رسالة إلى سيدات اللمة

[حيلتي في حسن نيتي]

السلام عليكم و رحمة الله تعالى و بركاته عيدكم مبارك و كل عام و أنتم إلى الله أقرب
الرجاء منكن يا فضليات مساعدتي فيما يخص تجهيز العروس الكامل راني حايرة واش ندير أنا مخطوبة و زواجي قريب مع العلم أنه صداقي ب 11 مليون بدون احتساب الذهب و يا ريت يكون من ولاية تيارت و شكرا لكن و ربي يهنيكم و يحفظكم :dunno01:

 

[{مُدَلَّلَتُهُ}]

رد: رسالة إلى سيدات اللمة

السلام عليكم و رحمة الله وبركاته

أولا صح عيدك اختي كل عام و انت بألف خير ينعاد عليكم بالصحة ان شا الله

ثانيا ربي يهنيك ان شا الله و ربي يجعلها زواج الدهر ان شا الله و يرزقكم بالذرية الصالحة

نجو للمفيد

شوفي أختي مانيش متزوجة بصح من خلال شا شفت و النصائح لي من و من نقولك

ما تديش بزاف في التصديرة "تروحي تخسري دراهم في التصديرة و مبعد تلبسيهم غي نهارالعرس و تخلي الغبرة تاكلهم في الخزانة " اشري حاجة و لا 2 شابين و ما يديموداوش و الشي لاخر كري برك

حنا عدنا في تيارت مازالو يدو المطارح تاع الصوف . نصيحة خطيك . . ضوكا الناس كاملين راهم يشرو المطارح الطبيين و الفراش يفرشو النورمال

اللحوفا ادي تاع لاواط مشي تاع الصوف لاخاطر تع الصوف يخسرولك بالخف و زيد لازم تحطي عليهم بالك و دايما تتفقدي و حالتك حالة

كي تجي باغية تخرجي تجهزي اكتبي في ورقة الحوايج لي باغية تشريهم و ديريلهم ميزانية خاصة ما تفوتيهاش هاكا مشي تشري حاجة و تخلي حاجة .و تفكري الحوايج الرقاق قبل لأنهم هوما الي تتفكريهم كي تولي قريب تترفدي و تقعدي حاصلة مين تجيبي و شا يخرجك

ما تكثريش الحوايج لي تروحلهم لامود "كيما البدعيات "خاطر تلقاي هاداك الموديل ديمودا و انت غي مازلتي ما لبستيه و راجلك أكيد لمبعد راح يشريلك ما يخليكش هاكاك !

هادا ما عرفت ان شا الله يجو الأخوات و يساعدوك . . سلامي

​

 

[حيلتي في حسن نيتي]

رد: رسالة إلى سيدات اللمة

ربي يهنيك و يرزقك الزوج الصالح و نفرحو بيك إن شاء الله نشكرك بزززززاف و ربي يخليك

 

[حيلتي في حسن نيتي]

رد: رسالة إلى سيدات اللمة

السلام عليكم الرجاء يا أخوات تشوفو الموضوع و تعاونوني راني بغية ندي رايكم في الجهاز تاعي راني نخمم واش ندير رجااااااااااااااااء اللي مالفة تشري و لا عندها خبرة تقولي و الله يجازيكم