قصيدة في الملحون الجزائري...بين يديك نتي..

أ

أميرشمس

:: عضو منتسِب ::
بين يديك نتي تكسر تكباري
وجيت مستعرف ليك بلي القلب بغاك
جيت مصفي نيتي ربي داري
ناوي نشب ياحبيبتي ونشيب معاك
فرشت قلبي ليك لملمت شعاري
فتحت قلبي قريتلك بلي نهواك
ديت منك وجاب طفالي ناري
فرح قلبي وماكان رح يفرح لولاك
ساعا جا مرسول شتت فكاري
كواني سهرني الليل على الذكراك
بتت نحاكي فالقمر ماني داري
علاه مرسول حبيبتي جا داير هاك
وباتت دموعي تحاكي فمشواري
وبات اليل يلوم ويقولي شا داك
نوصيك محبوبتي قبل ما تحتاري
حاولي ماتكويش قلب بحق بغاك
نوصيك محبوبتي قبل ما تختاري
قبل ماتقولي مانقدش نكون معاك
قوليلي لمحبتك كيف نداري..
وقوليلي كيفاش صبيحة ننساك

#أميرشمسBZ
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom