وين وصلت بينا

[لاريمان]

السلام عليكم ورحمة الله وبركاته
افرض مثلا انك رحت بلا عرضة لدار واحد ولحقت مع وجبة الغداء
اكيد راك تحس بلي ماهوش وقت زيارة لكن الله غالب والناس هادي حطولك واش طيبو وحسبوك واحد منهم وقامو بيك على قد امكانيتهم
هنا في الحالة هادي ردة الفعل من الماكلة تختلف
كاين الي يشوفها وياكل ويقنع ويستكثر خيرهم على الطعام
وكاين الي يشوفها بنص عين وماتعجبوش وياكل ماكلة نص نص ويتسبب بكاش حاجة لانو جاتو ماكبروش بيه
والطامة يا جماعة يروح ويحكي ويضحك عليهم
الحاجة المعروفة الجود من الموجود
يعطوني تمرة كثر خيرهم
يدحكو في وجهي الله لا وكلوني
وعلاه انا جيت باه نخسرهم
وكل واحد وظروفو
والامر كاين حتى الي يصور الماكلة
بصراحة اناهنا نحبس
واترك لكن التعليق
هل صادفتم مواقف كيما هادي
او واش تكون ردة فعلكم ادا تحطيتو في موقف مشابه
وكلمة منكم لهدا النوع من البشر
والشكر ختام​

 

[Skor m@k]

السلام عليكم
والله يا ختي هذي هي الحاجة لي نكرها كامل نروح عند كاش ناس ونلقاهم يفطرو
هوما اوتوماتيكمو يعرضوك ويقسمو معاك واش كاين
وكاين منذاك يطلبو منك السماح كيماتكونش زعما ماكلا فاخرة
تموت بالحشمة كي يحطولك
مي لمشكلة لي قلتي لي يجي يهدر عليهم مي معلبالوش بلي هو لي دارلهم مشكلة
ولازم هوما يهدرو عليه مي ولات العكس
خاطرش هو لي زدملهم بلا عراضة
على كل حال كاين لي واش تحطلو مايقنعش بيها وبلاك تشوفو في دارهم حية بطاطة مايشريها هو
شكرا لك ختي ​

 

[حكاية قمر]

السلام عليكم
مواقف كما هاذ محرجة لطرفين ضيف ولمضياف
شفتي لحشمة لي تحكمك كي تدخلي ع جماعة يفطرو تبانلي غي لمريض من راسه يروح يمنشر في عباد الله بعد لي اكرموه ورحبو بيه
وكان نجو لصح لزيارة أوقات و آداب اللهم قضية مسافة واسباب مهمة
شكرا ع الطرح