🛩ياطيارة ✈️

[♡كارينا♡]

​

سلام ..​

.بداية عندي قريب ساعتين​

ولا اكتر نحوس وش من منتدى نحط​

هذا الموووضوع​

والله ماعرفت خخخ​

أيا قررت نحطه هنا وخلاص​

..شكون فيكم مزال متذكر لعفسة​

تاع كي تكون فايتة علينا الطيارة ​

نبداو نجرو كي لمهابل ونعيطولها​

ههههههه​

.....كل واحد يفكرنا واش كان يقولو​

​

في المنطقة تاعهم⚘️ .​

.احنا في ولايتنا كنا نقولو بزاف امور​

منها...​

​

{ياطيارة نعلبوك جيبي بابا من لمروك}​

{ياطيارة طيري بيا واديني لماليا ماليا​

بعيد عليا ودزاير قريبة ليا "على اساس​

ماليا راهم في الترك }​

​

{ياطيارة علي علي واديني عند خوالي​

خوالي في تونس وعشاهم بركوكس }​

 

[السلطانة]

كيفاه تفكرتيها


حنا تاني نقولو اللولة هههههه

جيبي بابا ملمروك هههههه

 

[Oktavio_hinda]

اوااااه ليوم ماراكيش نورمال يا طفلة
راكي تخربي في شكارة قديمة وتجبدي ههههه
والله صح انا عن نفسي كنت نغني
ياطيارة طيري بيا واديني لماليا ماليا
بعيد عليا ودزاير قريبة ليا والله كنا نية ولا كنا بهالل والله مانعرف كي نشوف هذا الجيل نحس كنا نية بزااااف فوق القيمة يالله كيما يقول خونا eljantel الله المستعان

 

[أم إسراء]

ههههه حنا جهتنا.. نقولو يا طيارة نعلبوك جيبلي بابا من المروك و كان بابا قدامي و نقولها عادي..
الايام لي فاتت بنتي قالتلي شوفي طيارة تفكرتها و قلتهالها ، ههه و مع حريصة ع تعليمها و ابعادها ع بعض الالفاظ ضحكت قالتلي وش تقول هههه بصح عيب نقولو هكا مامليحاش الكلمة هذي هههه قلتلها روحي يا دنيا بالسلامة بنتي تعلمني صلاحي

 

[la lune rose]

هههه حنا كنا نقولو العبارة الأخيرة

 

[ام أمينة]

ياااه فكرتيني في صغري
انا كنت نقول بالعياط و أنا نقفز طيارة طيارة ....... عدة مرات و إذا شفتها فالليل وشفت الضوء نقول خلاص راهم شافوني و شعلولي الضوء ....هههههه
شكرا على الموضوع عزيزتي

 

[يوسےفے]

الجزء الاول.1

يا طيّارة طيري بيا
وادّيني عند الماليا
نشوف حبابي واش بيا
واش بيا يا لمّاليّا

يا طيّارة فوق الغيمات
سلّميلي عالغُرُبات
قوليلهم قلبي هلك
من لبعاد و من لفراقات
يا طيّارة ديري دورة
عدّي فوق لَجبال و بحُورة
نشري سلامي و دموعي
للّي فارقهم قلبي مجبورة

يا طيّارة فيك الأمان
بلغي لحبابي سلاّم زمان
قوليلهم ما نسيتهم
في القلب باقين طول الزمان

يا طيّارة ريحي شوية
فوق ديار فيها النية
ناس الكرم والدفا
قلبي ليهم دايم حيّة

يا طيّارة لا تسرعي
خليني نشوف ونودّع
كل زاوية فيها ذكري
وكل دمعة ما ترجع​

 

[يوسےفے]

الجزء الثاني 2
يا طيّارة سامحيني
دموعي سبقت حنيني
كل جناح فيك حكاية
على لي راحوا و ناس سنيني

يا طيّارة وصلي الصوت
من قلبي تعبان ومكسور
قوليلهم راهي صعيبة
والغربة ما فيها سرور

يا طيّارة فوق السما
خبّي سلامي مع النجمة
وإذا الليل جاك بدمعة
قولي راهي من الهمّة

يا طيّارة كي ترجعي
رجّعي لي فرحة دموعي
نرجع لأرض الطيبة
لحضن أمي وتربتي

يا طيّارة وقت اللّقا
نفرح وتزول الشقا
وتعود الضحكة لبلادي
وتنتهي غربتي البقا
​

 

[إلياس]

جزاك الله خيرا على طرحك