لو كان ماتجيبيش ذكر نتزوج عليك

[ammmmoula]

السلام عليكم خاوتي رانا تبارك الله في وقت نقدرو نقولو مكانش
الجاهل مي انا راني نشوف العكس كاين في فاملتنا نسا جايبين
غير البنات هذه هبة الله بصح رجالتهم وعجايزهم ماحبوش
يفهمو بلي هدا امر ربي ينوضو يقولولهم لو كان ماتجيبيليش
ولد يرفد اسمي نتزوج عليك علاه ماعلبالوش بلي الراجل هو لي
منو هاذ الامر طبعا من بعد امر الله علاه هاد الظلم كيفاه نحوه
وهاد الشيء غير عندنا ناس الغرب ولا كامل الجزاير

 

[الامين محمد]

نظن هاذ الاشكال كان في وقت فايت في كل الوطن العربي
و ليس في الجزائر
و اعتقد ان الناس راهي واعية ان الأمر بيد الله اولا و أخيرا
ثم قيمة البنت عند أبوها حاجة كبيرة
و ناس زمان قالوا اللي ما عندهش بنات ما يعفوه وين بات و لا وين مات
الطفلة عزيزة الأب و حنونة عليه و دمعتها على خدوا تطيح
و بسببها يدخل الجنة ​

 

[لاريمان]

شوفي اختي هادي كاينة منها
بصح كاينين الي يحبو بناتهم بزاف
كاين جارنا عند 9 بنات ويحبهم بزاف ومع دلك مافقدش الامل في ربي ورزقو الولد الرتبة 10 وزاد 11 ذكر الله يبارك قايم ببناتو التسعة من كلشي
اذن تبقى عقليات وبمدى قبولهم لواش يعطينا ربي

 

[العَنْقَاءُ]

أبشري أم البنات ويا أبّ البنات
إن كان لك 3 بنات أدخلوك الجنة
هذا طريق إلى دخول الجنة البتة
أيريدون غير هذا ؟
​

 

[Tama Aliche]

وعليكم السلام
صحيح يوجد صنف من هؤلاء الناس جاهلين وربي يهديهم
حتى وكاين اللي تقول نحب يجيني طفل قبل هو الاول والله يجهلون ان المرى اللي تجيب طفلة فالاول فهي مباركة
ويوجد بعض الرجال لانه لا يحب البنات كي تجيبله مرته بنت يسميها باسم سيء مثلا "كبشة" والله عييب

 

[Tama Aliche]

أبشري أم البنات ويا أبّ البنات
إن كان لك 3 بنات أدخلوك الجنة
هذا طريق إلى دخول الجنة البتة
أيريدون غير هذا ؟
​

السلاام عليكم
اين كنت وانا نقول بلي كاين واحد غايب ونسيت اسمه وهو "العنقاء"
ياخا لباس؟

 

[Smile Queen]

اختي الغالية للاسف الشديد حنا ثاني كاين في الشرق
مي لازم واحد يفهم هذا الاب الي حاب الذكور ان جنس المولود يجي من الرجل وكل شي بيد ربي سبحانو
للاسف كاين بزاف ناس جاهلين وواش تقولي في انسان يطلق زوجتو لانها لم تنجب بعد سنتين زواج ؟
ربي يهدي ما خلق

 

[aljentel]

ظاهره منتشره في الوطن العربي كله او ربما في العالم الثالث اذا صح التعبير ...
ربما لايدرك الرجل انه هو المسئول علميا عن جنس الانجاب ودائما ما يلقى اللوم على المرأه ...
لكن بدأت الناس تتفهم وتعرف الحقيقة العلميه التي كانت مبهمة فيما مضى ...
كثيرا ما يتبرم الزوج من زوجته التي تنجب بناتا ويحملها المسئوليه وهو في ذلك مخطيء خطاء كبيرا ...
نسأل الله العفو ...

 

[Hakan]

قال الله تعالى :
(يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ)
يعني بصريح العبارة هي مشيئة الله لكن لما يضعف ايمان الانسان ويكفر بمشيئة الله لثم نقدرو نقولو انو الشيء هذا عادي ويصدر نورمال من هذا الشخص
زيد حاجة اخرى انا مانيش ضد انو يتزوج على مرتو اذا كانت هناك فرصة انو يجيب ذكور لانو اي بيت واي رجل يتمنى يكون عندو الذكر سند ليه
لكن بعد الكشف الطبي لانو ممكن السبب منو عندي عمتي تخيلو خاوتي 6 بنات الكبيرة قدي في العمر ماعنداش 4 سنوات هكاك جابت ذكر بعد الصبر
وسبحان الله لما جابت هذاك الذكر جابتو كي شغل خفيف يعني تقدرو تقولو مانغولي يعني ذكر وابتلاهم ربي بيه وهذا شيء عظيم والحمد لله لما كان الزوج نتاعها انسان صابر
والله يا بناتو مدايرهم فوق العين
هذي حاجة ربي
وعندي كذالك عمي ماشاء الله 6 ذكور كاملين على التوالي يعني واش يزوج واش يخلي حتى ربي فر ج عليه قبل 4 سنوات بزوج بنات بعد ما راحو للطب
يعني هذا هو البنادم اذا نقصت حاجة يحير عليها
يعني المرا والراجل لوكان ما يجيبوش طفلة تجيهم شويا صعيبة وبزااف باسكو كل حاجة في بلاصتها اما تفكير الطلاق وامور العيب هذيك ترجع للوازع الديني نتاع الراجل
اظافة الى الوالدة نتاعو باسكو اغلب الرجال الام نتاعو هي اللي توسوسلو من ناحية الولدان يعني مرتو ممكن عامين ماتجيبش تقلو راهي عقيم طلقها او العكس
ربي يهنيك سلام ..​

 

[sanaya]

صراحة أختي شعرت بالحرج الشديد لأجيبك ولكن لاحياء في الدين
هذا الرجل الذي يقول لزوجته إن لم تنجبي الذكر سأتزوج عليك أو أطلقك
لو كان حقا واعيا ومثقفا لما قال هذا الكلام ولخجل من قوله:
لماذا؟
لأن العلم أثبت أن المرأة لا دخل لها بجنس المولود ذكرا أو أنثى
وإنما يتعلق الأمر بالرجل
فببساطة إن أراد هاذا الرجل أن يلوم زوجته فليلم نفسه
سلام

 

[زاد الرحيل]

متستغربش بزاف كل الجزائريين هكذا يسايره الحضارة لابعد الحدود بصح في حكاية الطفل عفوا قصدي الوريث ينساو الحضارةو واش دارت و يقولوا الرجوع للاصل فضيلة وين راكم يا جدودي اندير كما درت باش انجيب طزينة اولاد و المرأة الجيبهم هذيك تبقى الباقي يتكلو على الله