واش رايكم ندير الكيراتين ولا لالا؟

[دعاء الجنات]

السلام عليكم
حبيباتي اليوم حبيت نستشيركم في موضوع ، علابالكم عرسي قريب (بعد رمضان) ان شاء الله ، ومانبش نشكر روحي الجميع يقول لي عندك زين الله يبارك لكن المشكلة في شعري كيما يقول المثل ربي مايعطيش كل شي... شعري شبه كارثة هههه لا كي نجبدو ونتهلا فيه يكون هايل بصح كيما نغسلو ومانجبدوش... كارثة ، وراكوم تعرفو كيما نتزوج ماراحش نقدر كل مرة نجبدو مستحيل وأنا ناسي عندهم الغاشي يعني ماشي ساكنة وحدي... وراكوم تعرفو سيرتو في العام الأول
-حربت كامل لي شومبوان والزيوت يعني ماكان لاه تقولولي نعطوك وصفة علاهادا خممت في الكيراتين ، وحبيت نتوما لي تعطوني رايكم
ماتحسبوش شعري كيما تاع لافريك..هههه حاشا ماشي لهاد الدرجة بصح ماهوش عاجبني
-راني نستنا رايكم في الكيراتين​

 

[دعاء الجنات]

@الورد الأحمر
@أم ياسمين
@Soumia hadj mohammed
@Only me

 

[Soumia hadj mohammed]

سلام عليكم غاليتي
راني جاية

 

[دعاء الجنات]

أنتظر اجابتكم.

 

[Soumia hadj mohammed]

مرحبا غاليتي سعاد ، مبارك عليك والله غير ؤانس فرحانتلك اسال الله ان يتمم زواجك على خير وبركة ويجعله زواج الديمومة

بالنسبة لشعرك ، الكيراتين معنديش عليه فكرة وانا شخصيا دائما نفضل الوصفات الطبيعية سواءا للشعر او الوجه ، شوفي زيدي وصفيلي مليح مشاكل شعرك به نحوسلك فوحد موقع وصفاته ايفيكاس
ننصحك تجربي وحدةلوصفة تع وحد الاخت هنا فاللمة راه الموضوع عنوانو هندية انقذت شعري راني جربتها ومليحة
زيد كاين وحد الشامبو معاه زيت وابري شامبوا ىاهم بزاف شاكرينو وحتى بعض الاخوات هنا مجربينو نسيت اسمو دك نحوس عليه
والحنة راهي مفيدة للشعر بزاف
مرة درت مغيرغات حنة مع حبة بيض تع عرب ودرت زيت زيتون وطبقتها في شعري هايلة
شوفي سعاد عطينا مشاكل الي في شعرك بالضبط وعسى خير باذن الله

 

[همس الوُرود]

السلام عليكم أختي
أولا نقولك مبارك زواجك حبيبتي إن شاء الله ربي يهنيكم يا رب ويرزقكم بالذرية الصالحة
بارك الله لكما وبارك عليكما وجمع بينكما في خير

شوفي أختي وش نعرف أنا نقولك .. عندي وحدة صاحبتي دارت هدا الكيراتين وصلحلها ولا شعرها أملس ومليح حكم روحو بصح معلاباليش لكان تعرفي هذا الشي أو لا يعني الكيراتين هذا مايدومش يعني يأثر على شعرك فترة ومبعد يرجع شعرك لحالتو الي كانت من قبل

أما أضرارو منعرفهاش صاحبتي مشكاتليش منو نشفالها برك كي دارتو و رحت عندها قالتلي شوفي شعرييي كيفاش ولا ههههه وكانت فرحانة

ربي يقدرك أختي ^^

 

[الورد الأحمر]

السلام عليكم ورحمة الله وبركاته

بلهناء ان شاء الله وربي يتمم على خير وكلشي مبروك.

بخصوص الكيراتين أنا بنت عمي كل ست أشهر تعملو وشعرها كيفاه كان وكيفاه عاد طبعا فرق كبيييير بزاف.

الكيراتين مليح بصح مشكلتو وقت يبدا يطول الشعر تلقايه من فوق يرجع مجعد بما أنو خرج جديد والشعر من فوق ما تقاسش بالكيراتين يعني باختصار كيما الصبغة كي تطيح هذا واش ما مليحش فيه سيغ تو لي يكون شعرها من جذورو لأطرافو كارثة أما ليوالجذور تاعها ملاح ملس جاي من تحت برك بطولو الشعرة خفيفة تتكسر ولا تتبوكلا هذي تلقى حسابها مع الكيراتين.

وزيدي سقسي كتر قبل ما تعمليه وكي تعمليه راه كاين شومبوان سبيسيال تغسلي بيه على خاطر كاينة مادة نسيت واش اسمها تلقايها في الشامبوهات ومفروض ما تكونش كي تعمل الكيراتين مالا كاين شامبو خالي من المادة هذي مخصص للحالات هذو.

بالاك يزيدو يفيدوك الأخوات.

 

[آمِيْرَتُه]

السلام عليك
ربي يهنيك حبيبتيك إذا شعرك قصير ننصحك به لكن إذا طويل مكان لاه راح تولي كل 4 اشهر و لا أكثر ديريه
كاين وحد الشمبوان بلبلسم و الماسك رائع نسيت اسمه مخدوم بالثوم خلي نسقسي مراة خويا عليه ونردلك الخبر

 

[دعاء الجنات]

مرحبا غاليتي سعاد ، مبارك عليك والله غير ؤانس فرحانتلك اسال الله ان يتمم زواجك على خير وبركة ويجعله زواج الديمومة

بالنسبة لشعرك ، الكيراتين معنديش عليه فكرة وانا شخصيا دائما نفضل الوصفات الطبيعية سواءا للشعر او الوجه ، شوفي زيدي وصفيلي مليح مشاكل شعرك به نحوسلك فوحد موقع وصفاته ايفيكاس
ننصحك تجربي وحدةلوصفة تع وحد الاخت هنا فاللمة راه الموضوع عنوانو هندية انقذت شعري راني جربتها ومليحة
زيد كاين وحد الشامبو معاه زيت وابري شامبوا ىاهم بزاف شاكرينو وحتى بعض الاخوات هنا مجربينو نسيت اسمو دك نحوس عليه
والحنة راهي مفيدة للشعر بزاف
مرة درت مغيرغات حنة مع حبة بيض تع عرب ودرت زيت زيتون وطبقتها في شعري هايلة
شوفي سعاد عطينا مشاكل الي في شعرك بالضبط وعسى خير باذن الله

اهلا سمية طولت عليك اسمحيلي
شعري جاف ومجعد بعض الشي يعني ماشي كامل... بصح كي نغسلو يولي جاف بزاف وطالع... هذا هو المشكلة تاعو
جيبيلي اسم ذاك شومبوان بالاك نجربو ان شاء الله وشكرا على الاهتمام

 

[دعاء الجنات]

السلام عليكم أختي
أولا نقولك مبارك زواجك حبيبتي إن شاء الله ربي يهنيكم يا رب ويرزقكم بالذرية الصالحة
بارك الله لكما وبارك عليكما وجمع بينكما في خير

شوفي أختي وش نعرف أنا نقولك .. عندي وحدة صاحبتي دارت هدا الكيراتين وصلحلها ولا شعرها أملس ومليح حكم روحو بصح معلاباليش لكان تعرفي هذا الشي أو لا يعني الكيراتين هذا مايدومش يعني يأثر على شعرك فترة ومبعد يرجع شعرك لحالتو الي كانت من قبل

أما أضرارو منعرفهاش صاحبتي مشكاتليش منو نشفالها برك كي دارتو و رحت عندها قالتلي شوفي شعرييي كيفاش ولا ههههه وكانت فرحانة

ربي يقدرك أختي ^^

اهلا توينكل ، علابالي بلي يقعد فترة ويروح جوستومو هاذيك الفترة تاع مور العرس مانقدرش كل مرة نجبدو... امالا نتعبك كي تزيدي تتلقاي هاذي صحباتك سقسيها على الأضرار
وشكرا على اهتمامك

 

[دعاء الجنات]

السلام عليكم ورحمة الله وبركاته

بلهناء ان شاء الله وربي يتمم على خير وكلشي مبروك.

بخصوص الكيراتين أنا بنت عمي كل ست أشهر تعملو وشعرها كيفاه كان وكيفاه عاد طبعا فرق كبيييير بزاف.

الكيراتين مليح بصح مشكلتو وقت يبدا يطول الشعر تلقايه من فوق يرجع مجعد بما أنو خرج جديد والشعر من فوق ما تقاسش بالكيراتين يعني باختصار كيما الصبغة كي تطيح هذا واش ما مليحش فيه سيغ تو لي يكون شعرها من جذورو لأطرافو كارثة أما ليوالجذور تاعها ملاح ملس جاي من تحت برك بطولو الشعرة خفيفة تتكسر ولا تتبوكلا هذي تلقى حسابها مع الكيراتين.

وزيدي سقسي كتر قبل ما تعمليه وكي تعمليه راه كاين شومبوان سبيسيال تغسلي بيه على خاطر كاينة مادة نسيت واش اسمها تلقايها في الشامبوهات ومفروض ما تكونش كي تعمل الكيراتين مالا كاين شامبو خالي من المادة هذي مخصص للحالات هذو.

بالاك يزيدو يفيدوك الأخوات.

شكرا على المعلومات والله حبيت نجربو سيرتو في شهور لولا تاع الزواج بصح علاش راني خايفة من الأضرار لي راهوم يحكو عليها...لأنو كل واحد كيفاه يحكي عليه
شكرا اختي على الرد والإهتمام بارك الله فيك

 

[دعاء الجنات]

السلام عليك
ربي يهنيك حبيبتيك إذا شعرك قصير ننصحك به لكن إذا طويل مكان لاه راح تولي كل 4 اشهر و لا أكثر ديريه
كاين وحد الشمبوان بلبلسم و الماسك رائع نسيت اسمه مخدوم بالثوم خلي نسقسي مراة خويا عليه ونردلك الخبر

اهلا حبيبتي آميرته ، خلاص سقسيلي عليه بالاك يفيدني هاذ المرة ان شاء الله. وشكرا على إهتمامك.

 

[السلطانة]

وعليكم السلام
شفت بزاف بنات جربوه ويشكروفيه

نظن انتي درك كي تجربيه راح تبقاي تعاودي فيه كل 6 شهور


شوفي الحفافة تكون مليحة برك وتعرفلو باه تخدملك خدمة مليحة وربي يهنيك ان شاء الله

 

[زهور الأمل]

واه الكيراتين مليح بصح حولى مدريهش ديما
واغسلى شعرك بسامبو تريزيمي

 

[ميمي مرام]

سلام الله عليك اخيتي
انا مننصحكش بالكيراتين كااامل
بخصوص اني خدمت في مجال الحلاقة النسائية لفترة و قريت عليها مدة عام
مننصحكش بالكيراتين
هو صح يسقم الشعر و يولي مليح و يعجبك لكن اضرارو كثر من منافعو
اولا كي دريه على شعرك يبقة مدة رايح يكسر الروتين تاع شعرك يكون مجعد و يرجعو املس
لفترة معينة ما بين 3 اشهر الى 6 اشهر
و من بعد يرجع شعرك مجعد كيما كان اول مرة
لما ديريه اول مرة مايبانش بلي شعرك طاح و لا خفيف
من بعد كي تولي ديري فيه و تعاودي يولي شعرك خفيف على لي كان
و بعد مدة 4 سنوات شعرك يولي كارثة
يولي خفيف بزاف و حتى توصلي تبداي داوي عليه
الكيراتين اخيتي ماهوش مصنوع لناس لي شعورهم كيما شعرك
هو في الاصل مصنوع لناس لي شعورهم فريزي بزاف
و هو مخصص للأفارقة يعني مش لدزيريين
لان البيئة لي عايشين حنا فيها ماهيش سخونة بزاف
و لهذا انا ننصحك بكيراتين طبيعي
شحال من خطرة نقول ذرك نطلع تجربتي مع الكيراتين الطبيعي و للاسف نعجز ههه
المهم مارايحة تحتاجي لحتى حاجة غير
المغارين و تولي تقسمي في شعرك كان رايحة ديري صبغة و تابليكي هاذيك المغارين
و تبداي تكسلي في شعرك مليح ماشي حتى طيريه لالا غير يتكسل برك
تخليها مدة 2 سوايع و روحي تغسلي شعرك ديريها مرة كل سمانة
و ان شاء الله تعجبك الوصفة و مام مافيهاش اضرار
يعني لا منفعاتكش مضركش
و كاين وصفة اخرى ثاني هايلة
و هي زيعة الكتان تدي حوالي 3 مغارف كبار
و 2 كسان ماء
خليهم فوق نار هادئة كي يبداو يغلو تولي تشوفيهم شوية عقدو
نحيهم و صفي الزريعة 2 خطرات
و دي غير هذاك الجال لي صفتيه
و طبقيه على شعرك كيما قلتلك في المارغرين يعني تقسمي شعرك و تأبليكيه
و رايحة تشوفي النتيجة و خطيك كامل من الكيراتين
جربي هذوالوصفات لي مديتهملك غاليتي
مع سيروم سواليس
او زيت دابر آملا يولي شعرك هايل
ههه سمحيلي اخيتي الغالية طولت عليك و لكن هذا كامل باه متخسريش شعرك منا للقدام
لان الزواج عام اهتمام و يفوت و يوالفوك كيما راكي
بصح شعرك رايحة يبقى معاك طول العمر
و ان شاء الله الف مبروك زواج الدهر ان شاء الرحمان و عقبال للي مزالو
:kiss::kiss::kiss:
​

 

[ميمي مرام]

ايه على فكرة انا شعري رجع هايل مع المارغرين و شعري كيما شعرك تماما
و كامل لي شفوه قالولي شعرك راه يهبل شا درتيلو
و ان شاء الله جربيها و ترديلي
سلام الله عليك غاليتي ​

 

[Mårőųā Řāhïł]

سلام ختي وبالبركة عليك وربي يهنيك ويرزقك بذرية الصالحة يا ربي
المهم انا سقسيت وقالولي الكيراتين مشي مليح الشعر ننصحك تجربي وصفات طبيعية احسن

 

[ام تسنيم واحلام]

السلام عليكم ورحمة الله وبركاته
أولا مبروك عليك وربي يكملك بالخير
انا سمعت بلي الكيراتين لا يجوز استعمله لان المواد لي فيه تغلف الشعر وهذا لايسمح بمرور الماء عند الوضوء
والله أعلم (انا معنديش فتوى رسمية هذا لسمعتو )

 

[❤️كلي أمل❤️]

السلام عليكم اختي
اولا الف مبروووووك ربي يكملك
ويرزقك الذرية الصالحة يااااا رب
ام بخصوص الكيراتين أنا ننصحك
ماديريهش أنا عندي بنت خالي
كانت ديرو بزاف ولله وتشوفي
شعرها كيفاش رجع تبكي
عليها طاحلها كامل وتكسر
أنا ننصحك كثري الزيوت للشعرك
وديري صفار البيض ثاني يقولو
عليه كيراتين طبيعي
ان شاء الله نكون فدتك اختي

 

[دعاء الجنات]

سلام الله عليك اخيتي
انا مننصحكش بالكيراتين كااامل
بخصوص اني خدمت في مجال الحلاقة النسائية لفترة و قريت عليها مدة عام
مننصحكش بالكيراتين
هو صح يسقم الشعر و يولي مليح و يعجبك لكن اضرارو كثر من منافعو
اولا كي دريه على شعرك يبقة مدة رايح يكسر الروتين تاع شعرك يكون مجعد و يرجعو املس
لفترة معينة ما بين 3 اشهر الى 6 اشهر
و من بعد يرجع شعرك مجعد كيما كان اول مرة
لما ديريه اول مرة مايبانش بلي شعرك طاح و لا خفيف
من بعد كي تولي ديري فيه و تعاودي يولي شعرك خفيف على لي كان
و بعد مدة 4 سنوات شعرك يولي كارثة
يولي خفيف بزاف و حتى توصلي تبداي داوي عليه
الكيراتين اخيتي ماهوش مصنوع لناس لي شعورهم كيما شعرك
هو في الاصل مصنوع لناس لي شعورهم فريزي بزاف
و هو مخصص للأفارقة يعني مش لدزيريين
لان البيئة لي عايشين حنا فيها ماهيش سخونة بزاف
و لهذا انا ننصحك بكيراتين طبيعي
شحال من خطرة نقول ذرك نطلع تجربتي مع الكيراتين الطبيعي و للاسف نعجز ههه
المهم مارايحة تحتاجي لحتى حاجة غير
المغارين و تولي تقسمي في شعرك كان رايحة ديري صبغة و تابليكي هاذيك المغارين
و تبداي تكسلي في شعرك مليح ماشي حتى طيريه لالا غير يتكسل برك
تخليها مدة 2 سوايع و روحي تغسلي شعرك ديريها مرة كل سمانة
و ان شاء الله تعجبك الوصفة و مام مافيهاش اضرار
يعني لا منفعاتكش مضركش
و كاين وصفة اخرى ثاني هايلة
و هي زيعة الكتان تدي حوالي 3 مغارف كبار
و 2 كسان ماء
خليهم فوق نار هادئة كي يبداو يغلو تولي تشوفيهم شوية عقدو
نحيهم و صفي الزريعة 2 خطرات
و دي غير هذاك الجال لي صفتيه
و طبقيه على شعرك كيما قلتلك في المارغرين يعني تقسمي شعرك و تأبليكيه
و رايحة تشوفي النتيجة و خطيك كامل من الكيراتين
جربي هذوالوصفات لي مديتهملك غاليتي
مع سيروم سواليس
او زيت دابر آملا يولي شعرك هايل
ههه سمحيلي اخيتي الغالية طولت عليك و لكن هذا كامل باه متخسريش شعرك منا للقدام
لان الزواج عام اهتمام و يفوت و يوالفوك كيما راكي
بصح شعرك رايحة يبقى معاك طول العمر
و ان شاء الله الف مبروك زواج الدهر ان شاء الرحمان و عقبال للي مزالو
:kiss::kiss::kiss:

​

حبيبتي @ميمي مرام هذا وين قريت ردك وراه فرحني واستفادت منو بارك الله فيك.. وماتحرميناش من تجاربك مادام قريتي الحفافة ساعة على ساعة حطيلنا حاجة... تفكري بلي رايحا تفيدي بزاف عباد علا هاديك ماتعجزيش
برك اسئلة مارغارين أي نوع ؟ وكي نغسل شعري بعدما ندير مارغارين آسكو نغسلو بالماء برك ولا بالشومبوان؟ رايحا نجربها وندعيلك اختي ميمي وعلى الكيراتين والله ماستراحتلو..تحياتي