- الأوسمة
- 10
مساء الخير ، راني جيت ماقدرتش نصبر عليكم، كاش مرة نقعد معاكم ونقرعج عليكم شوية وتحكولي شوية على حياتكم ، نحب نعرف كلش عليكم ، ياك متفاهمين؟؟
هاذيك المرة اسمحولي كي رحت وخليتكم ماقدرتش نصبر رحت طليت من الباكلون تاعي كي سمعت الحس برا، دار عمي الطاهر ألي في الطابق الأول ديميناجاو، أداو كامل قشهم وراحو بلا ما يقولو لحتى واحد، مانعرف وعلاه؟؟؟ بصح خالتي صبيحة مرت عمي الطاهر غير ما تلاقيت بيها وماقالتلي والو؟؟ الستوتة هاديك تعرف كيفاش تخبي ، بصح أنا غير السبب تاع الرحلة المفاجئة هادي ألي نعرفو وتشوفو فتيحة واش تقدر ادير.
عروستهم فايزة صحبتي وعندي النيميرو تاعها أمبعد نعيطلها ونسقسيها ، على خاطر هي موالفة كي تداوس مع عجوزتها (خالتي صبيحة) تعيطلي وتفرغلي قلبها، نهار كامل وهما كي القط والفار، على خاطر رابح راجل فايزة نهار كان رايح يتزوج باباه اعطالو الشامبرا تاعو ويماه ماكانت قابلة ، خافت برك من عمي الطاهر على خاطر موالف يضربها، وملي تزوج وليدها وهي عقاب عروستها وكلمة زوج تقوللها عطيتلك شمبرتي ومازلتي تهدري....المهم راكو تعرفو حكايات العجايز مع العرايس، أنا الحمد لله نسكن وحدي وعجوزتي قليل وين تجي عندي...
دقيقة راه يصوني التيليفون تاعي نرجع ونولي ليكم...
.
.
.
.
.
راني وليت ، المثل واش يقول: كي نهدرو على الذيب نشوفو ذيلو.
أنا هكذاك صراتلي ، هدرت على عجوزتي حتى عيطتلي في التيليفون وقالتلي راهي جاية غدوة مع لوستي وهيبة، الله يجعل الخير علابالي غدوة نهار كحل.
نروح اسمحولي هبطلي المورال.
هاذيك المرة اسمحولي كي رحت وخليتكم ماقدرتش نصبر رحت طليت من الباكلون تاعي كي سمعت الحس برا، دار عمي الطاهر ألي في الطابق الأول ديميناجاو، أداو كامل قشهم وراحو بلا ما يقولو لحتى واحد، مانعرف وعلاه؟؟؟ بصح خالتي صبيحة مرت عمي الطاهر غير ما تلاقيت بيها وماقالتلي والو؟؟ الستوتة هاديك تعرف كيفاش تخبي ، بصح أنا غير السبب تاع الرحلة المفاجئة هادي ألي نعرفو وتشوفو فتيحة واش تقدر ادير.
عروستهم فايزة صحبتي وعندي النيميرو تاعها أمبعد نعيطلها ونسقسيها ، على خاطر هي موالفة كي تداوس مع عجوزتها (خالتي صبيحة) تعيطلي وتفرغلي قلبها، نهار كامل وهما كي القط والفار، على خاطر رابح راجل فايزة نهار كان رايح يتزوج باباه اعطالو الشامبرا تاعو ويماه ماكانت قابلة ، خافت برك من عمي الطاهر على خاطر موالف يضربها، وملي تزوج وليدها وهي عقاب عروستها وكلمة زوج تقوللها عطيتلك شمبرتي ومازلتي تهدري....المهم راكو تعرفو حكايات العجايز مع العرايس، أنا الحمد لله نسكن وحدي وعجوزتي قليل وين تجي عندي...
دقيقة راه يصوني التيليفون تاعي نرجع ونولي ليكم...
.
.
.
.
.
راني وليت ، المثل واش يقول: كي نهدرو على الذيب نشوفو ذيلو.
أنا هكذاك صراتلي ، هدرت على عجوزتي حتى عيطتلي في التيليفون وقالتلي راهي جاية غدوة مع لوستي وهيبة، الله يجعل الخير علابالي غدوة نهار كحل.
نروح اسمحولي هبطلي المورال.
