التسجيل في باك 2017 كمترشح حر و متدرس في نفس الوقت

[Bakir zizou]

السلام عليكم
هاذي اول مرة اعيد السنة في حياتي و اقسم بالله انا مظلوم شفت دروك كشف النقاط و الله خدمت اكثر من هاك بكثير و راني متاكد .. المهم حبيت نسجل كمتمدرس على جال السورسي و في نفس الوقت نعاود كمترشح حر يعني نسجل في الليسي و مانشوفوش بعد راني كاره منو .. هل يوجد عقوبات للغائبين طوال السنة و نسجل كحر او متمدرس خير مع عدم الحضور طوال السنة

 

[همس الوُرود]

رد: التسجيل في باك 2017 كمترشح حر و متدرس في نفس الوقت

السلآم عليكم

صح الإعآدة صعيبة بزآف لكن نصيحتي هي الإعآدة كمتمدرس مع الحضور

مهمآ تتعذب وصح تتعذب لكن هكآك خير والله

ورآنآ شفنآهم الي عآودوا العآم كأحرآر وش دآروا فيهآ والي عآودوا العآم متمدسين وغآبوا بزآف وش دآروا بيهآ

الإعآدة مع الحضور هذآ أفضل شيء ~

لآزم تتحمل الألم هذآك بش تنجح مليح ....وكل شيء بالمكتوب كيمآ كتبلك ربي متنجحش هذآ أمر مليح ليك

أنآ العآم الي فآت منجحتش و غآضتني وكلش مي دوك رآني نحمد في ربي الي عآودتوا أفضل ~

ربي يهنيك​

 

[miss victoria]

رد: التسجيل في باك 2017 كمترشح حر و متدرس في نفس الوقت

حاول انك لا تياس
اصببر

 

[ضيوف وسـنغادر]

رد: التسجيل في باك 2017 كمترشح حر و متدرس في نفس الوقت

السلام عليكم
لالا يا اخي لالا كونك متمدرس وواظب على دروسك والزم نفسك بكل شيء زير روحك كيما نقولو
علاه ماتفوتش فالليسي قريب ليك كلشي رسمي ومتراح
تفوت حر يبعتوك بلاسة بعييدة وو
صدقني كيما حلاوة الليسي مكانش....ماتغيبش حل عينك
صدقني راهم الي عاودوا كامل العام اللي فات العام هدا العام كامل راهم ب11-12 ليست معدلات عالية ولكن المهم تغير حالهم
بالتوفيق
ماتفقدش الامل واصبر وفيها خير اكيد​

 

[لاريمان]

رد: التسجيل في باك 2017 كمترشح حر و متدرس في نفس الوقت

عليك اولا التسجيل بالثانوية ومحاولة مزاولة الدراسة حتى تسجل في البكالوريا وبعدها يمكنك اجتياز البكالوريا عادي لانك سجلت ومحسوب على مؤسستك
لكن هادي اجراءات قديمة لان الوزيرة راهي رايحة تغير الاجراءات
يعني انتظر حتى نشوفو الاجراءات الجديدة وبعدها قرر
نصيحتي لك حظوظك في النجاح كمتمدرس كبيرة مقارنة مع الاحرار
والقرار لك
بالتوفيق