"خويا ولا تخلا دار بابا"

[Tama Aliche]

حبيت بالفصحى نحكي

مي راسي بالدرجة يقولي :

جات الشتا في جانفي

لا رياح لا مطر قاوي

البابور ماشي و البحر هادي

والناس كي الصيف تمشي

اللي محوس و اللي يجري

اللي يخدم و اللي يبني

اللي يقرى و اللي يشري

وأنا نتقلب في فراشي

نبكي وقلبي يائس مني

نقلب أوراقي ونشكي

هكذا يا أنا نولي ؟

نمد يدي لأحبابي في وجهي ظهرهم تضربني...

من غير أحبابي شكون يحملني ؟

ما تبكيش يا طفلة.. بكيت وعييت خليتها لربي

و علاه ندير في بالي ؟

عمرت فقلبي وخرجت من عقلي

ثقلت على قلبي و نسيت بلي راني وحدي


راني وحدي...

شكون فرحلك يا فرحي

و

شكون بكالك يا ضري

راني وحدي...

شكون سال عليك يا صحتي

و

شكون طلب ربي تفرج عليك يا همي

راني وحدي...

شكون شاف فيك يا دموعي

و

شكون حس بيك يا قلبي

راني وحدي...

واليوم بانت قيمتي ...

كون هاني ماشي شرطي تتفكرني...

علابالي همي يبقى ليا وأنت علاه تهمك نفسي؟

أختي فالكارني هكذا يقول الخو في وقتي

نساتني مرتي وولادي هكذا يقول الخو في وقتي

علابلي نسبقك للهدرة ونقول: من غير والديا ما عندي

متغيضنيش ما زالي لليوم نتفكر هدرة يما وهي تقولي :

"خويا ولا تخلا دار بابا "

 

[الامين محمد]

الأخ هو الذراع
فمن فقد أخاه و من فقد ذراعه فقد نصفه
ربي يحفظ كل أهلنا و احبابنا و اخوانا

قلمك كل يوم يفاجئني
رائع ما خط يمينك

 

[نعمات]

روعة في القيمة

 

[Tama Aliche]

الأخ هو الذراع
فمن فقد أخاه و من فقد ذراعه فقد نصفه
ربي يحفظ كل أهلنا و احبابنا و اخوانا

قلمك كل يوم يفاجئني
رائع ما خط يمينك

اللهم امين
ربي يحفظك خويا
شكرا لمرورك الجميل
تحياتي

 

[Tama Aliche]

روعة في القيمة

الاروع مرورك ختي
مشكورة

 

[نعمات]

الأروع موضوعك منورة المنتدى

 

[Tama Aliche]

الأروع موضوعك منورة المنتدى

شكرا , منورة بوجودكم ..

 

[Abd Ellatif erti]

هههههههههههههههههههههههههههههههههههههههههههههههه

 

[البحر الهادي]

شكرا لك
من كان الله معه لم يكن في غربة ولو كان وحده

 

[Tama Aliche]

هههههههههههههههههههههههههههههههههههههههههههههههه

السلام عليكم , هلا اخبرتني اي كلمة اضحكتك اخي

 

[Tama Aliche]

شكرا لك
من كان الله معه لم يكن في غربة ولو كان وحده

العفو
نعم بما ان لنا ربا رحيما لن نضيع ابدا
مشكور لمرورك اخي

 

[Abd Ellatif erti]

السلام عليكم , هلا اخبرتني اي كلمة اضحكتك اخي

ربي تفرج عليك

 

[Tama Aliche]

ربي تفرج عليك

اللهم امين اجمعين ويهنيك خويا
(تعليق صغير: كنت قلت هذا في اول رد لك ولا تضحك بطريقتك هذه قد تؤذي غيرك في الواقع نتمنى نتجنبوا مثل هذه الردود التي تبين للاخرين انها استهزاء وبارك الله فيك)