اعطولي رايكم حول بنك البركة برك

[Hakan]

السلام عليكم خاوتي
الوالد نتاعي شاف خبر في جريدة من الجرائد انو بنك البرك
يعطي قروض باش يقدر يخرج سيارة وكيما قالو قروض حلال
انا رحت للفرع نتاعهم هنا في باتنة باسكو مكانش في الجلفة
دخلت ليهم كل الامور تمام دونك مازالت الخطوة الاخيرة وهي انو ندفعو الملف باش نخرجو سيارة
لكن ثناء بحثي عن البنك يعني قبل لا ندخل تلاقيت مع وحد السيد من سكان باتنة كي سقسيتو على بنك البركة يعني المكان نتاعو قالي عليه كلام
ماشي مليح وهي انو بنك يتعامل بالتأمين على الحياة وامور ربوية اخرى يعني وجعلي قلبي
امالا خاوتي اللي عندو معلومة صحيحة على معاملات هذا البنك واذا فيها شكوك يقلي قبل لاندير كاش حاجة نندم عليها مستقبلا
وزيد الوالد نتاعي هو اللي مكلفني بهاذ المهمة مانيش حاب نخرج بحاجة خاطيبة ربي سبحانو وانا لاباس عليا ومريح في غرضي سلام.​

 

[طموحة]

السلام عليكم
ابحث في الموقع الرسمي للشيخ فركوس
تجد فتوى بخصوص الأمر قرأتها مرة وحقيقة نسيت ماذا أفتى بالضبط

 

[Hakan]

اوكي هذا وين شفت الفتوة بارك الله فيك ​

 

[لؤلؤة قسنطينة]

السلام عليكم خويا حكيم
بصراحة هادا مجال دراستي وبنك البركة هو دراسة الحالة او الجانب التطبيقي تاع المذكرة تاعي
درك كي تروح لبنك البركة يقولك يخدم بلا ربا وكلشي ولكن العكس (طبعا من بنك لآخر)
خاطر كل تعاملات البنوك الالاسلامية تكون مرتبطة بالبنك المركزي وهو نفسو يخدم بالربا
العام لي فات كان فيه ملتقى في الجامعة وجا مدير بنك البركة وطرحو عليه هاد السؤال قالهم حنا الفائدة لي نضطرو نتعاملو بيها
مع البنك المركزي ولا مع اي بنك تجاري رانا نصدقوها، يعني مانديوهاش باه ماتعتبرش حرام
لكن هادا ماش كلام ثابت، ولكن في الواقع تاعنا ولا في العالم المصرفي في الجزائر ماكانش قوانين خاصة بالبنوك الاسلامية
وقوانين مصرفية خاصة بالبنوك التلقليدية او التجارية يعني قانون مصرفي واحد يمشي كامل المصارف بما فيها للتعامل وفق الشريعة الاسلامية
على عكس دول اخرى كماليزيا لأنو عندهم قوانين صارمة، على هادي الجانب النظري ولا من برا كيما نقولو بنك اسلامي
لكن لب العمل نفس عمل البنوك التجارية، كيما قتلك طبعا مع اختلاف بنك من آخر ولكن فيهم الشك
فقط نصيحة كاين بنك السلام وهو بنك اسلامي فتح من شهرين او اقل هادا سمعت بلي يمشي 100 بالمئة بالشريعة الاسلامية والله اعلم
لكن ماش كلام مؤكد، على هادي لازم الحذر
وبالتوفيق ان شاء الله

​

 

[Hakan]

السلام عليكم خويا حكيم

بصراحة هادا مجال دراستي وبنك البركة هو دراسة الحالة او الجانب التطبيقي تاع المذكرة تاعي​

درك كي تروح لبنك البركة يقولك يخدم بلا ربا وكلشي ولكن العكس (طبعا من بنك لآخر) ​

خاطر كل تعاملات البنوك الالاسلامية تكون مرتبطة بالبنك المركزي وهو نفسو يخدم بالربا​

العام لي فات كان فيه ملتقى في الجامعة وجا مدير بنك البركة وطرحو عليه هاد السؤال قالهم حنا الفائدة لي نضطرو نتعاملو بيها​

مع البنك المركزي ولا مع اي بنك تجاري رانا نصدقوها، يعني مانديوهاش باه ماتعتبرش حرام​

لكن هادا ماش كلام ثابت، ولكن في الواقع تاعنا ولا في العالم المصرفي في الجزائر ماكانش قوانين خاصة بالبنوك الاسلامية​

وقوانين مصرفية خاصة بالبنوك التلقليدية او التجارية يعني قانون مصرفي واحد يمشي كامل المصارف بما فيها للتعامل وفق الشريعة الاسلامية​

على عكس دول اخرى كماليزيا لأنو عندهم قوانين صارمة، على هادي الجانب النظري ولا من برا كيما نقولو بنك اسلامي​

لكن لب العمل نفس عمل البنوك التجارية، كيما قتلك طبعا مع اختلاف بنك من آخر ولكن فيهم الشك​

فقط نصيحة كاين بنك السلام وهو بنك اسلامي فتح من شهرين او اقل هادا سمعت بلي يمشي 100 بالمئة بالشريعة الاسلامية والله اعلم​

لكن ماش كلام مؤكد، على هادي لازم الحذر​

وبالتوفيق ان شاء الله​

​

​

بارك الله فيك يعني زدتي عطيتيلي راي من المصدر المسؤول
امالا غير الواحد يتأنى ومن بعد يرحمها ربي سبحانو
سمعت بيه بنك السلام هذا مي مازال ما قررت نروحلو ان شااء الله اذا توفرت كل الاشياء نشوفو وزيد لازم
نسقسي هكاك الواحد ما يخطئش ​

 

[aljentel]

البنوك الاسلاميه منتشره بالوطن الاسلامي منذ زمن ليس بالقريب وهي تحاول ان يكون تعاملاتها وفقا للشريعة الاسلاميه ما امكنها ذلك لكن لايمكن لها الاستمرار بالطريقة التي تريدها لان العالم اجمع يتعامل بالربا ومن الصعب عليها مقاطعة بنوك العالم اضافة لتعاملها المباشر تحت امرة البنك المركزي الذي يضع الفائده غير آبه بالشريعة الاسلاميه ومدى انسجامها مع تعاملاته .. لكن التعامل مع البنوك الاسلاميه افضل بكثير من التعامل مع غيرها لانه في الاونه القريبه عملوا مستشارون شرعيون يحللون للبنوك الاسلاميه تعاملاتها وبما ان الامر كما ذكر فالذنب يقع على عاتقهم طالما الفتوى موجوده ... البنوك الاسلاميه تتعامل بالقروض وفوائدها اكثر من البنوك الربويه لكن حجتهم انها اسلاميه فهم لايسلموك القرض يد بيد بل يحيلوك على اي من المعارض الخاصه التي يتعاملون معها لتستلم قرضك من هناك بإعتبار انه قيمة مبيع حتى يعطوعها طابع التعامل الحلال .. عموما البنوك الاسلاميه افضل والله اعلم ....

 

[Hakan]

بارك الله في على رايك والله لازم استشارة المشائخ والعلماء والناس الموثوقين
باش الواحد يصفي حساباتو مع ربي سينون رانا ندخلو في الحرام شكرا خويا ​