سالم علي
:: عضو منتسِب ::
السلام عليكم ورحمة الله تعالى .
اخوتي اخواتي جبتلكم اشهر اقوال وش قالو ناس زمان الذين كانت عندهم الحكمة و الكلمة الحلوة .
العلاقات الإنسانية
اللي بغا الشباح ما يقول آح
يدور عليك الزمان يا ناكر خيري و تعرف قدري كي تعاشر غيري
البصلة عمرها ما تولي تفاحة و الرخيس لا تبان فيه ملاحة و ناس هاد الزمان ما تفيد معاهم غير القباحة
ما نقطع واد حتي تبان حجارو و ما نمشي فالليل حتى يطلع نهارو وما نصاحب الصديق حتى نسمع خبارو
ما نبيعوش اللي يشرينا و ما نكرهوش اللي يبغينا و ما نغدروش اللي يثيق فينا الحمد لله هكا تربينا
اللي فاتك بالزين فوتو بالنظافة و اللي فاتك بالفهامة فوتو بالظرافة
اقصد البيت الكبيرة إذا ماتعشيت تبات للدفا
الرجال تعرف الرجال والخيل تعرف فرسانها
لا ترفع شأن من لا شأن له، ولا تعطي حرمة للرعيان
عن الرجال
كاين الي عندو جوابو في فمو و كاين الي عندو داسو في كمو و كاين الي حتى يشاور امو
الي يلقى راحتو في الهبال ما عندو مايدير بالعقل
وجه الخروف معروف
عن النساء
إمرأة تعييك و إمرأة تعليك
خنفوسة تلهيني و الا غزالة تشقيني
بنات بكري قالو : ما ناكل زبدة ما نشرب رايب و ما تحلى القعدة و حبيبي غايب
اللي باعت الجنة بتفاحة تبيعك و هي مرتاحة
عن الزواج
زواج ليلة تدبيره عام
في الصيف قاطو و المشتة بوقاطو
طول العشرة تعرف الذهب من القشرة
اذا تفاهمت لعجوز والكنة يدخل بليس للجنة.
الوقت
لما كان عايش شوقوه في تمرة، ولما مات علقوا له عرجون.
كل تأخيرة فيها خيرة.
كي شاب علقو له الحجاب.
حتى ينور الملح
لما كان عايش شوقوه في تمرة، ولما مات علقوا له عرجون.
الوقاية وحسن التصرف
المكسي برزق الناس عريان.
البلاء اذ جاك من جناحك قصو
لسانك اذا صنته صانك واذا خنته خانك
الماكلة بلا ما(ماء) من قلة الفهامة.
طبائع وأحوال الناس
الزوخ والفوخ والعشا قرنينة.
الراعي والخماس متخاصمين على رزق الناس.
راحت رجال الهيبة وبقات رجال الخيبة
حتى شبع وسمى
النصائح
ما تخلط روحك لنخالة ما ينقبوك الجاج.
يد الله مع الجماعة
يا طفلة، خبي زينك لا يتشاف وخبي شينك لا يتعاف.
البس النعالة حتى تلقى السباط.
الشي الي خاطيك يعييك.
وهناك بعض المتفرقات من هنا وهناك ...............
لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
من عندي ومن عندك تنطبع و إلا غير من عندي تنقطع
قول لي أشكون صاحبك نقولك أشكون انت
مول التاج و يحتاج
الي يزرع الريح يحصد غبارو وما يبقى فالواد غير حجارو.
احفظ الميم تحفظك.
الزين بلا عقلية كي رمضان بلا زلابية
كول الخبز اليابس و فوت على جارك لابس.
ان شاء الله ان تنال اعجابكم .
اخوتي اخواتي جبتلكم اشهر اقوال وش قالو ناس زمان الذين كانت عندهم الحكمة و الكلمة الحلوة .
العلاقات الإنسانية
اللي بغا الشباح ما يقول آح
يدور عليك الزمان يا ناكر خيري و تعرف قدري كي تعاشر غيري
البصلة عمرها ما تولي تفاحة و الرخيس لا تبان فيه ملاحة و ناس هاد الزمان ما تفيد معاهم غير القباحة
ما نقطع واد حتي تبان حجارو و ما نمشي فالليل حتى يطلع نهارو وما نصاحب الصديق حتى نسمع خبارو
ما نبيعوش اللي يشرينا و ما نكرهوش اللي يبغينا و ما نغدروش اللي يثيق فينا الحمد لله هكا تربينا
اللي فاتك بالزين فوتو بالنظافة و اللي فاتك بالفهامة فوتو بالظرافة
اقصد البيت الكبيرة إذا ماتعشيت تبات للدفا
الرجال تعرف الرجال والخيل تعرف فرسانها
لا ترفع شأن من لا شأن له، ولا تعطي حرمة للرعيان
عن الرجال
كاين الي عندو جوابو في فمو و كاين الي عندو داسو في كمو و كاين الي حتى يشاور امو
الي يلقى راحتو في الهبال ما عندو مايدير بالعقل
وجه الخروف معروف
عن النساء
إمرأة تعييك و إمرأة تعليك
خنفوسة تلهيني و الا غزالة تشقيني
بنات بكري قالو : ما ناكل زبدة ما نشرب رايب و ما تحلى القعدة و حبيبي غايب
اللي باعت الجنة بتفاحة تبيعك و هي مرتاحة
عن الزواج
زواج ليلة تدبيره عام
في الصيف قاطو و المشتة بوقاطو
طول العشرة تعرف الذهب من القشرة
اذا تفاهمت لعجوز والكنة يدخل بليس للجنة.
الوقت
لما كان عايش شوقوه في تمرة، ولما مات علقوا له عرجون.
كل تأخيرة فيها خيرة.
كي شاب علقو له الحجاب.
حتى ينور الملح
لما كان عايش شوقوه في تمرة، ولما مات علقوا له عرجون.
الوقاية وحسن التصرف
المكسي برزق الناس عريان.
البلاء اذ جاك من جناحك قصو
لسانك اذا صنته صانك واذا خنته خانك
الماكلة بلا ما(ماء) من قلة الفهامة.
طبائع وأحوال الناس
الزوخ والفوخ والعشا قرنينة.
الراعي والخماس متخاصمين على رزق الناس.
راحت رجال الهيبة وبقات رجال الخيبة
حتى شبع وسمى
النصائح
ما تخلط روحك لنخالة ما ينقبوك الجاج.
يد الله مع الجماعة
يا طفلة، خبي زينك لا يتشاف وخبي شينك لا يتعاف.
البس النعالة حتى تلقى السباط.
الشي الي خاطيك يعييك.
وهناك بعض المتفرقات من هنا وهناك ...............
لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
من عندي ومن عندك تنطبع و إلا غير من عندي تنقطع
قول لي أشكون صاحبك نقولك أشكون انت
مول التاج و يحتاج
الي يزرع الريح يحصد غبارو وما يبقى فالواد غير حجارو.
احفظ الميم تحفظك.
الزين بلا عقلية كي رمضان بلا زلابية
كول الخبز اليابس و فوت على جارك لابس.
ان شاء الله ان تنال اعجابكم .
