نقطة نظام 1 (على الاقل ابتسم )

[الامين محمد]

السلام عليكم

ناس اللمة الناس الملاح واش راكم
نقطة نظام

المهم هاذ الموضوع رايح يكون سلسلة
خفيفة ضريفة ما فيهاش ثرثرة بزاف
لكن المقصود منه هو تعديل سلوك ما او تنبيه او ملاحظة
اول حلقة رايح تكون على التشناف
علاه راك مشنف علينا
واش تخسر لو كان تبتسم و تتفاءل خير و تاخذ اجر و تخلينا نبتسموا معاك

​

 

[Skor m@k]

رد: نقطة نظام 1 (على الاقل ابتسم )

السلام عليكم
اهلا خويا محمد ان شاء الله بخير
اسمحنا طولنا عليك بالاعتماد
التشناف هذا عادة من عادات المجتمع الجزائري وايضا وراثيه ابا عن جد
ايماجيني الجزايري ينوض صباح ربي ينوض مشنف
تهدر معاه تسمع ملا يرضيك ينوض تقول غرقولو البابورات
وتانيت الشرطه هنا عندنا الله يسطرنا سبيسيال ينطرينيو على التشناف
تقول كليتلو حقو وديتلو بلادو
وخلي وخلي مانزيدش منشر. خير هههه​

 

[الامين محمد]

رد: نقطة نظام 1 (على الاقل ابتسم )

السلام عليكم
اهلا خويا محمد ان شاء الله بخير
اسمحنا طولنا عليك بالاعتماد
التشناف هذا عادة من عادات المجتمع الجزائري وايضا وراثيه ابا عن جد
ايماجيني الجزايري ينوض صباح ربي ينوض مشنف
تهدر معاه تسمع ملا يرضيك ينوض تقول غرقولو البابورات
وتانيت الشرطه هنا عندنا الله يسطرنا سبيسيال ينطرينيو على التشناف
تقول كليتلو حقو وديتلو بلادو
وخلي وخلي مانزيدش منشر. خير هههه​

هههههههههههههه
أهلا بحبيب قلبي حكيييييييييم
و الكارثة اذا شافوك تيتسم قولك انت مهبول
و يقول الله يجيب الخير راني كي نظحك نسمع خبر ماهوش مليح ههههههههههههه
الله يهدينا
شكرا مرووورك رائع

 

[Salah eddin]

رد: نقطة نظام 1 (على الاقل ابتسم )

السلام عليكم
...
هه
موضوع الابتسامة هذا و الله يحير
اصلا حنا شعبنا بطبعو مشنف
هه
خاصة مع الصباح ..ارواح نتا وارسملو ابتسامة على وجو
ههه
....
اما الان نتكلم بجد
الابتسامة اصلا وصية من وصايا النبي و هي.. ان تبسم المسلم في وجه اخيه صدقة
لان مجرد رؤيته للوجه البشوش و المبتسم يدخل الفرحة و الاطمئنان في قلبه
و هذا ما ينشر الالفة و المحبة بين المسلمين
...
نسال الله ان يهدينا صراطه المستقيم
و
السلام عليكم
و
شكرا على الموضوع

​

 

[Abodi84]

رد: نقطة نظام 1 (على الاقل ابتسم )

حلو معالجة بعض الامور باسلوب الفكاهه

 

[أميرة العفاف]

رد: نقطة نظام 1 (على الاقل ابتسم )

السلام عليكم

احسنت اخيار الموضوع اخي

(التشناف) بزاف لي ينوض من بلاصتو مشنف

تقول شافك في المنام قتلته ولا ديتله حقه

كاين لي من كثرة لي دائما مشنف لما يبتسم الناس لي يشوفوه ينخلعو ويتوسوسوا باسكو جامي ابتسم

وكاين الصنف الثالث وهذا لي نكرهوا

التشناف عندو حرفة

يعني يشنف غير باش يقضيولوا صوالحو

مثلا يطلب منك طلب وانت لما ترفض يلعبها شنف باش انت ديرلوا خاطروا

ولا يدابزك باش ممبعد تدلقله باش يسمحلك غير هاذي لي متصراش شنف ولا ضرب راسك مع حيط

وانا ماشي من جماعة تاع التشناف مي مرات تجي نوبات زعاف ههههههههه

 

[محمد إبن الصحراء]

رد: نقطة نظام 1 (على الاقل ابتسم )

نخسر لزينيتي​

 

[Gül Bahar]

رد: نقطة نظام 1 (على الاقل ابتسم )

ههههههههههه ​

والله غير​

هذا الموضوع رائع اخي​

باركة الله فيك​

نقولك انا كاين لي يضحك دايما والابتسامة دائما مرسومة على وجهو

كيما هذي ابتسامة بريئة خالية من الشحوب
:d
.
.


وكاين لي ديما مشنف بدون سبة واذا كانت بسبة ربي يستر:very_mad::very_mad::very_mad:
ولوكان ضحك خطرة يضحك هكذا

ماتفهمها ضحكة ماتفهمها تشنافة:s:s
تبقى حاير:s:s



​

 

[خديجة 19]

رد: نقطة نظام 1 (على الاقل ابتسم )

السلام عليكم موضوع التشناف هو موضوع يخص الجزايريين برك مالا احنا شعب يشنف وقلوق بصح أطيب ناس مانعرفوش نعبرو ولكن الكل يغيرو منا هههههههههه الجزايرييين ما تفهملهم والو لي يضحك راهو مديقوتي والي مديقوتي ما بيه والو هذي هي طبيعتنا والسلام عليكم

 

[سوسن كارمن]

داك الرجل لا أفه إنه يضحك أو متشنف لاكن عجبني الوجه المبتسم

 

[فيتامين سي]

ابتسم

 

[السلطانة]

وعليكم السلام
كاين ناس منلي زادو وهوما مشنفين ههههههه
ينوض الصباح ني صباح الخير ني والو حتان توصل 10 تاع الصباح

اضحك ياوجه الخير اضحك

يعطيك الصحة خويا

 

[نعمات]

إتسمة في وجه أخك صدقة

 

[❤️كلي أمل❤️]

السلام عليكم
شكرًا اخي محمد على هذا الموضوع
خويا محمد حنا الجزائرين هاك مانتبدلوش
التشناف عادية من عوايدنا مانقدروش نحوها
لوكان تبتسم في وجه الغاشي يقولو عليك مهبول
ولا يقولولك راك تضحك علينا ههههههههههه
إذن ابقى مشنف خير مايقولو عليك مهبول هههههههههههههههههههههه
بارك الله فيك اخي على موضوع الرائع

 

[الامين محمد]

ايييييه و الله غير نسيت هاذ الموضوع
خبروني شكون عاود جبده ههههههههههههه
شكرا لمروركم الكريم

 

[زاد الرحيل]

قال رسول الله صلى الله عليه و سلم :" شر عباد الله العبوس الوجه " .
فكرة الموضوع رائعة من خلالها يتغير سلوك المجتمع الجزائري اللي خرج عن اخلاق الاسلام بكثرة

 

[نعمات]

والله يا خوى محمد نعرف ناس يصبحوا مشنفين حتى العاشرة عجب

 

[Tama Aliche]

راك تشوف يااا ناس المشنفة اضحكو وخرجوا سنانيكم الى ما عندكمش نديرلكم مجوار شبعتونا تشناف الواحد ولا يخاف يهدر معاكم

مرسي خويا جزاك الله خيرا

 

[GI Joe]

hh mara kont nemchi nrml gali wahed leh rahom ydahkou fik l malayka?? meskin tellment ychouf ghir technef jatou bizzar wahda temchi farhana