نسقسيكم خاوتي

[الامين محمد]

قلت نسألكم فقط
اللي ما تعجبهش مواضيعي و منشوراتي
يخبرني الآن
حاب نعزمه على قهوة فقط هههههه

ـــــــــــــــــــــــــــــــــــــــ
احبتي في اللمة
و من اجل تطوير المنتدى
كل واحد يخبرنا نوعية
المواضيع المفضلة لديه
و التي يراها ناقصة
او عنده اقتراح يفيد المنتدى
أهلا و سهلا

ـ

​

 

[sanaya]

مؤخرا بما أنو دخلت في عالم التفاهة بشكل كامل تروقني المواضيع التافهة يعني المضحكة
نصوص @Andy_delor الساخرة و العميقة في معانيها يعجبوني لأنو مثل هاته المواضيع عفوية و واقعية و غير مملة

 

[أبو خديجة]

الصراحة منشوراتك في القمة وقهوتك خالصة من عندي مرحبا بك
كل المواضيع فور وفي القمة برك ديرولنا قسم خاص بالرجال فقط
وعندي بزاف أفكار خاصة بالمنتديات وكل حاجة في وقتها خاصة عندي خبرة في إدارة المنتديات

 

[MARYTA]

مشكور الاخ على السؤال
اما مواضيعك وبدون مجاملة في القمة
اما عن سؤالك
مواضيع قصص وروايات وخواطر
وكما قالت الاخت sanaya مواضيع الفكاهية
ولو نعمل مناقشات في المواضيع دينية .........الخ

 

[إلياس]

موضوعاتك من ذهب مرصعة بالماس و الفضة
افضل مناقشة الدينية بعيدا عن الغلو و التطرف الديني
و مناقشة الساعة في جميع الميادين

 

[خديجة ph]

أحكملي بلاصة باذن الله نرجع

 

[Andy_Delort]

مؤخرا بما أنو دخلت في عالم التفاهة بشكل كامل تروقني المواضيع التافهة يعني المضحكة
نصوص @Andy_delor الساخرة و العميقة في معانيها يعجبوني لأنو مثل هاته المواضيع عفوية و واقعية و غير مملة

/
ربما لي عودة في تلك المواضيع الأمر ولله مرتبط ارتباط وثيقا بالمزاج ... اني معول نعاود ندير سلسة وحدخرا ههههه برك نلقى راس الخيط وخاطيك ...

 

[Andy_Delort]

الاخ محمد مواضيعك دائما ما تكون جيدة

وبما انك رافد حجرات من نوع الصلب ارى ان مواضيعك ذهبية خخخخ

المهم لنا بالنسبة ليا نحب قاع المواضيع الي منحبوش ممكن سياسة والمواضيع لي تكون طويلة بزاف واكثر ما حاجة كي نلقى موضوع كاتبه عضو على حاجة صارية في الواقع ويبدا عمك يهدر بسلامتو ماكتيفي هههههه​

 

[خديجة ph]

السلام عليكم
صراحة المواضيع اللي نشارك فيها اللي يكون فيها العضو يعطي رأيو و مخدم مخو نحسو تعب أو هذاك الموضوع مهم بالنسبة ليه فعلا فنشارك و يهمني نناقشو في الموضوع كما هي مواضيعك أخي ( بما أنك رافد سلاح أبيض من نوع رقدة في السبيطار ) هههههه
أما عن المواضيع التي لا تجذب انتباهي فهي المواضيع المنقولة يعني اذا كنت رايحة ندير موضوع فيه المنقول يكون للتوضيح فقط ليس كل الموضوع حتى لو كنت أريد أن اشارك بفيديو فنكتب لماذا أعجبني و ماذا أعجبني بالضبط لان أي واحد بوسعه وضع بحث في جوجل و توصله المواضيع في مواقعها الاصلية فما يهمني في هذا المنتدى هو معرفة كيف يفكر الناس في مجتمعي يعني تفيد و تستفيد حتى تتوسع وجهات النظر فالفئآت العمرية مختلفة و الولايات مختلفة ما يعطيك مساحة واسعة من الافكار اللي تقدر بيها تكون نظرة واقعية عن الموضوع الفلاني في بلادك و حتى نظرة عن وجهات نظر اخواننا من البلدان الاخرى بما أن هناك أعضاء كثر ليسو من الجزائر اللي نحييهم و نتمنى انهم لقاو في المنتدى ما يرضيهم
و رغم ذلك يبقى الجميع مشكوورين على مشاركاتهم و بارك الله فيهم جميعا
سلام

 

[ظل سيريالية]

حابة دير مواضيعك كقبل تخلق قصة ويكون ابطالها اعضاء من منتدى

 

[الامين محمد]

انا قلت كاشما كاين ندورها حجر هههههههه
ايا الحمد لله مواضيعي راهي مليحة هههههه
ـــــــــــــــــــــــــــــــــــــــــــــــــــ
انا اقترح على الاخوة يكون عندهم مفكرة كل ما يجي موضوع في باله يسجله
باش ما ينساهش

ايضا نقل التجارب من الواقع هته النوعية من المواضيع جالبة للقراء

ايضا اتمنى من الاعضاء لما يكون كم كبير من المواضيع نتريث
لأن كثرة المواضيع تخلي بعض المواضيع الجيدة تسقط و لا ننتبه لها

امر آخر مهم جدا جدا في بعض الايام تلقى اللمة رااااقدة
في هذا الوقت لازم كلنا نفكر في احداث الضجة بالكتابة و الردود
يعني نحط مواضيع حتى و ان كانت قصيرة

هته بعض الاقتراحات
و انا عن نفسي اي خدمة راني هنا

 

[Jorh]

جيت متأخرة كي عادتي والله مفهمت علاه
ههه المهم راح نقول الصح ومنكذبش مواضيع مش مليحة اطلاقا
ههههه نتمسخخخر والله نحوس على كاس قهوة..احم دارتلي الخفقة في قلبي ايا عمك الطبيب نحاهالي ولاو يضالوا يعسو فيا ههههه وانا نشرب ونهرب
اما المنتدى وكما ذكرت سابقا انا في المنتدى واحد اوخر وهو روايتي الثقافية في هذا المنتدى ملي دخلت فيه في جوان الماضي مكاش نهار دهلت ولقيت فيه عشر اعضاء هذا في العيد ووقت الذبيحة لقيتو مليااان للخر
منعرف علاه هنا شويط شويط وانا راح ننساحب ...والله راني شوي مضغوطة وراح نكسر التبلات مرا
..
..
نوليو للمواضيع والله مواضيع في القمة وكما ذكرت الاخت سنا مواضيع اندي ديلور من رحم الواقع بطريقة هزلية وبمعنى عميق في نفس الوقت
وهاني كنت مع الخواطر والقصص ستنيتك مجيتش.. ترى لماذا
ههه نتمسخر برك...
شكرااا وانا نستنا في كاس القهوة احم
في حفظ ورعاية الرحمن

 

[Jorh]

حابة دير مواضيعك كقبل تخلق قصة ويكون ابطالها اعضاء من منتدى

يا سلام على ام العقول هههه

 

[إلياس]

اقترح أن تكون مواضيع قصيرة لكي نستطيع مناقشتها في جميع المجالات و اتركونا من كلام دارجة في المواضيع و جزيت خيرا على الموضوع القيم والمميز اخي جعله الله في ميزان حسناتك يارب العالمين اجمعين

 

[ميهوب عبيدي]

مواضيعك روعة
والمنتدى ناشط ماشاء الله عجبني

نحاول ننشط معاكم بالتوفيق​

 

[ميهوب عبيدي]

بالنسبة للاقسام
..............................
لو يخصص قسم الاعلام الالي او الكومبيوتر يكون افضل
...............................
انا الايام القادمة ان شاء الله ننشط في القسم هذا مع عودة المتربصين للدراسة انا نضم دروسي في القسم .
...............................
يكفيني قسم التكوين المهني لكن
لو يخصص قسم الاعلام الالي يكون افضل بكثير حتى المواضيع يسهل فرزها و ايجادها
لاني نفضل يكون عندي مصدر واحد لملفاتي و مواضيعي

 

[sana barhoumi]

السلام عليكم
صراحة المواضيع اللي نشارك فيها اللي يكون فيها العضو يعطي رأيو و مخدم مخو نحسو تعب أو هذاك الموضوع مهم بالنسبة ليه فعلا فنشارك و يهمني نناقشو في الموضوع كما هي مواضيعك أخي ( بما أنك رافد سلاح أبيض من نوع رقدة في السبيطار ) هههههه
أما عن المواضيع التي لا تجذب انتباهي فهي المواضيع المنقولة يعني اذا كنت رايحة ندير موضوع فيه المنقول يكون للتوضيح فقط ليس كل الموضوع حتى لو كنت أريد أن اشارك بفيديو فنكتب لماذا أعجبني و ماذا أعجبني بالضبط لان أي واحد بوسعه وضع بحث في جوجل و توصله المواضيع في مواقعها الاصلية فما يهمني في هذا المنتدى هو معرفة كيف يفكر الناس في مجتمعي يعني تفيد و تستفيد حتى تتوسع وجهات النظر فالفئآت العمرية مختلفة و الولايات مختلفة ما يعطيك مساحة واسعة من الافكار اللي تقدر بيها تكون نظرة واقعية عن الموضوع الفلاني في بلادك و حتى نظرة عن وجهات نظر اخواننا من البلدان الاخرى بما أن هناك أعضاء كثر ليسو من الجزائر اللي نحييهم و نتمنى انهم لقاو في المنتدى ما يرضيهم
و رغم ذلك يبقى الجميع مشكوورين على مشاركاتهم و بارك الله فيهم جميعا
سلام

الأخبار جلها مواضيع منقولة عن وكالة رويترز للانباء أو إذاعة مونت كارلو الدولية يعني نقل في نقل.

 

[السلطانة]

الهربة عادت الحجر تضرب هههههه

موضوع مهم وراح اقرأ ردود الاعضاء بتمعن

بما اني مريت على ظروف صعبة مؤخرا واجتزتها بفضل الله وبفضل اخوة دعوا لي، في ظهر الخير

اعلن عودتي للمة بصفة رسمية اليوم ههههه

المواضيع التي تجذب انتباهي هي المواضيع الحصرية المتعوب عليها اولا

اما المواضيع المنقولة حرفيا و الطويلة فاني لااحبها واراها ترجع المنتدى للخلف
ياريت كل من ينقل يحاول التعديل قليلا

اللمة تحتاجنا جميعا

 

[السلطانة]

الصراحة منشوراتك في القمة وقهوتك خالصة من عندي مرحبا بك
كل المواضيع فور وفي القمة برك ديرولنا قسم خاص بالرجال فقط
وعندي بزاف أفكار خاصة بالمنتديات وكل حاجة في وقتها خاصة عندي خبرة في إدارة المنتديات مشاهدة المرفق 128505

اهلا وسهلا اخي حاتم
سننظر في اعادة فتح قسم خاص بالرجال
بشرط ان تتفاعلوا معه

باذن الله سيكون لكم كوكبكم الخاص من جديد

 

[السلطانة]

مؤخرا بما أنو دخلت في عالم التفاهة بشكل كامل تروقني المواضيع التافهة يعني المضحكة
نصوص @Andy_delor الساخرة و العميقة في معانيها يعجبوني لأنو مثل هاته المواضيع عفوية و واقعية و غير مملة

اهلا وسهلا بيك اختي صاحبة القلم الذهبي
الاسلوب الساخر والهادف في نفس الوقت اسلوب ممتع مشوق
سنحاول الاحاطة بمثل هذه المواضيع اكثر
مشكورة
ولاتحرمينا من مشاركاتك