كاسيات في الشارع عاريات في البالكونات

[دعاء الجنات]

سبحان الله ، حاجة مافهمتهاش ، واش يعني الحجاب للنسا تاعنا (ماشي كامل ) أنا نسكن في حي فيه بزاف عمارات ، وانا في وحدة منهوم ، نسا كامل متحجبات الحمد لله المنطقة محافظة قليل وين تصيب مرأة بلا حجاب ، بصح المشكلة يخرجو للبالكونات عادي بشعرهوم وكأنهوم ف الدار ، ياك ف البالكون يقدر يشوفك أي واحد وعلاااااااه تخرجو تنشرو وتطلو بلا خمار؟؟؟؟؟؟؟
هذا استهزاء بالدين ياو المشكلة الكبيرة! والله يحشمو يطلو بالخمار يخافو يظحكو عليهوم الناس وخليك من اليدين العريانين وسبيغة تاع الشعر ولي ماش يعني واحد برا علابالو فلانة واش راهي سابغة شعرها ''''' بهدلتونا بهدلتونا خافو ربي كيما بارا كيما البالكون واش الفرق؟؟؟ الله يهدي عبادو أصبح الحجاب عادة وليس عبادة
عفواا على الإطالة شكرا

 

[الامين محمد]

ملاحظتك في محلها لي عودة للمنشارهههههههههه

 

[زاد الرحيل]

ربي يجازيك خير على موضوعك الرائع ،هي ظاهرة معممة تقريبا الا من رحم ربي
ربما صمت الناس.عليها و عدم نقدهم ليها هو اللخلا هذا الظاهرة تعتبر عادية ،الايمان الحقيقي موصلش للقلب.و الضمير ميت و المجتمع عاجبه الحال على هذا راه صاير واش صاير

 

[فيتامين سي]

جيت نشد بلاصة..نشارجي بورطابلي و نرجع ..بإذن الله

 

[Tama Aliche]

جيت نشد بلاصة..نشارجي بورطابلي و نرجع ..بإذن الله

مطولييش الهدرة تعاود تطيحلك الباتري عييتيها بالكتبة ههههههه

 

[Tama Aliche]

السلام عليكم
استنى نضحك هههههههههههههههه عجبتني تاع كاسيات في الشارع عاريات في البالكونات ههههه جبتيها موزونة ويووووووزع
راكي شديتيني يا رادار الحومة هههههههه لكن انا نخرج ماشي كما اللي حكيتي عليهم تعرفي شعري كحل بزااف ويتكشرد فالهواء ههه و القرون الملتوية تشد الساتيليت يعني نشوف شكون راه يشوف بيا ونتخبى قروني فيها فايدة هههههه وبهكذا مظهر ميعقلوش شكون انا ههه يظلو يعسو فكتاه نخرج وميعرفونيش كي نخرج ننشر ههههه
بالنسبة لكلامك نعطيك الف حق , مي بالنسبة ليا كي نخرج كاين غاابة وحيوانات وهذوك ميشوفونيش هههه يعني توجد حديقة الحيوانات مقابلة للبالكون واحد ميشوف
وقضية الخمار منتفكرش نلبسوا تعودت "الولف ساهل والفراق صعيب"
ان شاء الله نولي نلبس الخمار والحجاب كي نخرج للبالكوون

 

[دعاء الجنات]

ملاحظتك في محلها لي عودة للمنشارهههههههههه

هههههه شكرا على الإعتماد

ربي يجازيك خير على موضوعك الرائع ،هي ظاهرة معممة تقريبا الا من رحم ربي
ربما صمت الناس.عليها و عدم نقدهم ليها هو اللخلا هذا الظاهرة تعتبر عادية ،الايمان الحقيقي موصلش للقلب.و الضمير ميت و المجتمع عاجبه الحال على هذا راه صاير واش صاير

صح اختي ميلينا ولات حاجة عادية ، ربي يهدينا شكرا على ردك وصح الإيمان مازال ماوصلش للقلب يادرا وكتاه يوصل؟؟؟؟؟

جيت نشد بلاصة..نشارجي بورطابلي و نرجع ..بإذن الله

شارجي وماتطوليش فيتامين د شكرااا

 

[زاد الرحيل]

هههههه شكرا على الإعتماد

صح اختي ميلينا ولات حاجة عادية ، ربي يهدينا شكرا على ردك وصح الإيمان مازال ماوصلش للقلب يادرا وكتاه يوصل؟؟؟؟؟

شارجي وماتطوليش فيتامين د شكرااا

كي يكون من امثالك يا غالية بزاف

 

[دعاء الجنات]

كي يكون من امثالك يا غالية بزاف

وأمثالك حبيبتي بارك الله فيك

 

[دعاء الجنات]

السلام عليكم
استنى نضحك هههههههههههههههه عجبتني تاع كاسيات في الشارع عاريات في البالكونات ههههه جبتيها موزونة ويووووووزع
راكي شديتيني يا رادار الحومة هههههههه لكن انا نخرج ماشي كما اللي حكيتي عليهم تعرفي شعري كحل بزااف ويتكشرد فالهواء ههه و القرون الملتوية تشد الساتيليت يعني نشوف شكون راه يشوف بيا ونتخبى قروني فيها فايدة هههههه وبهكذا مظهر ميعقلوش شكون انا ههه يظلو يعسو فكتاه نخرج وميعرفونيش كي نخرج ننشر ههههه
بالنسبة لكلامك نعطيك الف حق , مي بالنسبة ليا كي نخرج كاين غاابة وحيوانات وهذوك ميشوفونيش هههه يعني توجد حديقة الحيوانات مقابلة للبالكون واحد ميشوف
وقضية الخمار منتفكرش نلبسوا تعودت "الولف ساهل والفراق صعيب"
ان شاء الله نولي نلبس الخمار والحجاب كي نخرج للبالكوون

عندك الزهر يا فطومة كي مقابلك الأشجار على الأقل ماتزيديش ذنوب فوق ظهرك... شكرا على المشاركة دمتي وفية

 

[Soumia hadj mohammed]

راني جاية وجدو الطابلة
لي رجعة ان شاء الله

 

[دعاء الجنات]

راني جاية وجدو الطابلة
لي رجعة ان شاء الله

راني جاية وجدو الطابلة
لي رجعة ان شاء الله

اهلاااااا وسهلاااا سمية نورتي ، اكيد رانا في انتظارك ماتهربيش برك ويدا هربتي معنتها راكي تطلي بلا خمار هههههه

 

[فيتامين سي]

جيييييت
البالكويات مشكلة دزاير كومبلي
قبل في داغنا كان عندنا بالكو دايرينله باش كبير مغطيه كومبلي دوري نورمال :p:p مي درك وين ساكنين مراهش غير البالكو جاردا كومبلي ميطلوش عليك العباد لي برا بصح دواغنا جاي دويرة تلقي ديار متلاسقين كون تبعي الخمار منخرج للجاردا و منخرج للمرح حتى الكوزينة منخرجش منها بروبلام في دولة مدارتش قانون مسقم نورمالمو هي تنضم لي باغيين يطلعو اطاج وين زوج وين كما حنا نطلعو للسطح نشوفو حواش جيرانا كامل و هما يطلعو يشوفونا جامي شفت اي واحد يطل محتارمين بعضانا مي كما كانت دار حدانا ايا الدار لي حدانا حداها دار هههههه هذيك كانو يبنو كي نخرج للحديقة نشوف الخدامة و جاغنا كي ينشر فوق دارهم كون نخرج ماشي للجاردا ياو بلا منخرج نشوفه يا ربي نكملو البني و نتهنو
يمات الاولى كنا نطلعو الفوق بالخمار امر من بابا بصح كي تسكني تخيلي راكي داخل راكي برا شايقد ربي يغفرلنا
الحمد لله كاين غير جيغان و اونفاس كاين الجبل :p:p

 

[Hakan]

فكرتيني في وحد المرة كنت عائدا من المسجد للاقامة الجامعية
لكن جاءني ذالك الشعور اللي يطيح على كل واحد يحس انو كاين شخص يراقب فيه
نظرت الى العمارات المجاورة للاقامة
فوجدت فتاة تطل بكل زينتها من البالكون
وافتجأت صرااحة ثم حفظت وجهها
ووجدتها في اليوم الذي يلي تمشي بحجاب شرعي في الشارع
ومن بعد حليت فمي من الافتجاء
يخي حالة ابغضها انو تسيق المراة وهي مكشوفة
التعري عند النساء حاجة او لنقل غريزة حيوانية
للتعبير عن حاجتها الملحة للرجل ان كان يغيب الرجل في بيتها وفي عائلتها ....​

 

[Malika Tlm]

السلام عليكم
ابيه ختي والله ولات نورمال ولي ضحكني بزاف لي هي متحجبة برا وكي يجي واحد يصوني فالدار تخرج بلا خمار وتقابلوا نورمال هذي حاله
الله يهدينا لطريق الخير يارب
مشكورة علي الموضوع القيمن

 

[Tama Aliche]

عندك الزهر يا فطومة كي مقابلك الأشجار على الأقل ماتزيديش ذنوب فوق ظهرك... شكرا على المشاركة دمتي وفية

اييه صح نحمد ربي , وكي تتحتم لازم تلبسه سيرتو كي يوليو كاين خدامين ووو نعرف امور هذو مرسي على التذكير والاشجار الحجاب الواقي من الناس ههه

 

[دعاء الجنات]

جيييييت
البالكويات مشكلة دزاير كومبلي
قبل في داغنا كان عندنا بالكو دايرينله باش كبير مغطيه كومبلي دوري نورمال :p:p مي درك وين ساكنين مراهش غير البالكو جاردا كومبلي ميطلوش عليك العباد لي برا بصح دواغنا جاي دويرة تلقي ديار متلاسقين كون تبعي الخمار منخرج للجاردا و منخرج للمرح حتى الكوزينة منخرجش منها بروبلام في دولة مدارتش قانون مسقم نورمالمو هي تنضم لي باغيين يطلعو اطاج وين زوج وين كما حنا نطلعو للسطح نشوفو حواش جيرانا كامل و هما يطلعو يشوفونا جامي شفت اي واحد يطل محتارمين بعضانا مي كما كانت دار حدانا ايا الدار لي حدانا حداها دار هههههه هذيك كانو يبنو كي نخرج للحديقة نشوف الخدامة و جاغنا كي ينشر فوق دارهم كون نخرج ماشي للجاردا ياو بلا منخرج نشوفه يا ربي نكملو البني و نتهنو
يمات الاولى كنا نطلعو الفوق بالخمار امر من بابا بصح كي تسكني تخيلي راكي داخل راكي برا شايقد ربي يغفرلنا
الحمد لله كاين غير جيغان و اونفاس كاين الجبل :p:p

مانعرف ادا بروبلام تاع الدولة ولا تاعنا ربي جلا وعلا قال (فاتقوا الله ما استطعتم) وجابلي ربي الخمار فوق الراس ماشي حاجة صعيبة شويا إيمان برك و الشعور بمعية الله في كل مكان أما هاداك الشعر لرطب كيما عطاهولك ربي يقدر ينيحهولك... شكرا هيبة دمتي وفية لمواضيعي

 

[آمِيْرَتُه]

السلام عليك
هدرة في الصميم
ربي يهديهم و يهدينا

 

[دعاء الجنات]

فكرتيني في وحد المرة كنت عائدا من المسجد للاقامة الجامعية
لكن جاءني ذالك الشعور اللي يطيح على كل واحد يحس انو كاين شخص يراقب فيه
نظرت الى العمارات المجاورة للاقامة
فوجدت فتاة تطل بكل زينتها من البالكون
وافتجأت صرااحة ثم حفظت وجهها
ووجدتها في اليوم الذي يلي تمشي بحجاب شرعي في الشارع
ومن بعد حليت فمي من الافتجاء
يخي حالة ابغضها انو تسيق المراة وهي مكشوفة
التعري عند النساء حاجة او لنقل غريزة حيوانية
للتعبير عن حاجتها الملحة للرجل ان كان يغيب الرجل في بيتها وفي عائلتها ....​

كلامك صحيح خويا حكيم هاذي هي الفئة لي نحكي عليها يتحجبو في طريق بصح في الشرفات او النوافد حلال تطل بالاك تصيد كاش خطاب وماعلابالهاش بلي هاديك لتطل بزاف غير هي مايخطبوهاش شكون هدا لمهبول لي يدي وحدا يشوفها كل من هب ودب.... لكن دايما نقول ماشي هادي المهبولة راح تشوه سمعة فتيات صالحات والله مايخرجو للبالكونات بالخمار وبلا بلابيه الا اذا تحمت - ربي يهدي ما خلق وشكرا مجددا على الرد

 

[دعاء الجنات]

السلام عليكم
ابيه ختي والله ولات نورمال ولي ضحكني بزاف لي هي متحجبة برا وكي يجي واحد يصوني فالدار تخرج بلا خمار وتقابلوا نورمال هذي حاله
الله يهدينا لطريق الخير يارب
مشكورة علي الموضوع القيمن

أولا شكرا مليكة على الرد ثانيا فكرتيني كنت عند وحد الخياطة مدايرا جلباب ونقاب خرجت للدروج ومن بعد قالتلي آ شافني فلان بلا خمار قلتلها علاه تخرجي عند جارتك بلا خمار قالتلي لالا موالفة نروح لعندها ماكان حتى واحد قلتلها لالا حنونة لازم تديري احتياطك راكي في باطيمة يقدر أي واحد يدخل أو يخرج
- يادرا واش راح نقولو لربي وواش راح نبررولو وهو لي يعلم السر ويعلم مافي الصدور
ربي يهدي خلقو
سلاام