
عضو او عضوة وواش هو التحدي قوليلي اسم العضوة او العضو وانا نخليكم تتحداو
انا نيتي خير وفاعلة للخير نشعلها ونبعد والاعضاء ما يسلكو ما والو راهم ناويين الخير كيما انا
عارفين المنكر هذا لما يشوفوه وما يدخلوش يدو الأجر
ضيفتي راسلتها وحاولت نديرلها كاميرا كاشي مي نظنها حست
اواه لازمني نبدل الاسلوب لانكم فقتولي عليها لزام نبدل على طريقة رامز جلال
شوفو رسالتي مع الضيفة
سلام عليكم السلام عليكم اختي جيهان ان شاء الله امورك بخير
اختي شكون راسلاتك وطلبت منك تفسيد موضوعي وديري موضوع نتاع سهرة مشابه لموضوعي
وتقريبا نفس الوقت والله ما توقعت منك هذا علاه ما قلتيليش باللي راسلوني حتى نعرف انا من اعضاء اخرين انا ما نتبهتش انو نفس الفكرة
وانو بالعاني يعني انت جيهان والله ما كنت نصدقها
رد: سلام عليكم إقتباس: المشاركة الأصلية أضيفت بواسطة: جيهان جوجو وعليكم السلام ورحمة الله وبركاته
الحمدلله حبيبتي السوال عليك نشالله راكي بخير
اممممم انا مكنتش قاصدة هيا عضوة دارتها وفاتلي ساعديني وساعدتها وانا ثاني عجبتني فكرة موضوعها قلت خليه نشطوه مع بعضانا
يعني المهم مكنتش قاصدتها ليك حبوبتي
متقلقيش حبيبتي اذا حبيبتي نبطل هذاك الموضوع وغير تهدني برك متقلقيش روحك
لاا مش مسالة عنو نحب او لالا عادي يكتبو وانا ماذا بيا قد ما نتعرفو على الاعضاء مليح
مي انت لما راسلاتك كنت تقولي انو نفس فكرة ليليا نتاع السهرة على الاقل كنت تراسليني يا سيدي تحطيني فالصورة برك
علاه ضرك درتيه علاه تنجيه على كل حال شكرا
رد: سلام عليكم إقتباس: المشاركة الأصلية أضيفت بواسطة: جيهان جوجو امممم بصح ويكتا راسلتيني هاهااهها
والله مجاتش في بالي نقلك نسيت راكي عارفة الصيام
على خاطرك منوليش نديروو غير متقلقيش اختي ومتزعفيش
اعتذر واكرر اعتذاري
صح رمضانك وصح فطورك
في امان الله
شكون راسلك انا ما قلتش راسلتك قتلها كنت انت تراسليني
على كل حال ختنا جيهان يشرفني تكوني ضيفتي الليلة
وراكي فقتي انو كاميرا اواه لازم نبدل الاسلوب مي نقولك شرف ليا تكوني ضيفتي فالسهرة
نشكر ضيفتي ولو انها فاقتلي
وراح نبدل الاسلوب ان شاء الله منا وجاي راح نولي قبيحة ما تحبوش العاقل نتوما استنو عليا برك
ضيفتي نشكرك لانو قبلت الدعوة بكل صدر رحب نشكرك على وقتك وعلى جهدك وعلى نشاطك وتواجدك المميز فالمنتدى
وانا نشكرك على اهتمامك بيا من يوم دخلت للمنتدى ونقولك انت فعلا جوهرة ونعم من رباك اخلاق عالية وهادئة وعقلية اكبر من سنك بكثير
شكرا اختي جيهان وانا نقولكم غدوة بحول الله راحين ندير اول استطلاع لكل السهرات اللي فاتو كونو فالموعد
جيهان اسمك الحقيقي ولا تع خرطي ؟
عمرك ؟
مستواك الدراسي ؟
كفاش مع رمضان غالبة ولا مغلوبة ؟
علاقتك بالمطبخ ؟
شحال عندك اخوات ؟تتقاسمو الشغل ولا كل يوم وحدة تخدم ؟
