أصداء فيسبوكية .....للنقاش

[لاريمان]

بعدما شفنا موضوع الاخ حكيم حول المشاهير واستغلال الشبكة العنكبوتية
حبيت نطرح موضوعي

الي رايح يطرق لزوايا معينة
الملاحظ والجميع نتافقو على الاستعمال المفرط للفيسبوك
بصح وين نستغلوه وكيف نستغلوه كل وحد ورايو
الجانب السلبي للفيسبوك
على استغلالو من قبل البعض في الانتقام تشويه سمعة
يعني انت قاعد تلقى روحك في الفيسبوك
لو قسرة ولاتمسخير
لكن رايحة تاذي الشخص بقصدولا بغيرو
مثال الشاب الي تهموه بمقتل الطفلة نهال وحبكو الجريمة
وتخيلوا تاثير هذا :s
وبلا مانحكي على نشر الاسرار وفضح المستور
وراكم تعرفو قضية اكرام
اما السلفي يعني كل واحد يصور روحو
هنا تبقى حريات شخصية

وامور اخرى بزاف الي محترفين الفيس بوك يعرفوها
حبيت نعرف رايكم فيه
وانتوم برايكم كيف يمكن تحويل مسار الفيس بوك
للافادة اكثر ونتحكم في واش نكتب ونحط
اعرف انو كاين الي معندوش بصح مايمنعش
انو يكون عندو نظرتو يحطهالنا
وشكرا

​

 

[محمد إبن الصحراء]

رد: أصداء فيسبوكية .....للنقاش

يعجبوني الأعضاء لي يطرحو مواضيع هادفة تتمشى مع العصر ويسعاو
من خلالها إلى المساهمة في معالجة بعض القضايا الاجتماعية الشائكة
*****************
أن رئي : أن الفيس بوك مثل الصيف له حدين
وكل حد له تأثير كبير سواء الحد السلبي أو الحد الإيجابي
وإستغلال الفيس بوك في حده الإيجابي يتوقف على تربية وأخلاق الشخص
فإدا كانت تربيته سليمة سيسعى إلى عدم إيداء الناس والتصفح بطريقة عادية
أما إدا كانت تربيته العكس سيسعى إلى زيارة الصفحات المشبوهة وربما
إختراق الحسابات الشخصية إلى غير دلك
*********************
وفي الأخير تبقى التربية السليمة والتوجيه الصحيح المبكر عاملان إيجابيان
يوأثران في مستعمل الفيس بوك ................. وشكرا على الموضوع المميز

 

[السلطانة]

رد: أصداء فيسبوكية .....للنقاش

وعليكم السلام

الفايس بووك ايضا حبس في داخله اشخاص
حياتهم عادت فيه حبس نساء وشابات وشباب واطفال
تكثر فيه الاشاعات والخرطي
والكلام في الناس وتشويه سمعة ناس وامور كثيرة سلبية
وفيه بعض الايجابيات الا انني لاازال اراه مضيعة للوقت لاغير
احيانا اختفي منه واحيانا اتواجد فيه لأقرأ بعض المنشورات
وقليلا مااستعمله للحديث مع بعض الصديقات والعائلة وحين اخرج منه انساه
اما مااعجبني مؤخرا انه صار مراقب
يعني لي يغلط عاد يخلصها

موضوع رائع بارك الله فيك

 

[لاريمان]

رد: أصداء فيسبوكية .....للنقاش

اشكر حضوركما اخي محمد واختي ام ياسمين
فعلا للفيسبوك سلبيات وايجابيات وكل واحد له حررة توجيهه
اماا للافادة او عكسها....
تمنيت لو تم مناقشته من قبل الاعضاء
لمدة شهر لم يحض الا بردين قيمين اتشرف بمروركما المميز
صح عيدكم


تم

 

[ليليا مرام]

رد: أصداء فيسبوكية .....للنقاش

السلام عليكم اختي اهلا وسهلا عيدك مبروك وكل عام وانت واهلك بالف خير
والله موضوع بزاف مهم يا اختي هنا نقولك مش اللوم فالفايس الناس ما تخافش ربي من دوري تلقاي حاجة وتمشي بالتهديد وناشس تروح تحك صور او فيديو وتشوه صورة انسان و غدوة قدام ربي لو شاب يستغل وحدة ويهددها في يالو ماكانش ربي والمليحة يجي يلعبها مفتي عليها انت مديتي صورتك معناها انت فاسدة ولازم نكمل نشهر بيك او يديلك صور بلاما تعرفي او يبيراطوك وترجعي فالتهديد او كيما قلت ولينا فالاعراس نخافو من اي كاميرا لانو الناس عادي تحط بلاما تراعي ربي وحتى رجعو عرائس تروح طفلة لعرس تصور مرت الناس وهي عروسة وتحط صورتها وتقولهم واش رايكم ندير مشطة كيما هي او نشري كيما قفطانها هذا حرام عليك هذا عرض ناس
الخوف من ربي هو الصح مي نقولك الصح حاليا كاين مكافحة الجريمة الالكترونية واللي تخاف تاكدي راح تتعرض لمساومات نقولك الصح انا وحدة من الناس نتقدم بشكوى عادي وما نخاف من حتى واحد ولو نكون انا اللي مديت صورتي او تسرقت او راحت من تلفون الحمد لله العلم طور ويجيبوه منين يكون لانو اول ما تسكتي اول ما الناس هذي تزيد تطلع فوق راسك مي لما مرة توقفيهم عند حدهم تاكدي اي واحد يسمع راح يخاف وما يديرهاش مع بنات الناس يا سيدي فاسدة فاسدة مع روحي انت واش دخلك تدخل معايا لقبري هذا ما يعطيكش الجق باه تشهر فالفايس او النت والناس الكل فاقت الآن رجعو بنات يحطو صورهم عادي ووجهم واضح
لما رحت للاردن وشفت صديقات اردنيات حاطين صورهم عادي مع عوائلهم قتلها ما تخافوش ضحكت قاتلي علاه نتوما واش ديرو حنا عادي نحطو صورنا لانو علاه شعب متحضر هنا يسرقك ويبيراطيك ويلعبها عليك ويزيد
يهدك من فوق تقولي شادين السما سبحان الله
اختي حنا ما نخافوش ربي وما عندناش ثقافة الفايس بوك واللي يلقاوها فرصة وجات ليهم صيادة راهم فالفايس وكاين ناس محترمين ومربيين ويخافو ربي لانو اللي عندو بنتو وختو يستنى الدنيا لما دور
شكرا موضوع مهم

 

[فيتامين سي]

رد: أصداء فيسبوكية .....للنقاش


الفاسبوك قد ما مليح قد مراه يضيع سيرتو العفسة الجديدة بث مباشر فضحت ديار و خربتهم


هي سيرتو البنات هههههههههههههههههههههههههههههههههههههههههههه يا خاه تتحكم في واش تكتب
نتحكمو تاع الصح ..كاين و كاين على حساب انت وين تدخل و معامن تحكي هذي هي و ملازمش نخلطو فيه بزاف
كما بارح العيد حطيت تصويرة عندي تاع القرون ههههههههههه بنت اختي كانت تلعب بيهم حسبتهم العاب و ضحكت مع اختي و حباباتي بصح نحطها عندي
منحطش صورتي ولا عيني ولا راسي و هدي تعتبر قناعات
بصح مرات نضحك في حجات مي عندي في بروفايلي ماشي من جروب لجروب و نقوللهم شوفوني
حاجة لي عجبتني في اعيد مضطريتش نرسل لصحباتي لي مساجو نعيطلهم ههههههههههههههههه حدي منشور جماعي لايمتهم فيه
السيلفي اسمط حاجة سيرتو لي حطو تصاويرهم ينقو دوارة ياااع زعما خطبوني نعرف نقي هههههه أيا خطبوني ياو متفهموش
معليش سمعت بلي موح لي داخل باسم بنت عجباته سوسو المقلشة لي هي دجا سارقة تصويرة
.............................................
درك الانسان قد ما يعس روحه مينجمش ..كي تمشي في طريق تعس كاش واحد يصورك و يحطك تحريشة في الفاسبوك
باختصار انعدمت الرجولة و الانوثة كيف كيف//منعممش اكيد/
كما قلت قصة اكرام ولا القصص التانية تدل بلي العباد لي حطو القصة ولا نشروها ماشي بعقلهم رخاس ...راجل عمره ميدير هكدا
و درك كاش حاجة تروحي تشكي متخافيش لي يخاف هو لي يتبهدل
انا عندي صديقتي تعرف تبيراطي مسكينة دايما مهبلينها في هدو الأمور و اخ صديقتي يخدم في الشرطة الالكترونية مرة وحدة كانت تكدب و تهدد من جروب لجروب غير خبرناها و هي اهتمت بالموضوع من نتم اختفت هديك البنت
و مرات نحس الناس لي يدخلو للفاسبوك أطفال من الحجم الكبير لا عقل لا والو غير يخلطو من و من و يضلو يسبو في بنات الناس
موضوعك فيه شحال من جانب كون نحكي منكملش لي عودة
و اسفة رديمخلط من وينتا مدخلتش و حكيت ههههههههه نسيت كفاش يحكو
نسيت صحا عيدكم حباباباباباتي و احبابي كل عام و نتوما بالف الف الف خير

 

[العَنْقَاءُ]

رد: أصداء فيسبوكية .....للنقاش

موضوع tOp
كل ما يجذبني في الفيسبوك هو الإستخدام الحسن فيه
وصدقَا لست اجامل ، بعيدا عن السلبيات التّي فيه
لكن اصبحت غني جدا في أشياء كثيرة والحمد الله متابع للعالم لحظة بلحظة
ويا حبذًا لو كان لك أصحاب على طول لطف وضحك
لكن للأسف أصبح عند الكثير مقبرة من الفساد
سوء إستعمال فيه جعلوه رومنسيات لساعات قصيرات
لكن اتمنا من الله في الشباب أن تتوقف هذه الافعال
والحمد الله تراجعت بنسبة كبيرة توعَى الشاب والشابة في الخدع الدرامية هذه
مسكين المبتدء والمبتدئة فقط
حاجة من حاجات معروفة ومشهورة يقولوا من له فيسبوك
يهدي لنفسه حضورا ومن ليس له يهدي لنفسه غيابا
والكل يغني على ليلاه في بداياتها ويفيق في نهاياتها
وطبعا ليس حلال على بعض وحرام على بعض
لكن حاجة فقط الجميع لاحظها في الفيسبوك
مسلسل النفاق الذكوري والأنثوي مستمر في الفيس
لكونه اصبح مقزز وباهت جدا
ويمكنك فيه مشاهدة العينات هنا مثلا في المنتديات ..
لا تحتاجي مختبر أفتحي بصيرتك فقط
عندي يومين متوقف عند 3 فديوات مطفش ضحك فيهم
أشاركك في 2 والثالث لا.. فيه حاجات وايت هبلا ^^
هنا 1
هنا 2
عندما تشاهدي مثل هاذين الفيديوات مع اصحابك وزميلاتك
حتّي مع عائلتك أيضا
تشعرين بنعمة وبنكهة آل الفيسبوك xD
فيه حاجات نادرة
بارك الله فيك أختي وجزاكِ الله خيرا
أتمنا موضوعك يعجب الأخوة حتي وعندك قليل ردود
لكن هو موضوعك نوارة تشكراتِ الكثيرة لكِ أختي
رفع الله من قدرك وأعلا من شانك




​