تهدر على بلادك... وماتحبش لي يهدر عليها؟؟؟؟

[دعاء الجنات]

السلام عليكم، كيف احوالكم ربي يهنيكم
حبيت نحكي في موضوع منتشر حقيقة في وقتنا الحالي ، السؤال مطروح والجواب لا اعرفه ،
وعلاه نحكيو اغلبيتنا غير على سلبيات بلادنا ونفضحو ارواحنا قدام المجتمعات الاخرى قي الانترنت او بعض القنوات التلفزيونية ، ياك ربي امرنا نسترو بعضانا؟؟؟؟
لكن بالمقابل لو نسمعو واحد غريب يتكلم على بلادنا مانجبوش وقادرين نقتلو على جال بلادنا؟؟؟؟ الجري وراء عيوب الناس وعدم التستر عليهم هو ذنب اكبر
وعلاه اخوة سيدنا يوسف عليه السلام سامحهوم ربي وغفر لهم بعد الذنب الكبير لي داروه ؟؟علاخاطر تابو وسترو بعضاهم وواحد مافضح الآخر حتى النهاية ، بصح حنا الله غالب كاين لي يلقا متعة في الدخول وااخروج في عيوب الناس وكأنو ربي خلقو بلا عيوب،،، نحاسبو أنفسنا ونخلو محاسبة الناس لرب الناس ، نتمنى فكرتي وصلت
وتحية للجميع​

 

[الأزرق الملكي]

رد: تهدر على بلادك... وماتحبش لي يهدر عليها؟؟؟؟

السلام عليكم

في الحقيقة هناك تداخل بموضوعك بين فساد البلد و عيوب الناس

أما فساد البلاد يجب محاربته بكل الوسائل وأضعف الإيمان أن يُفضح هؤلاء المسؤلين وانجازاتهم كي يرى العالم حقيقتهم

فإذا سكتنا عنهم من أجل التستر فذلك هو السكوت عن المنكر بل سنتحاسب عليه لأننا شجعنا الظلم والسرقة والرشوة وو ..

أما عيوب الناس فهي مسائل شخصية العبد مطالب بستر أخيه ولا يتتبع عورات الأخريين

قضية الوطنية هو مرتبط بالتاريخ و التراب والتقاليد والدين الذي جمعت شعب في هذه الرقعة الجغرافية

فمن البديهي أن المساس في الوطن من جهات خارجية هو المساس في كرامة المواطن

بينما الفساد بكل أنواعه سينبذ كردة فعل لأن الشعب يريد أن يعيش حياة كريمة تليق بمستواه

ودائما ضمير الإنسان يحب الوطن ولا يحب من يفسد الوطن

تسلمي

​

 

[الورد الأحمر]

رد: تهدر على بلادك... وماتحبش لي يهدر عليها؟؟؟؟

السلام عليكم ورحمة الله وبركاته

فرق بين الواحد يحكي على بلادو حتى في عيوبها لأنو عايشها ويعاني منها وبين واحد ما عايش فيها ما يعرف مشاكلها ويجي يحكيلك على بلادك .

أنا إذا قلت على بلادي ما تسواش عندي علاه نقول هكذا أما يجيني واحد ما عاش فيها يوم يقول ما تسواش !!! أول شي يجي في بالك وهذا وين يعرف لبلاد هذي حتى يحكي عليها وواش دخلو في النص !!

هذا الفرق ...

 

[بنقابي افتخر]

رد: تهدر على بلادك... وماتحبش لي يهدر عليها؟؟؟؟

كامل تلقايهم هاك
المغاربة
المصريين
السوريين
واللي يحب الفتنة راهو باين
يعني انت تكلم على عيوبك نورمال والا تكلمو الناس على عيوبك ولو يعاودو واش قلت (ممنوع )
هدي هي
كل واحد حر في نفسو وفي بلادو
صاريلها كي
نكرهك بصح ما نفوتكش
تقبلي مروري

 

[دعاء الجنات]

رد: تهدر على بلادك... وماتحبش لي يهدر عليها؟؟؟؟

السلام عليكم

في الحقيقة هناك تداخل بموضوعك بين فساد البلد و عيوب الناس

أما فساد البلاد يجب محاربته بكل الوسائل وأضعف الإيمان أن يُفضح هؤلاء المسؤلين وانجازاتهم كي يرى العالم حقيقتهم

فإذا سكتنا عنهم من أجل التستر فذلك هو السكوت عن المنكر بل سنتحاسب عليه لأننا شجعنا الظلم والسرقة والرشوة وو ..

أما عيوب الناس فهي مسائل شخصية العبد مطالب بستر أخيه ولا يتتبع عورات الأخريين

قضية الوطنية هو مرتبط بالتاريخ و التراب والتقاليد والدين الذي جمعت شعب في هذه الرقعة الجغرافية

فمن البديهي أن المساس في الوطن من جهات خارجية هو المساس في كرامة المواطن

بينما الفساد بكل أنواعه سينبذ كردة فعل لأن الشعب يريد أن يعيش حياة كريمة تليق بمستواه

ودائما ضمير الإنسان يحب الوطن ولا يحب من يفسد الوطن

تسلمي

​

شكرا يا اخي على الرد، لكن لا اقصد بكلامي انو نتقبل الناس لي تحكي على بلادنا هذا لا يرضى به عاقل لكن اقصد اننا ننقص من فضح الناس في القنوات هذا لا ينفع
شكراااا مجددا

 

[دعاء الجنات]

رد: تهدر على بلادك... وماتحبش لي يهدر عليها؟؟؟؟

السلام عليكم ورحمة الله وبركاته

فرق بين الواحد يحكي على بلادو حتى في عيوبها لأنو عايشها ويعاني منها وبين واحد ما عايش فيها ما يعرف مشاكلها ويجي يحكيلك على بلادك .

أنا إذا قلت على بلادي ما تسواش عندي علاه نقول هكذا أما يجيني واحد ما عاش فيها يوم يقول ما تسواش !!! أول شي يجي في بالك وهذا وين يعرف لبلاد هذي حتى يحكي عليها وواش دخلو في النص !!

هذا الفرق ...

شكرا على الرد ، انتو ركزتو على كيما حكيت على البراني لكن الرسالة تاعي غير دلك علابالي البراني ماعندو مادخلو لكن احنا تاني مانقعدوش غير نتكلمو في العيوب في وقت الناس راحت للمريخ

 

[دعاء الجنات]

رد: تهدر على بلادك... وماتحبش لي يهدر عليها؟؟؟؟

كامل تلقايهم هاك
المغاربة
المصريين
السوريين
واللي يحب الفتنة راهو باين
يعني انت تكلم على عيوبك نورمال والا تكلمو الناس على عيوبك ولو يعاودو واش قلت (ممنوع )
هدي هي
كل واحد حر في نفسو وفي بلادو
صاريلها كي
نكرهك بصح ما نفوتكش
تقبلي مروري

شكرا اخيتي على الرد ، عندك الحق انا نعرف لي يحب حاجة مايحكي عليها مايحب لي يحكي عليها ماشي حلال علينا حرام عليكم
تحيتي

 

[بنقابي افتخر]

رد: تهدر على بلادك... وماتحبش لي يهدر عليها؟؟؟؟

شكرا على الرد ، انتو ركزتو على كيما حكيت على البراني لكن الرسالة تاعي غير دلك علابالي البراني ماعندو مادخلو لكن احنا تاني مانقعدوش غير نتكلمو في العيوب في وقت الناس راحت للمريخ

شكون قال ناس راحت للمريخ
كلو خرطي في خرطي
مايقدروش يتحدو الآلاف الكلمات الضوئية
بثلاث ايام
كلو تمثيل
تقبلي تحياتي

 

[دعاء الجنات]

رد: تهدر على بلادك... وماتحبش لي يهدر عليها؟؟؟؟

شكون قال ناس راحت للمريخ
كلو خرطي في خرطي
مايقدروش يتحدو الآلاف الكلمات الضوئية
بثلاث ايام
كلو تمثيل
تقبلي تحياتي

ادا ماشي صح طلعو على الأقل راهوم يحاولو

 

[prince of love]

رد: تهدر على بلادك... وماتحبش لي يهدر عليها؟؟؟؟

السلام عليكم

شكون قالك بلي رانا نحكيو على عيوبنا .. لآ أظن هناك من تطوع له نفسه كشف اسراره وعيوبه


المعنى واضح .. العيب ماشي في البلآد .. وكل واحد ساخط على الوضعية عندو سبب شخصي سواء ظلم او تهميش او حقرة او حقوق ضائعة

و المقصود ان الناس كي يكونو يتنقدو في البلاد معناه راهم يتنقدو في المسؤولين بالدرجة الاولى و بالطبع واحد ما يحب يسمع لي يهدر على البلاد و ترابها و تاريخها و شعبها