اليوم مدتلي الوالدة نتاعي

chocho chaima

:: عضو منتسِب ::
اليوم مدتلي الوالدة نتاعي 20 ألف نتاع كاغط مقطعة و راشية قاتلي جيبلي كيلوا ونص ثوم
رحت عند الخضار لقيت الناس الكل تشري و انا مزروب شوي قتلوا أعطيني كيلوا ونص ثوم و فجأة ساد الصمت و سكتوا كامل و شافوا فيا و انا قعدت حاير علاهً يخزروا فيا و الله العظيم حشمت حسّيت روحي منيش متحضرة و ماستنيتش دالتي شاف فيا واحد باين على هيأتو لاباس عليه انا هكا حشمت و حبيت غير تتحل لارض و ندخل فيها حتى قالي تفضل و الناس كامل فتحت طريق و انا فايت تقول. موكب رئاسي و الناس الكل تشوف فيا و الخضار يقولي اهلا واش لاباس هاذي غيبة واشو الوالد الكريم و المشكل الخضار جامي شفتوا في حياتي و عاود قالهالي كيلو و نص ثوم قتلوا نعم
و انا حاكم العشرين ألف المقطعة في إيدي و حاس روحي حاجة كبيرة المهم وزن و قتلوا انا بكل فخر شحااااال قالي 220 ألف
علبالكم مانتمنالكمش الموقف هذا
زرقت و حمرت و ندمت على النهار اللي رحت فيه شفت معاه بكل شموخ و إعتزاز و فخر و قتلوا نشري شوي كبدة و نجي ديرهم معاك في ساشي
 
توقيع chocho chaima
السلام عليكم
ههه
موقف محرج ههه ونتي في بالك الثوم ب 10 الاف ...راه ولى اقلى من اللحم وش بيك
ههه
المرة الجاية قبل ما تروحي للسوق ...سقسي زين على الاسوام و مبعد روحي
ههه
 
هههه
موقف محرج صح بصح كاين بزاف تصرالهم

يعطيك الربح نشالله
كيما ڤالك خويا صلاح سقسي ڤبل ومن بعد ڤولي أوزن ههه
 
توقيع حلم كبير
السلام عليكم
ههه
موقف محرج ههه ونتي في بالك الثوم ب 10 الاف ...راه ولى اقلى من اللحم وش بيك
ههه
المرة الجاية قبل ما تروحي للسوق ...سقسي زين على الاسوام و مبعد روحي
ههه
ربي يدوم الضحكة
هذا الموقف عندوا قداه ملي صرا
 
توقيع chocho chaima
هههه
موقف محرج صح بصح كاين بزاف تصرالهم

يعطيك الربح نشالله
كيما ڤالك خويا صلاح سقسي ڤبل ومن بعد ڤولي أوزن ههه
ربي يدوم الضحكة
عندك حق نعود نسوم و مبعد باه نشري
 
توقيع chocho chaima
هههههههه
يعطيك الصحة
تعيشي وتاكلي غيرها اذا انت لي صراتلك صح هههه
 
توقيع ❤️كلي أمل❤️
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom