العقلية الجزايرية

[لاريمان]

السلام عليكم ورحمة الله وبركاته
اهلا بناس اللمة واول موضوع نكتبو بالحلة الجديدة للمنتدى
موضوعي باختصار على العقلية الجزائرية الصراحة فريدة من نوعها
بلاك راكم شفتو الفيديو تاع التركي الي عايش بالجزاير
وكيف حفظ العقلية الجزايرية لما تقلو راني جاي قالك تقعد تستنى فيه وبلاك عام ومايجيش
هو عيب لدى البعض لكن خلاتو يحبنا ويعيش معنا
وتاني نخليكم مع الصورة هادي من عاشر قوما والفاهم يفهم

واكثر حاجة تعجبني فينا اننا اكبر المعلقين ومايعجبناش العجب
قالك مانخليو لا رايس ولا وزير لا فقير
الكل يعقبوا على المنشار
لكن وقت الصح تلقاهم
واش رايكم في العقلية الجزايرية الا تستحق ان تكون بمرتبة الامتياز؟
بانتظار تعليقاتكم واذا كانت هناك اظافات شرفونا ولاتبخلوا


​

 

[Skor m@k]

السلام عليكم
العقلية هذي كل بلاد وكيفاه عاملا على حساب الفيد هو لي يرجع الشخص هكذاك
حنا الجزايري كل واحد وعقليتو كيفاه حنا تقريبا فارغين شغل لي تلقايهم مريحين يمنشرو
وعلاه يطلقو كاش حاجة بلاك الحيوانات وراهم حاصلين معاهم خخخ
وضرك الشناوة بكري نهار دخلو لدزاير كانت عنهم النية والحشمة والخدمة سيرو
مي ضرك التشيطين كامل تعلموه من عندنا زعما يقولك مسلمين بصح بالاسم برك
وكيف كيف التراكة ضرك يدو عقليتنا مي يدو غير لي الحاجة العيانة
شكرا لك ختي​

 

[ليليا مرام]

السلام عليكم اختي ايه الحلة الجديدة انا راهي مدوختني مازال ما والفتهاش
والله شوفي نهدرو الصح كل شي فينا وشعوب راهم هنا وتعلمو منا صح مي نقولك سافرت برا وشفت عقليات العرب والا اتراك صح مش كيفنا ومنظمين مي عندهم امور اكبر مثلا فالترك عندهم عصابات وتصفية حسابات كيما تشوفي فمسلسلاتهم وعندي فيديو سجلتو هناك لحظة قتل رجل المشكل انا حسبتهم يصورو فمسلسل وهي جريمة قتل حقيقية فالاردن نقولك الرحمة ماكانش نهائيا شفت عينات هناك وحكاولي سوريين كيفاه عايشين مع الاردنيين نقبل عقلية بلادي ولا العيش مع شعوب مافيهمش الرحمة فيف ولاد بلادي وعقلية بلادي

 

[حكاية قمر]

كل شعوب تهدر ع روحها هكا
الحمد لله ماكاش لي خلقوا ربي كامل وخلا النقص صفة حميدة بالبشر
عرب ولا شناوة ولا اوربيين كامل عندهم اخطاؤهم ماكاش لي خير منا
واذا فاتونا هذا راجع لامر واحد هو الحكام والسياسيين كولى دوا تصنعو يقولك ثم ثم ماكاش منه خوفوهم بزوج كلمات سي نورمال نولو هكا وهذي امور سياسية خاطيتني لكن كشعب الحمد لله فيف حنا وفيف ديزاد

 

[aljentel]

كل الشعوب تتحدث عن مجتمعاتها بنفس الطريقه والكل ينتقد الكل ...
اللي عليك رأسه على الشعوب الاخرى رجليه يعني الحال من بعضه ..!

 

[oussama9694]

هذي العقلية تاع الفايسبوك 24/24 h
و هي جديدة على المجتمع فمثلا قبل 15 سنة ماكانوش الجزايريين بهاد العقلية تاع نهار كامل و هو ساجد امام الايفون و لا تابلات و لا pc

ربما بعد 10 او 15 سنة نشوفو العقلية تبدلت و تطورت اكثر بصح ماعلاباليش كيفاه ؟

ربي يجيب الخير

 

[لاريمان]

السلام عليكم
العقلية هذي كل بلاد وكيفاه عاملا على حساب الفيد هو لي يرجع الشخص هكذاك
حنا الجزايري كل واحد وعقليتو كيفاه حنا تقريبا فارغين شغل لي تلقايهم مريحين يمنشرو
وعلاه يطلقو كاش حاجة بلاك الحيوانات وراهم حاصلين معاهم خخخ
وضرك الشناوة بكري نهار دخلو لدزاير كانت عنهم النية والحشمة والخدمة سيرو
مي ضرك التشيطين كامل تعلموه من عندنا زعما يقولك مسلمين بصح بالاسم برك
وكيف كيف التراكة ضرك يدو عقليتنا مي يدو غير لي الحاجة العيانة
شكرا لك ختي​

وعليكم السلام ورحمة االله
صح خويا بلاك الفراغ هوالسبب بصح تاع الشناوة وحدها
لكن حاجة مهمة قلتها اننا نحمل عن الاسلام غير الاسم
بلاك الديفو فيهم يهزو غير لحوايج الي ماتصلحش احنا الله غالب الطابع غالب
نشكرك بزاف على الاعتماد والرد
تعيش​

 

[لاريمان]

السلام عليكم اختي ايه الحلة الجديدة انا راهي مدوختني مازال ما والفتهاش
والله شوفي نهدرو الصح كل شي فينا وشعوب راهم هنا وتعلمو منا صح مي نقولك سافرت برا وشفت عقليات العرب والا اتراك صح مش كيفنا ومنظمين مي عندهم امور اكبر مثلا فالترك عندهم عصابات وتصفية حسابات كيما تشوفي فمسلسلاتهم وعندي فيديو سجلتو هناك لحظة قتل رجل المشكل انا حسبتهم يصورو فمسلسل وهي جريمة قتل حقيقية فالاردن نقولك الرحمة ماكانش نهائيا شفت عينات هناك وحكاولي سوريين كيفاه عايشين مع الاردنيين نقبل عقلية بلادي ولا العيش مع شعوب مافيهمش الرحمة فيف ولاد بلادي وعقلية بلادي

وعليكم السلام
هو صح كل بلاد فيها وفيها ومكانش الكمال
واكيد الدول الي شفتيهم راهم ممكن اسوء علينا
والحمد لله كعدنا غير في التمنشير بصح ليليا فكرتيني بالاختطاف والقتل يعني حتى احنا رانا
عصابات ربي يستر
نشكرك اختي

 

[لاريمان]

كل شعوب تهدر ع روحها هكا
الحمد لله ماكاش لي خلقوا ربي كامل وخلا النقص صفة حميدة بالبشر
عرب ولا شناوة ولا اوربيين كامل عندهم اخطاؤهم ماكاش لي خير منا
واذا فاتونا هذا راجع لامر واحد هو الحكام والسياسيين كولى دوا تصنعو يقولك ثم ثم ماكاش منه خوفوهم بزوج كلمات سي نورمال نولو هكا وهذي امور سياسية خاطيتني لكن كشعب الحمد لله فيف حنا وفيف ديزاد

اكيد اختي كل بلد عندها سلبيات وايجابيات
والوضع راهو مداخل في بعضاه لو نرجع للاسباب كاين بزاف
الجانب السياسي اهم العوامل المؤثرة
لكن تبقى الايجابيات مازالت حية فينا
نشكرك اختي بزاف على تشريفنا

 

[لاريمان]

كل الشعوب تتحدث عن مجتمعاتها بنفس الطريقه والكل ينتقد الكل ...
اللي عليك رأسه على الشعوب الاخرى رجليه يعني الحال من بعضه ..!

اكيد اخي النقد هو لسان حال كل الشعوب
وكما قلت انت كل واحد ينتقد بطريقته الخاصة
ومنها نحن
لكن اخي الجنتل لم افهم الجملة الملونة
نشكرك على مشاركتنا الموضوع

 

[لاريمان]

هذي العقلية تاع الفايسبوك 24/24 h
و هي جديدة على المجتمع فمثلا قبل 15 سنة ماكانوش الجزايريين بهاد العقلية تاع نهار كامل و هو ساجد امام الايفون و لا تابلات و لا pc

ربما بعد 10 او 15 سنة نشوفو العقلية تبدلت و تطورت اكثر بصح ماعلاباليش كيفاه ؟

ربي يجيب الخير

هي ربما كما قلت عقلية الفيس بوك لكن قبلها كانت عقلية لقهاوي والنساء الحمامات ولعراس باه مانلوموش غير الراجل
الحل بلاك بعدما ينتهي مفعول ادمان الانترنت ربما تخرج حاجة خلاف تزيد تطور الحالة
نشكرك بزاف اخي على الرد

 

[GI Joe]

kayen 3a9liyeeet fi dzayer machi wahda nationnal heureesement, kayen fina hwayedj mleh w hwayedj maysselhoch khlass
mais hayla ta3 ki troh n importe ou ay wilaya maalich mich la mm couleur wala nafss lahdja mais a l aiiise, nafss l 3a9lia tarbia presque, l keskess ta3 l djem3a, l ma3rifa w les greves partout, nefehmou ba3dhana partt w matkounech a l aise hakda fi plassa wahdokhra

 

[aljentel]

اكيد اخي النقد هو لسان حال كل الشعوب
وكما قلت انت كل واحد ينتقد بطريقته الخاصة
ومنها نحن
لكن اخي الجنتل لم افهم الجملة الملونة
نشكرك على مشاركتنا الموضوع

معناها ان ما تشعر به يحس به الآخر او يشعر به الغير

 

[لاريمان]

بارك الله فيكما اخي واختي على تشرف الموضوع بمروركما المميز
شكرا