واش بيه خروف العيد واش راه صاري في دزاير ؟

[السلطانة]

السلام عليكم ورحمة الله وبركاته
ان شاءالله راكم بخير وشبعتو لحم


حبيت نحكي على وحد العفسة صرات للكباش والخرفان تاع هذا العام :s
خاصة في ولايات الشرق ومنيش عارفة بقية الولايات

انو بعد الذبخ وتقطاع الأضحة زراق اللحم ورماوه



يعني واش راه صاري ؟

يقولو بلي الكباش حقنوها بإبر خاصة للتسمين
باه كبرت في ساع
يعني الخدع عيني عينك

وتوخدو الناس في الاضحية
شكون صراتلهم ؟

حنا لافامي صراتلهم وناس بزاف

بواش رهجو الشعب الجزايري هذا العام تبقى حاير :s

وحنا نقولو واش بيها الاضحية طايحة قالك عيد يامواطن باطل
هاو علاه عيد والقى خروفك ازرق
تكملك بالبطاطا مقلية
:tongue02:​

 

[Hakan]

رد: واش بيه خروف العيد واش راه صاري في دزاير ؟

اهلا بيك خيتي في منظمة الطب البيطري خخخ
معليه نتدخل يعني صراحة هذي الحالة الاولى اللي نشوفها من عندك
كيما قلتي آفار نتاع كاشما ادوية والناس الله يبارك مخلوعين في السمن نتاع الكبش
يعني صراحة نهار يجونا جماعة العاصمة يغيضوني ما يعرفوش يخيرو طول
يروحو يجرو مور السمن ومور القرون مالغري هما شروط بصح
لازم تعرف بواش سمنت
الناس راهي تستعمل في الماكلة نتاع الدجاج باش تسمن الكباش
واضافةالى الحقن اللي يعطوها للدجاج باش
يطلع ليه ليه
ونضن انو التاثير نتاع الدواء يبقى حتى تقريبا 40 يوم او شهر
على الاقل
ونضن الحالات هذي هي من الناس اللي شراو كباش كلات هذا الدواء ومازالت المدة نتاعو ما خلاصتش علابيها عطات لون ازرق والله
اعلم
حنا الحمد لله مكانش طول انا رحت شريت العيادة نتاعنا وماكان فيه والو صوف الرية لقيناها مريضا
وفيها وحد ليبول رميناهم طوول والحمد لله يعني مشكلة خطيرة الرقابة مكانش طوول ...​

 

[ضيوف وسـنغادر]

رد: واش بيه خروف العيد واش راه صاري في دزاير ؟

السلام عليكم
حسبي الله ونعم الوكيل
والله راني مشوكية //
ربي يحاسب كل واحد يخدع في الناس علاجال اموال فانية ودنيا فانية
هادي كامل وفالعيد!
ربي يحكم على نية عبده ان شاء الله صافية ويقبل تضحيتو حتى لو ماياكلش
مي نشوفو ليها من الناحية الصحية علاش احنا ماعندناش مراقبة صحية طبية
والله كيما واحد كبش يشري في كبش مافاهم فيها والو يشوف غير مع الصوف وقداه سمين والسماح
بالنسبة لينا انا من ولاية الشرق وهدا وين سمعت بالخبر هذا ربي يعافي
كبشنا كان الله يبارك قليل الشحم وصحيح في كلشي => اعرف شكون مولآه قبل ماتشريه واعرف واش يقولك عليه
نورمالمو كامل الكباش تتربى كباش تاكل حوايج طبيعية ماش فينيسيون
الحيوان يحتاج حوايج يتقوت عليها وينمو على اساس صحيح كيفو كي بنادم
لكن نحن في بلد ليس فيه ذرة من التوعية او قبول النصيحة
احنا نخلطو كلش في بعضو هدا ياكل ماكلة تع هدا واحد مالاتي بصحة واااحد
المهم يوصل للنتيجة في اقرب وقت مهما كلف الثمنكيما واحد كسر الحيط كل باش يفتح الباب
اناس يسعون فقط للنتيجة بشتى الطرق ضاربين عرض الحائط كل شيئ حتى لو تعلق دلك بحياة اشخاص كثيييرون
مادا عساي اقول ومادا عساي افعل
والله قلبي غير رايح يفيض كي تشوف الناس كيفاه تخمم وكيفاه عايشة وكيفاه تحلل واحنا حالتنا مهرودة وزيد الشعب يهرد فيها
واش نقول ربي يصلح بلادنا وان شاء الله على ايدينا يتم الاصلآح ♥​

 

[البحر الهادي]

رد: واش بيه خروف العيد واش راه صاري في دزاير ؟

في الحقيقة لم أسمع بمثل هذه هنا في الغرب الجزائري
لكن شكرا لك على التنبيه
لم يتركوا شيء لم يغشوا فيه
حتى الدلاع وراهم يديروله الحقن باه يصبح أحمر
والله المستعان

 

[السلطانة]

رد: واش بيه خروف العيد واش راه صاري في دزاير ؟

اهلا بيك خيتي في منظمة الطب البيطري خخخ
معليه نتدخل يعني صراحة هذي الحالة الاولى اللي نشوفها من عندك

اهلا وسهلا بيك دكتور حكيم هاذا مجالكم ههه
مرحبا بيك
كيما قلتي آفار نتاع كاشما ادوية والناس الله يبارك مخلوعين في السمن نتاع الكبش
يعني صراحة نهار يجونا جماعة العاصمة يغيضوني ما يعرفوش يخيرو طول
يروحو يجرو مور السمن ومور القرون مالغري هما شروط بصح
لازم تعرف بواش سمنت
حنا مع اللول نحسبو شي ناس مقطعوش الاضحية وخلاوها طولت علابيها فسدت
مباعد كي شفنا ناس تاع لافامي قطعوها تم تم وصرات هك بدات الشكوك جينا نشوفو لقينا بزاف ناس صراتلهم هك
ناس عنابة وقالمة وزدنا سمعنا في ولايات خلاف
يعني الحالة جدية
الناس راهي تستعمل في الماكلة نتاع الدجاج باش تسمن الكباش
واضافةالى الحقن اللي يعطوها للدجاج باش
يطلع ليه ليه
ونضن انو التاثير نتاع الدواء يبقى حتى تقريبا 40 يوم او شهر
على الاقل
تاع الدجاج زعم رانا سمعناها
بصح هاذي تاع الكباش خدعونا صديقي هههه
كملت مال
سورتو كيما يقولو الناس لي شرات من الرحبة ماش من عند ناس يعرفوهم
وراجل خالتي شراه من واحد ثيقة
حدهم كلاو المشوى في اليوم اللول برك
قريب مات بكرشو والسخانة والباقي زراقلهم وراح عليهم طيشوه كامل
قنالهم تقدرو ترفعو دعوى تباصيو السيد كوم يعرفوه :sport01:
ونضن الحالات هذي هي من الناس اللي شراو كباش كلات هذا الدواء ومازالت المدة نتاعو ما خلاصتش علابيها عطات لون ازرق والله
صحيت على التحليل مع انو ياريت يتحركو ويعملو تحليل على اللحوم هذي ويفهمو الشعب واش راه صرى
اعلم
حنا الحمد لله مكانش طول انا رحت شريت العيادة نتاعنا وماكان فيه والو صوف الرية لقيناها مريضا
وفيها وحد ليبول رميناهم طوول والحمد لله يعني مشكلة خطيرة الرقابة مكانش طوول ...​

الحمد لله مصراتلكمش الحالة هاذي
الرية تاع خروفكم كيما تاعنا هههه لقيناها بلي كيست
كان بعد يسعل وحاشاك ينفنف

تاع الصح الانسان العادي ميقدرش يميز
خويا حكيم هاذي خدمتكم خدمة البيطري ويقولو البيطرة ماشي خدمة مليحة تشبا :tongue02:
هيا دمت بخير

 

[رابح66]

رد: واش بيه خروف العيد واش راه صاري في دزاير ؟

السلام عليكم

بارك الله فيك أم ياسمين على موضوعك الحدث
وعيدكم مبارك وربي يتقبل منا أضحياتنا
الي قلتيه صحيح شحال من واحد حكى بلي اللحم به رائحة
لكن حنا صرات عندنا في اليوم الثاني للعيد والسبب إرتفاع درجة الحرارة مابين 10سا و15سا هي التي أثرت عليه
والسبب الثاني المكان الذي كانت الجزرة معلقة فيه ما هوش مهوي مليح
والسبب الآخر لعل كما ذكر الأخ حكيم لعل الحقنة والتغدية* والله أعلم*
بارك الله فيك مرة أخرى و ربي يقدر الخير​

تقبلوا تحياتي

 

[Hakan]

رد: واش بيه خروف العيد واش راه صاري في دزاير ؟

الحمد لله مصراتلكمش الحالة هاذي
الرية تاع خروفكم كيما تاعنا هههه لقيناها بلي كيست
كان بعد يسعل وحاشاك ينفنف

تاع الصح الانسان العادي ميقدرش يميز
خويا حكيم هاذي خدمتكم خدمة البيطري ويقولو البيطرة ماشي خدمة مليحة تشبا :tongue02:
هيا دمت بخير

ههه والله يا انت
فكرتيني في الجماعةاللي درتهم لي زالناليس نتاع اسكوالنعجة جاستونت ولا
يااختي مداوهاش فيا كاامل
ايا ونهار العيد زرتهم واحد واحد ولقيتهم كامل كيما قلتلهم
ههه شبعت عليهم ضحك :sport02: ربي يجيب الخير برك
الناسما تحبش تستشير علابيها يقتلو رواحهم ​

 

[السلطانة]

رد: واش بيه خروف العيد واش راه صاري في دزاير ؟

السلام عليكم
حسبي الله ونعم الوكيل
والله راني مشوكية //
ربي يحاسب كل واحد يخدع في الناس علاجال اموال فانية ودنيا فانية
هادي كامل وفالعيد!
اهلا وسهلا اختي
شتي كيفاه يخدعو عيناني ونورمال
كلح وادي الدراهم وخلي خوك ياكل الحجر وارهجو
غير جات على التكليحة برك راهم رهجو لعباد وغير ربي ستر
ربي يحكم على نية عبده ان شاء الله صافية ويقبل تضحيتو حتى لو ماياكلش
مي نشوفو ليها من الناحية الصحية علاش احنا ماعندناش مراقبة صحية طبية
والله كيما واحد كبش يشري في كبش مافاهم فيها والو يشوف غير مع الصوف وقداه سمين والسماح
بالنسبة لينا انا من ولاية الشرق وهدا وين سمعت بالخبر هذا ربي يعافي
كبشنا كان الله يبارك قليل الشحم وصحيح في كلشي => اعرف شكون مولآه قبل ماتشريه واعرف واش يقولك عليه
نعم احنا معندناش رقابة صحية
وزيد الناس دايرة النية لانها جامي صرات ضربة كيما هك
كاين راجل تلقايه مسكين بالسيف لم الدراهم وراح يشري الخروف
يروح بنيتو للرحبة الرحبة بعد بلامراقبة تامة
وهام كاين لي شراو من عند ناس يعرفوهم وتكلحو :s

نورمالمو كامل الكباش تتربى كباش تاكل حوايج طبيعية ماش فينيسيون
الحيوان يحتاج حوايج يتقوت عليها وينمو على اساس صحيح كيفو كي بنادم
لكن نحن في بلد ليس فيه ذرة من التوعية او قبول النصيحة
الكبش تلقايه يجوعوه كي تروح تشريه تلقاه بصحتو ونهار تجيبو تلقاه ضايع مسكين
حيوان وميرحموهش
احنا نخلطو كلش في بعضو هدا ياكل ماكلة تع هدا واحد مالاتي بصحة واااحد
المهم يوصل للنتيجة في اقرب وقت مهما كلف الثمنكيما واحد كسر الحيط كل باش يفتح الباب
اناس يسعون فقط للنتيجة بشتى الطرق ضاربين عرض الحائط كل شيئ حتى لو تعلق دلك بحياة اشخاص كثيييرون
صح اختي شعب يخلط شعبان في رمضان
مادا عساي اقول ومادا عساي افعل
والله قلبي غير رايح يفيض كي تشوف الناس كيفاه تخمم وكيفاه عايشة وكيفاه تحلل واحنا حالتنا مهرودة وزيد الشعب يهرد فيها
واش نقول ربي يصلح بلادنا وان شاء الله على ايدينا يتم الاصلآح ♥​

امين يارب ربي يصلح احوالنا ان شاءالله
شكرا

 

[السلطانة]

رد: واش بيه خروف العيد واش راه صاري في دزاير ؟

في الحقيقة لم أسمع بمثل هذه هنا في الغرب الجزائري
لكن شكرا لك على التنبيه
لم يتركوا شيء لم يغشوا فيه
حتى الدلاع وراهم يديروله الحقن باه يصبح أحمر
والله المستعان

اهلا وسهلا استاذ
ربما هذه الظاهرة لم تصل للغرب لاننا رأيناها في ولايات الشرق والله اعلم
ستركم الله
ربي يسترنا اجمعين شكرا

 

[السلطانة]

رد: واش بيه خروف العيد واش راه صاري في دزاير ؟

السلام عليكم

بارك الله فيك أم ياسمين على موضوعك الحدث
وعيدكم مبارك وربي يتقبل منا أضحياتنا
الي قلتيه صحيح شحال من واحد حكى بلي اللحم به رائحة
لكن حنا صرات عندنا في اليوم الثاني للعيد والسبب إرتفاع درجة الحرارة مابين 10سا و15سا هي التي أثرت عليه
والسبب الثاني المكان الذي كانت الجزرة معلقة فيه ما هوش مهوي مليح
والسبب الآخر لعل كما ذكر الأخ حكيم لعل الحقنة والتغدية* والله أعلم*
بارك الله فيك مرة أخرى و ربي يقدر الخير​

تقبلوا تحياتي

اهلا وسهلا عم رابح
نعم الحرارة كانت مرتفعة يوم العيد
لكن باش يزراق اللحم بهذه الطريقة امر يستدعي الشكوك
ربي يستر كل الجزايريين فقط
تجي في اللحم ومتجيش في العبد
شكرا

 

[السلطانة]

رد: واش بيه خروف العيد واش راه صاري في دزاير ؟

ههه والله يا انت
فكرتيني في الجماعةاللي درتهم لي زالناليس نتاع اسكوالنعجة جاستونت ولا
يااختي مداوهاش فيا كاامل
ايا ونهار العيد زرتهم واحد واحد ولقيتهم كامل كيما قلتلهم
ههه شبعت عليهم ضحك :sport02: ربي يجيب الخير برك
الناسما تحبش تستشير علابيها يقتلو رواحهم ​

قولهم معكم دكتور حكيم متنساوهاش هاذي :sport02:
صعيب الشعب تاعنا هههه كي تحطو في الامر الواقع باه يفهم

 

[البحر الهادي]

رد: واش بيه خروف العيد واش راه صاري في دزاير ؟

اهلا وسهلا استاذ
ربما هذه الظاهرة لم تصل للغرب لاننا رأيناها في ولايات الشرق والله اعلم
ستركم الله
ربي يسترنا اجمعين شكرا

اهلا ومرحبا بأهل الشرق
أمين
الله يحفظكم ويستركم ولنا كذلك
الله يعافيكم ويعافينا من هذه الأمور لي تحدث في البلاد ويحفظ هذه البلاد

 

[رابح66]

رد: واش بيه خروف العيد واش راه صاري في دزاير ؟

اهلا وسهلا عم رابح
نعم الحرارة كانت مرتفعة يوم العيد
لكن باش يزراق اللحم بهذه الطريقة امر يستدعي الشكوك
ربي يستر كل الجزايريين فقط
تجي في اللحم ومتجيش في العبد
شكرا

ترحب بيك الجنة أيتها السيدة الفاضلة
عند حق مي أنا صراتلي تاني عيد
أنا عيدت ودخل نخدم نهار الأربعاء
لكن يوم الثلثاء كنت نحكي مع صاحبي قالي بلي راه شحال من واحد لقى الجزرة تاعو بدات تفوح وقالي راني لقيت حتى أنا تاعي ونحيت منها كمية
روحت نجري لدار بعد العشاء قلت لمرا هاو واش يقولو هاتي المزبرة ولحقيني كبديت نقسط فيه لقيت الدليوة تاعو راحت يعني فاحت
على خاطر كانت لاصقة مع الحيط ونحيت معاها شوية من أطرافها وطيشتها والباقي منع والحمدلله * ربي يقدر الخير *​

تقبلوا تحياتي

 

[فيتامين سي]

رد: واش بيه خروف العيد واش راه صاري في دزاير ؟

و عليكم السلام و رحمة الله و بركاته
موضوعك مليح غاليتي ام ياسمين
انا راح نحكي على واش شفت بعيني
أولا الناس مولاتش تعرف
يرحم باباك الخروف يبات فوق طابلة ماشي غير يخناز و يخضار لالا ينوض ينطق نورمال
و زيد هدا العام الحمان بزاف
نحكيلك خويا جزار جابوله باش يقطعو تشوكا خرفان مسخين ماشي منقيين علابالكي الشحمة لي تجي من جيت الرقبة كون متتنقلعش 1000000/100 الخروف يرجع يبعبع نورمال
و بيتوهم فوق طابلة و صباح يقولق خضر لالا يولي غوز وقيلة
و زيد الخروف شحمة من جيهت الكلا تتنقلع لانها تخناز و هما يخلوها و خروف ينحل في الوسط هما يخلوه مبلع و ناس داروه ديراكت في كليماتيزور كفاش ينشف يرحم باباك
و تاليا مور ماقصوه عاودو غسلوه و خباوه ديراكت يتعفن اكيد و كي خباوه يخبو مورصو فوق مورصو املا يتزيرو
نفهمك شفتي كي تخبيه في كونجيلاتور لازم تحطي واحد حدا واحد و ميتزيروش و واحد ملازم يلامس واحد ولا يخضار
زيد ادا تنغسل لازم يرجع ينشف من جديد
قوليلي دارو هكدا لالا
بنت خالتي كي خسر قالتلنا الصح غير خبيت
مي الناس تخاف تقول انا غلطت لالا يحصلو في لي يبيع خرفان صح كاين فاكسا مي الطريقة لي خناز باينة منخلطووش
وحدة قالتلنا بلي في عشيا دخلوه حطوه في طابلة الاب راح ينعس و الأولاد كيف كيف صباح من ريحا منجموش يدخلو للكوزينة خلاوه محطوط اكيد يتعفن
نعطيك تجربة سيي هكدا في دجاج و قوليلي شا يصرا
نسا لي كانو يعلمو مبقاوش و مكانش لي راه يعلم او حتى يتعلم
انا في ليل هربت هههههههههههه من بعد ماما عيطتلي كانو دخلو خروف و بقيت غير انا و هي اختي متحملش حاجة سموها خروف متاكله متنقيه مرض في العائلة ربي يعافينا كل دار كاين وحده كيفها المهم كي شفنا بلي منقدروش نقيناله الشحمة لي تجي مبللة و قصمناه تقريبا على 4 و الوصط قسمناه شوية غير بالمنشار و حطينا كل واحد في جهة وحده و هي تعلم فيا متحطيهمش متلاسقين بعديهم متديريش هكدا
جارت جداتي قالتلنا نسا ولادي راحو دارو المكياج و قعدو ههههههههههههههههه خروف كما دار تاني رماوه وحدة محبت تخدم
و زيد العيد من وينتا مجاش في الحمان ..لي عندهم 33 عام يعقلو عليه اما حنا الصغار نعقلو عليه في البرد و الحمان ماشي قليل
المهم ناس غلطت و حنا خطرة عيدنا بخروف كالي ماكلة تاع دجاج صوفه تجي فيه ريحة صح مي ماشي يخضار و يزراق لالا

 

[الحلم الوردي]

رد: واش بيه خروف العيد واش راه صاري في دزاير ؟

السلام عليكم
بون هد الحالة راهي كاثرة في ولايات الشرق
وكاين زوج من لفامي رماو الاضحية كامل ولات زرقة اللون
وتالمو الاضحية غالية
والله العجب حتى الاضحية وماخلوهاش في حالها
اكيد بعدما دارو التحاليل
لقاو حقن الاضاحي بابر من اجل ماش يكون سمان
على هذيك التاثير نتاعها مزال صافي مازالو جديد
نتاع الصح مامنتش حتى شفتها
وحدة من لافامي كل ماتلوح الماء على قطعة اللحم
تزيد هي تزراق
ايه وكيما قال حكيم
الغاشي كامل يحوس على الاضحية السمينة والقرون
مي ماعندها حتى فايدة تخسر 6 مــلآين ويروحو هكداك
الحمد لله الاضحية نتاعنا قبل ما جابوها داوها للبيطري
هكدا لواحد يطمن خير من تصرالو كيما الي رماوها كامل
هي المشكل مكاش رقابة نتاع بياطرة
على هذيك كامل يبيعو حتى وهوما خاطيهم
هذاك المجال
يعطيك الصحة ام ياسمين
​

 

[الفتى المغامر]

رد: واش بيه خروف العيد واش راه صاري في دزاير ؟

حنا في الغرب ماصرا والو و شفتها في الاخبار
حنا الحمد لله مازراقتش و تاني سبب كاين موالين مايخافوش ربي و السبب 2 هو الحرارة و زيد كاين الاطفال يبقاو يلمسو في الكبش بعد وضعه لينشف ومنبعد يخناز
ربي يتقبل منا ومنكم الاضحية وهذا ماكان

بارك الله فيك
تقبل الله منا ومنكم

 

[وسيم عقل و زين]

رد: واش بيه خروف العيد واش راه صاري في دزاير ؟

عيدكم مبارك اولا
الله يجيب الخير و يحمينا