وصفتي الناحجة للبغرير

[الأميرة الخجولة]

السلام عليكم ورحمة الله تعالى وبركاته

أول مشاركة ليا في هذا القسم
بغيت نشاركم بالوصفة الي نجحتلي نتاع بغرير بدون تخمار ....
عجبتني بالزاف بعدما كنت نعاني من طولةالانتظار حتى يخمر دركا في ثواني يواجد الحمد الله الله يخلف على أم وليد ❤ بدون إيطالة سيداتي وسادتي ههه نخليكم مع مقادير
3 عبار سميد رطب
مغرف كبيرة سكر
مغرف كبيرا خمارة خبز
2 خمارة قاطو
وشويا ملح
و 4 عبار (نفس العبر الي عبر نا بيه سميد رطب ) ماء دافي
وميكسار طبعا
وحنا كملنا ونبدوا نديرو الحبة طيب بدون إنتظار​

مع العلم أنني نقصت مقادير انا لأنني كنت اول مرة نجرب الوصفة .

 

[❤️كلي أمل❤️]

يعطيك الصحة حنونة
خرجلك روووعة

 

[طيب الكلام]

يعطيك الصحة اختي . خرج لك روعة
الاكلة المفضلة عندي هي البغرير شهيتيني
سلمت يداك اختي الكريمة .

 

[ام حبيب]

يعطيك الصحه

 

[ام حوحو]

هي لايخفى على احد روعة وجمال اطباق ام وليد وانا كنت جربت وصفة هاذ البغرير وجاني مليح لكن بصراحة البغرير تاع بكري وزمان والي نخليوه يتخمر لا يعلى عليه يبقى هو الاصل وهو الالذ وطعمو قمة في البنة .مشكورة اختي على البغرير بصحتكم

 

[همس الجفون 93]

روعة اختي بصح بغرير الكارلاجة وحده
يعطيك الصحة

 

[zarzoura]

أبدعت بما قدمت
سلمت يداك

 

[solama]

ماشاء الله روعة يعطيك الصحة
بصحتكم

 

[الأميرة الخجولة]

أسعدني مروركم

 

[ضيوف وسـنغادر]

ماشاء الله يشهي
يعطيك الصحة
شكرا للمشاركة♥​

 

[سلام نفسي]

انا ندير طريقه زمان نخليه ويطلع ويجي هايل محبش طرق جديده

 

[الأميرة الخجولة]

انا ندير طريقه زمان نخليه ويطلع ويجي هايل محبش طرق جديده

حتى انا كنت ندير نتاع زمان ...مي هدي عجبني مين اذا جاك ضيف تقدري طيبيه بالخف متستنيهش يخمر

 

[سلام نفسي]

يمكن انا قليل لينطيبو خاطر يتعب ولا درت لازم بزاف رانا عيله وزيد نبعث لجيران

 

[الأميرة الخجولة]

يمكن انا قليل لينطيبو خاطر يتعب ولا درت لازم بزاف رانا عيله وزيد نبعث لجيران

حتى انا كنت هاكا مي ام وليد سهلتها علينا ؛ اسعدني مرورك اختي

 

[Mustapha Bita]

مساء الخير

حرام عليك علاه تغيري فيا هاكة
يعطيك العافية تسلم ايدك الطيبة

 

[السلطانة]

وعليكم السلام ورحمة الله وبركاته اهلا وسهلا بيك اختي
يعطيك الصحة خرجلك يشهي التطبيق تاع البغرير تاع ام وليد
تاكلوه بالصحة والهناء
موضوع يستحق ختم التميز+يوضع في فهرس تطبيقات وصفات ام وليد
https://www.4algeria.com/forum/t/461268/

 

[فيتامين سي]

يسخف
جربته غير الجمعة و خرجلي مليح سهلت عليا ربي يجازيها كل خير سيرتو كي قالولي خليه يخمر و انا لعبتها عليهم دوك تشوفو منخليهش يخمر ههههههه
و جربت كيكة المقلة خرجتلي نص نص ​

 

[الأميرة الخجولة]

يسخف
جربته غير الجمعة و خرجلي مليح سهلت عليا ربي يجازيها كل خير سيرتو كي قالولي خليه يخمر و انا لعبتها عليهم دوك تشوفو منخليهش يخمر ههههههه
و جربت كيكة المقلة خرجتلي نص نص ​

هههههههه حاجا لمليحا لي ميخمرش قاع

 

[ضآحكة مستبشرة]

السلام عليكم اختي
شكرا على الوصفة
يعطيك الصحة و بصحتكم ^^

 

[أشــواق 19]

السلام عليكم حبيبتي..
يممممم نموت على البغرير..مام انا نديرو بنفس طريقة
​

يعطيك الصحة ​