بين نارين

[مشكلتي]

انا انسان فقير
عندي عايلة فيها بنات و اولاد
تعرفوا العيشة راهي غالية بزاااف
على الزوايلية
مانيش قادر نعيشهم كيما يلزم
مثلا البارح ما وجدوش واش يتعشاو
و انا بايت نتألم و نبكي
بيني بين روحي

كاين ناس نقدر نطلب منهم يعاونوني
هوما ناس ملاح صح
لكن جايتني صعيبة نجرح كرامتي و كبريائي و عزتي
و نقول ليهم

واش نعمل نصبر و نخليها على الله
و عايلتي تعاني قدامي

ام نعفس على كرامتي

 

[السلطانة]

رد: بين نارين

ربي يسهل امورك اخي
ماعلي غير ندعيلك بالفرج ان شاءالله

 

[لؤلؤة قسنطينة]

رد: بين نارين

السلام عليكم
ربي يفرج ان شاء الله خويا وربي يرزقك من عندو
شوف خويا انا عندي ليك نصيحة، الناس لي رايح تطلب منهم مساعدة ماراهم إلا اشخاص رايح يسخرهملك ربي
سبحانو ورايحين يعاونوك اذا ربي سبحانو حب هاد الشي، مالا الافضل ادعي ربي وحط ثقتك فيه وهو يفرج عليك
حتى انا في صغري مرينا على نفس التجربة كنا في رمضان نفطرو على الساردينة المعلبة وكاين ليالي نباتو فيهم بالشر
وكاين ليالي لي ماما تغلي فيهم الماء برك باه توهمنا بلي كاينة حاجة قاعدة طيب وبقات تدعي في ربي فقط على وجهنا
حنا صدقني حتى نلقاو الباب يطبطب واحد الجيران جابلنا قدر كبير من الطعام بيه بالفاكهة بكلشي، ساعات والديا
يلحقو 20 الف في الجيب فقط ويرزقهم ربي والحمد لله رانا ولينا نساء وناكلو واش نحبو
حط ثقتك في ربي خويا اتقرب ليه وماكانش لي احن منو اطلب منو يوجهك وصدقني رايح هو يبعتلك اشارة من
عندو واش لازم تدير ومستحيل ربي يرضالك الشر ولا يكلفك اكثر مما لا تستطيع، واذا وصلت لحالة وين ولادك رايحين
يموتو لا سمح الله ولا حالة صعبة جدا وين ماتقدر دير والو اقصد الناس هادو كآخر حل ولكن احكم في ربي
ورايح يكرمك بشي ما تتوقعوش خلاص
ربي يفرج عليك ان شاء الله وربي يحفظلك وليداتك
دعواتنا معاك
​

 

[RIMA RIMAS]

رد: بين نارين

انا انسان فقير
عندي عايلة فيها بنات و اولاد
تعرفوا العيشة راهي غالية بزاااف
على الزوايلية
مانيش قادر نعيشهم كيما يلزم
مثلا البارح ما وجدوش واش يتعشاو
و انا بايت نتألم و نبكي
بيني بين روحي

كاين ناس نقدر نطلب منهم يعاونوني
هوما ناس ملاح صح
لكن جايتني صعيبة نجرح كرامتي و كبريائي و عزتي
و نقول ليهم

واش نعمل نصبر و نخليها على الله
و عايلتي تعاني قدامي

ام نعفس على كرامتي

يا خويا النس لبعضها و مول التاج و يحتاج و ربي خلق البشر باش يتعاونوا يقضوا حاجات بعضاهم اقصد هاذ الناس الي راك تهدر عليهم و متخليش ولادك يضيعو و انت مراكش تتطلب و كي توقف بيك الدنيا رجع ليه خيرهم

 

[Ī Ðøñt Çârê]

رد: بين نارين

إذا رأيت فقيرا في بلاد المسلمين فعلم أن هناك غنيا سرق ماله ...حسبنا الله و نعم الوكيل..اللهم في هذا المساء أغني كل فقير و فرج هم كل مهموم و اسعد قلب كل حزين و اشفى كل مريض و بشر كل من ينتظر فرج قريب و افرجها علينا يا رب من اوسع ابوابك ..اللهم أمين يا رب

 

[❤️كلي أمل❤️]

رد: بين نارين

ربي فرج عليك اخي
عليك بالدعاء و الاستغفار

 

[باسم1]

رد: بين نارين

لاتسأل الناس بل اسأل رب الناس
وفى السماء رزقكم وما توعدون
راجع نفسك لو قصرت مع ربك بشىء
قرب منه والجأ له من تقرب الي شبراً
هو مخلقكش الا عشان تعبده فقرب اكتر واجتهد
ربى ييسر لك الخير

 

[ليليا مرام]

رد: بين نارين

السلام عليكم خويا
اولا الله يفرج عليك يا رب ويزرقك من ابوابو الواسعة
نشكركو على ثقتك فينا وحكيت ومش عيب شوف خويا علاه تشوف فيها انو تعفس على كرامتك انت الناس هذو تعرفهم ويعرف وضعك وقلت ناس ملاح ومتاكد انهم يعزوك وممكن سبق وعرضو عليك مساعدتهم ما فيها والو ما تقطعش رزق او سبيل لخاوتك انت اقصد بنية وقت ربي يفرج ترد الامانة سمح من سمح واللي اعتبرها دين معليش خويا فرج اليوم على خاوتك وعلى اسرتك وغدوة يفرج ربي
اخي انا وحدة من الناس لو تعرفني قولي وراسلني والله ولو ما عنديش مي اكيد نعاون خويا باللي نقدر عليها مش توصل انو الواحد ما ياكلش ولاخر يتفرج لالا خويا يا لطيف واحنا علاه مسلمين
ربي يفرج عليك

 

[نجيب]

رد: بين نارين

السلام عليكم

قريت الموضوع كامل و في الاخير قلت الحمد لله لي معندكش مرض

هي صح مشي ساهل تخدم على عائلة بص احمد ربي لي مكانش مرض

و شوف ديما لناس لي تحتك يعني لي محتاجين اكثر منك باش تقدر روحك و ترفع معنوياتك.

انت قلت بلي حاب نطلب مساعدة و جايتك صعيبة

انا نقول انت مقلتش واش نوع المساعدة لي حاب تطلبها ؟

الى حبيت تطلب مساعدة باه تخدم و ترجع هدي ما فيها عيب

و انا واحد من الناس لي كثير من مرات طلبت مساعدات مالية في اطار الشغل

و من بعد رجعت الامانة لاصحابها و هد شي مش عيب عادي جدا

المهم اعرف مليح الانسان لي تطلب منو المساعدة .

في الاخير نقولك احمد ربي على كل شيء

و الحمد لله على الصحة .

بارك الله فيك​

 

[الامين محمد]

رد: بين نارين

الله المستعان​