جمال بلادي⁦❤️⁩ بعدستي

سلام عليكم ⁦❤⁩
وشراكم⁦✌⁩⁦✌⁩ نشالله راكم غاية
أولا سمحولي على الغياب
راني وليت عالسريع لمشاركتكم هذه الصور و مبعد نولي للنشر
مكاش علابالي بلادنا شابة كما هاك
للأسف غالب الصور كانت للعائلة غير هاذو صورت المكان وحدو نشالله يعجبوكم
و زهري أنو كانت تصب فغالب الأحيان

نتمنى يكونوا عجبوكم الصور سلام⁦

 

[لؤلؤة قسنطينة]

السلام عليكم ورحمة الله وبركاته
يعطيك الصحة مريومة، صور يهبلو ماشاءالله
ومناظر جميلة وخلابة يزخر بها بلدنا الحبيب
بصحتكم الرحلة الجميلة والممتعة
العاقبة لما خير ان شاء الله ^^
انا عجبتني تاع البحر، خاطر حلمي نزور البحر في الشتاء
بصحتكم مريومة وشكرا على مشاركتنا لحظاتك الطيبة مع عائلتك
ربي يدوم هناكم ان شاء الله​

 

[sami44]

مشكورة مريم على الصور الجميلة
ذكرتيني باماكن امر بها منين ذاك
صالومبي الشاموناف ما طلقتي والو
ان شاء الله عجباتك العاصمة وبصحتك التحويسة
لا تحرمينا من كل جديد ​

 

[Soumia hadj mohammed]

السلام عليكم ورحمة الله وبركاته
اهلا عزيزتنا باباعمي - الله غالب نحب مناداتك هكا ههه -
من دون اعتبار جودة الصور في التقييم لانو الكاليتي ناقصة بزاف
رح نمد بعض الملاحظات التي ينبغي ان يتخذها المصور
مثلا هده الصورة - وش كنتي حابة تبيني منها ؟قطرات المطر اليي على الزجاج مع الطريق ؟ لاباس بها لكن ، الصورة راهي مائلة اولا وتانيا الكابو تع السيارة راه باين جزء منه واللي يعتبر مشوش فالصورة
لذلك مسالة الميلان لازم تنتبهي للخط الافقي فالصورة لي لازم يكون موازي او تنتبهي للخط العمودي لي لازم يكون موازي ايضا - التوازي مع اطراف الصورة -
وهنا في هاته الصورة قبل ما تلتقطيها بقاي انتي تريقلي في يدك حتى لي تكون النخلة موازية لطرف الصورة او عمود الكهربا بحكم انها عمودية
نتمنى فهمتيني

هنا تاني الصور مائلة تقدري تعتمدي على عمود الاضاءة اللي على اليسار به تريقلي الصورة غير ذلك راهي مليحة

هده الصورة جميلة - صورة مؤدية الى نقطة

هنا ايضا مائلة بزاف الخط تع لي ينتهي عنده البحر لي هو خط افقي هو لي تريقلي بيه الصورة تعك

حاولي تصغري الكتابة اللي توضعيها فالصورة

مشكورة على المشاركة يعطيك الصحة
في انتظار صور اخرى​

 

[وۣۗهۣۗہۣۗم]

السلام عليكم ....
اه ياختى بلادناا شابة والحمد لله كون نعتنيو بيها بلاك نولوو من افضل البلدان السياحية
بوكتى على المشاركة
تحياتى

 

[آمِيْرَتُه]

السلام عليك
صور جميلة خاصة تاع البحر يعطيك الصحة

 

[boboyacine]

صور جميلة
تنقصها فقط الجودة