الموضوع النقاشي1 فستان الزفاف تحت المجهر-العدد الأول-

[السلطانة]

السلام عليكم ورحمة الله وبركاته
شكرا للاشارة
ماشاء الله تبارك الدي بيده الملك
دمتم ودام تميزكم غاليتي
فسخت خطوبتي، وليس لي مزاج لاشارك في هده المواضيلم اعد احب الاعراس او افكر في الزواج وغيره
لدا اسفة
واصلا لاةاهتم لمثل هده الامور احب ان يكون محتشم وفقط
اللي تزوجت ربي يهنيها واللي فطريق الزواج ربي يتمملها بلخير ان شاء الله
ارجو تقبل مروري
تحياتي احترامي وتقديري
في امان الله وحفظه

اهلا وسهلا بيك اختي
ان شاءالله ربي يرزقك بالزوج الصالح
وهاذ الامور هي مكاتيب واقدار
المهم صحة الوحدة برك
نورتي

 

[السلطانة]

ولييييييكني رجعتلكم يا بنات الحلويين
بارك الله فيكِ حبيبتي على الموضوع التحفة تسلم ايديكِ
لنشووووف

بحبو يكون هيك شي متل فساتين الأميرات :kiss:
وهاد فستانيوكل اكسسواراته

أبيض وأبيض وأبيض يا ناس على الرغم من إنو كان نفسي غير لون [ بس الحلو بدو ياه أبيض :Love::Love: ]
زوجي طبعاً لأني سألبسه له ورأيه يهمني قبل الجميع وطبعاً أمي وأختي

شراء طبعاً لأني بفضل أكون أول من يرتديه وآخرهن :Love::kiss:
والله لم يستغرق الأمر سوى عدة دقائق هههه

النصيحة الأولى ما في شي أسمه لااااااااااااازم بمعنى أصح أنتِ من سترتدين هذا الفستان وليس الناس
النصيحة التانية الفستان هاد تلبسيه لك ولتفرحي به ثم لزوجك تذكري هذا
يعني عن جد حلو انو زوجك كمان يعرف شو رح تلبسي ويشاركك الإختيار
لا تبالغي في شراء الفستان فالزواج ليس فستان بل هو بيت ورجل واولاد وحب يملئ المكان
فستان جميل وسعره مناسب نشتريه مااافي فستان سعره حلو ما في داعي أصلاً

بوركتِ حبيبة قلبي على الموضوع
​

بوركتي عزيزتي على الادلاء برأيك
وعلى النصيحة التي قدمتيها ففي الاخير فالزواج ليس مجرد لبس فستان ابيض بل معناه يعني الكثير
منورة

 

[السلطانة]

السلام عليكم
الله لا يحرم وحدة من لبسه
نبغي الكلاسيكي أكثر
و يكون لونه أبيض و مستور أكيد
اختيار اللباس يكون من قبل أختي و أمي
فقط بغيت نقول للشيرات هو حلم كل بنت أكيد بصح اذا مقدرتيش تلبسيه متزعفيش

ان شاءالله
اكيد فليست الحياة تساوي زواج وفقط
فالحياة اكثر اتساعا من هذه النقطة
بوركتي عزيزتي

 

[السلطانة]

السلام عليكم ورحمة الله وبركاته
اشكرك أختي على هذا الموضوع والتصميم
انا أحب لون الأبيض أكيد كاكل البنات
نظن كراء أحسن لأنو تلبسيه ساعة ولا 2
لما تختريه تكوني مع واحدة تعرف وعندها ذوق احسن
إضافة :
صرحة انا ملبستوش لأن الفستان الأبيض فيه شبهة بين الحلال والحرام (بدون لاأدخل في التفاصيل) وكان بنسبة ليا تركه أفضل وخرجت بالجلباب
كامل نعرفو لعراس يندرو في لاصال والعروسة تخرج بيه رح تنكشف وخاصتا معظم الفساتين عارية هذا يزعجني شوية
لان بكري كانت العروسة تقعد في غرفتها والعريس يدخل هك ميشفها حتى واحد
(هذي وجهة نظري)
والعروسة تبقى عروسة بالأبيض او من دونو خصوصا اذا كانت ساترة
الله يفرح كل بنت ويسعد قلبها
★★★★★تحياتي★★★★★

اهلا وسهلا بيك اختي
اكيد نحترم رأيك
منورة

 

[السلطانة]

مممممم نحب المواضيع كيما هك ههههههه كل ابيض جميل و جميل للنقاش ههههه :Love:
اولا اهلا بجميع الرائعات اللماويات و منهم انا طبعا
ايا نجيو للموضوع اااااه يا عروس وش يستنى فيك :p نهار العرس....شعر يفسد ماكياج يزول رجليك يتكسروا من وقوف وخلي وخلي ههههه اوغير نضحكوا متخموش بزاف اتزوجي و جربي خير
ايا نرجع للموضوع لا يسحتوني اني عاقلة
اولا على فستنان انا نحب حاجة اسمها simple et beau مش معمرة و تبريي و مش حاجة كلاسيك بزاف او ليك فستاني مكري من قسنطينة
مشاهدة المرفق 78391
اما على المرافقة انا ديت معايا صديقاتي زوج لانوا اخواتي صغارات،و الخمدلله ساعدوني اكثر في الاختيار
اما عن الفستان كريتوا لانوا بكل ببساطة منجمتش نشريه غير كي كريتوا اني مليحة هههه( نقصد هو الي كراه هههه احنا هكا عاداتن ا الراجل الي يعطيك حقوا )
اما على الوقت انا بطبعي صعييييبة الارضاء سوفريت باه قبلت ههههه
النصائح الي نقدم لكل عروس هو انها تلتهى بنفسها اكثر من الحوايج و الشورة لانوا معظم البنات تتعب بزاف قبل الزواج مع توجاد و نهار تروح لدارها يطيح عليها تعب و تعيى تهز روحها والراجل يحبها تكون خفيفة و رشيقة و قايمة بيه و بالدار فهمتيني يا قفوزة
اما عن الاضافات انا رح نوري بعض قنادر تع تصديؤتي لعلى يستفادوا منهم البنات و على accessoires استعملت parure d'agrent والله افضل و بقالي ديما نلبسوا مع des robes w classique
مشاهدة المرفق 78393 مشاهدة المرفق 78394 مشاهدة المرفق 78395 مشاهدة المرفق 78398انيعيت باه نزيد نجبد تلفوني راهم معمر صور عييت نلقى المودالات لخرى المهم نتمنى نستفادو من بعضانا و مذبية نتبادلوا هنا الآراء و نفيدوا بعضانا
متشكرة على الموضوع

انتي وحدك يعجبوني ردودك :p:p:p:p
وعندك نصائح ملاح
منورة عزيزتي

 

[السلطانة]

السلام عليكم
ويا سلام على موضوع هذا العدد
وهو الفستان الأبيض والذي يمثل أجمل حلم لكل أنثى
ان شاء الله ربي يرزق كل عازبة بالزوج الصالح وتلبس هاد الفستان
بالعودة لأسئلة الموضوع، بصراحة ماعلاباليش واش هو الفستان الكلاسيكيو المعصرن أو الفرق بينهما
لكن فيهم وعليهم، كاين بزااف فساتين زفاف تاع وقت بكري وين كان الستيل تقليدي وكلاسيكي ويهبلو
منهم فستان زفاف ماما يهبل الله يبارك ستيل تاعو روعة، اما عن نفسي نحب فساتين الزفاف بأكمام طويلة
وأكثر حاجة نحبها في فستان الزفاف هو الدانتيل نموت عليه كي نشوفو في الفستان يزيد الفستان جمال
مانحبش فساتين الزفاف الفاضحة نحب حاجة مستورة وتكون كلاس، حوست على فساتين تميل للذوق تاعي
ونظن هاد الزوج صور هوما الأقرب نوعا ما لنوعي المفضل
هاد الصورة قريبة نوعا ما لكن الاكمام مانحبهمش عراض بزاف واذا م نفوق عراض وكي تلحق للكفين يكونو مشبوحين
ورقبتها تاني شوي لكن على العموم مليح

وهادا الثاني لكن شرط الاكمام تكون طويلة نوعا ما واذا كان في آخر الكم 3 قفايل يعني ازرار بيضاء فوق بعضهم
رايح يكون الفستان تححححفة :Love: بصح على العموم يهبل فقط لو كان الدانتيل فيه من تحت كيما الفستان السابق

انا نحب الفساتين لي سامبل مانحبش بزاف هادوك البراريق
أكيد الفستان نحب لونو أبيض ولكن ابيض تاع الخارج ماش تاعنا هههههه خاطر تاعنا يولي يميل للاصفر
تقول حبة فرماج، ابيض كيما لي في الصور روعة وإلا كذلك لي درجة اللو تاعو أغمق من الابيض بدرجة وين
يولي كلي كْرِيم هاداك تاني لون فاتن، ماش باج خلاص وماش ابيض خلاص
كيما اللون لي صبغت بيه يديها أخت @الورد الأحمر
بصراحة لي نختارو باه يختار معايا الفستان هوما أختي وأمي وخالتي، عندي خالتي كن مانشاورهاش في ملابسي بالاك كاشما يصرالي هههه
الفستان نفضل نكريه أحسن ودرك الحمد لله تطورنا كيما مثلا الاخت نور ماتحبش تلبس ملابس مستعملة
درك ولاو يكريو فساتين زفاف بسومة زايدة ويجيبوهملك سبيسيال ليك يعني نتي أول وحدة تلبسيهم ويجي جدد كيما راهم
ويهبلو الله يبارك
بصراحة ماعنديش خبرة ولكن ننصح العرائس كي يختارو فستان زفاف يخيرو حاجة لي تعجبهم هوما ماش الناس
وحاجة يكونو فيها آلاز خاطر ماراكيش رايحة تشري فستان وتلبسيه دقيقة راكي تقعدي بيه نهار كامل واذا جبتي فستان ماراكيش آلاز فيه رايحة تتعذبي
والنهار يفسدلك بصح كي يكون مناسب ليك من حيث الحجم ولا الشكل او الستايل رايحة تلقاي راحتك ويفوت نهارك شباب
وأكثر شي ننصح بيه هو البساطة، ماكانش أجمل من البساطة وتزيد جمال للعروس
أما الاضافة لي نضيفها هي اذا خيرتي فستان مليح ويناسبك وعاجبك ماتفسديهاش بأكسسوارات تاع الفراعنة وين السنسلة دير
10 كيلو والتاج تاع السلطان عاشور العاشر هههههه ديري حاجة بسيطة وجميلة ونزيدك رقة وجمال وكذلك التسريحة هاداك الجبل لي طولو زوج مترات
ماعندو حتى معنى تقدري تطلعي شعرك لفوق وبتسريحة بسيطة وأنيقة إضافة للحذاء جيبي حذاء تمشي بيه آلاز لا تتكركبي في الدروج تاني
وأهم حاجة نركز عليها هي الماكياج، اذا عندك حفافة توثقي فيها خليها تماكييلك واذا وحدة ماتعرفيهاش فوجهك ماراهوش لعبة تخربشلك فيه
وديرلك فيه البنفسجي والازرق والذهبي والفضي والاخضر والوردي، قادر اللون الفضي وحدو تزيني بيه عيونك ويجيك تحفة
ونأكد قدما كانت البساطة قدما يكون الجمال
هادا زعما مانعرف والو ودرت جرنان ههههه، شكرا على الموضوع
تحياتي​

اهلا وسهلا بيك حبيبتي
عجبني ذوقك في الفستان بسيط وباهي
وي الفساتين قادرة توصي يجيبولك اول مرة تلبسيه انتي انا هك نهار كريت لبستو انا اللولة
يعطيك الصحة على النصائح لي قدمتي

 

[السلطانة]

السلام عليكم

شكرا على الإشارة خاطر راني out كن ما تعيطوليش مانيش نشوف المواضيع .. ندخل خطرة في 100 سنة

توحشتكم توحشتكم ♥

المهم بالنسبة للفساتين .. نبغي هاذوك الـبوفي و اللون أبيض ناصع أكيد .. نعشق في لا دونتال ♥ تجي أنيقة هاكا مانعرف علاه خخخخ
تخيلوني لابسة هاذة يعني ♥_♥ مشي يهبل ؟

شكون يخيره معايا ؟ اختي وماما هاذاك ماعندي أصلا ♥ربي يخليهملي

نفضل نشري بصح البحبوحة المالية خخخخخخ ألوغ نكري ليلة وفايتة ♥

شوية حنة محرقسة في يدي.. شوية مشي زربية -_-

تخدمهالي طاطا مخطارية ♥ خدمتها ماكانش كيفها .. شكون طاطا مخطارية ؟ لاكوافوز لي خدمت لماما في عرسها يا حسراه

حذاء العروسة بصح تخيلوه ابيض أوكي؟

هاذا حنا في عادتنا لازم يجيبوه دار العريس .. اممم وهاذاك المسعود مسكين كن نرسله هاذ الفوطو يسويسيدي تالمو راني نضل نتشرط خخ

شوية اكسسوارات

نبغي الأغجون خير من الدوغي .. يجي كلاس ♥

مشطة simple مشي هاذيك الباسينة لي يديروها فوق الراس باه نرفد راسي تحكمني عرق الموت -_-

الماكياج نكره المبالغة فيه .. اصلا وجهي صغير و نبان صغيرونة وكي ندير الماكياج نجي نشبه لعواوا -_- مالا ماكياج خفيف ♥

احمر الشفاه نبغي المات

امم و ربي يرزق كل وحدة بولد الحلال و يعطينا كاملين برنوس الستر و الهنا ♥

حبكم ♥​

وعليكم السلام اهلا بعروستنا الزينة
راني نتخيل فيك بهاذ الفستان يهبل وديك الاكسسوارات معاه
ولاكواف والماكياج تخرجي بوبية
ربي يحفظك ويهنيك
شكرا نورتينا برأيك

 

[السلطانة]

انتظرونا مع العدد الثاني

 

[زهور الأمل]

انا نفضل البيج للسمرة يرجعها عسلة
ولون الشعر اشقر رمادي مه مكياج سموكي افازي بصح مشي مزيرة بزاف ملفوق