ارواحو نوريلكم وش درت لعيد ميلاد أمي

[nina2tessy]

السلام عليكم البنات نتمنى تكونو كامل بخير

اليوم جبتلكم تشوفو وش درت لعيد ميلاد أمي الحبيبة ربي يطول في عمرها
رسمتها بيدي

إضغط هنا لرؤية الصورة بحجمها الطبيعي.

الأدوات المستعملة
toile شريتها من عام الروز مخبية في الدار

اكريليك أزرق و أبيض و أسود
تحطي شوية في الوسط من الأزرق و شوية الأبيض الفوق و وشوية أسود لتحت

تبلي اسفنجة و تبداي تطبطبي
كيما نديرو الماكياج هههههههه

حتى تحسي الألوان مشات
مبعد تحكمي PINCEAU و تمشي بطريقة عرضية حتان تتخلط الألوان مليح
الكتابة هاي باينة
خط يدي يعيف

و لي تحب تسأل على النقاط هاديك ساهلة
تجبي فرشاة شوي خشينة و تحطي فيها شوية صيغة
تبعد شوية على اللوحة تاعك و تبداي تضربي الفرشات على يدك تولي طرش على اللوحة
غير بشوية برك
و خلاص
فرحت بيها بزااااففف و الحمد لله
تحبو نزيد نحطلكم حوايج أخرى درتها بيدي راني هنا
صور و لا بغا فيديو
راني نوجد ادعووووليييي
سلام

​

 

[الورد الأحمر]

السلام عليكم ورحمة الله وبركاته

يعطيك الصحة أختي يكفي أنك تعبتي عليها ع جال أمك ومهما كانت النتيجة أمك رح تفرح بحركة كيف هذي من بنتها .

عموما النتيجة لاباس بيها كيما قلتي لكتيبة برك كانت قادرة تكون أحسن وكتابوطة الإيد تجي صعيبة شوية في الأمور هذي خاصة لواحد مش متعود يكتب ع اللوحات .

في انتظار أمور أخرى أنا نحب الأمور هذي والأشغال اليدوية .

مشكورة على مشاركتنا الصور .

 

[دعاء الجنات]

السلام عليكم
واو اختي ماشاء الله والله رائعة الصورة تسلم ايديك وربي يخليلك ماماك ان شاء الله يارب.

 

[Gül Bahar]

سلام عليكم
ماشاء الله تبارك الرحمان يعطيك الف عافية
وربي يخليلك الوالدة الكريمة ​

 

[omarwa]

ماشاء الله خرجت هايلة ربي يحفظلك الام نتاعك