- الأوسمة
- 15
السلام عليكم و رحمة الله
عساكم بخير
كيما شفتو
أعلنت الأرصاد بلي غدوا إن شاء الله
رح تكون رياح بسرعة 120كلم/سا
راك متخيل 120 كلم/سا كيفاه تكون ولا لالا ؟
الأمر أشبه بعاصفة و لا إعصار ..
حتى الدراسة تم تعليقها ..
المهم احرزو رواحكم غدوا
ماتخرجوش و سورتو بالموطو و لا بالسيارة قريب من البحر
و ماتسوقوش و الكارو مفتوح
ماتمشوش قراب من الشجر الكبـــــار
[ إذا تشفاو فـ2022 كانت رياح هكا كبيرة و ماشي سرعة 120 كلم/سا
يعني أقل سرعة بصح طاحو بزاف أشجار كبار و بوطوات - البليدة و ضواحيها - ]
ماتمشوش حذا البلايك تع بيبليسيتي و ما تريحوش عند الحيوط القديمة
تأكدو بلي راكم غالقين التواقي مليح [ خلو تهوية صغيرة للغاز ولا اغلقوه كامل و ارقدو ]
+ ما ترقدوش فالنهار باش يجيكم رقاد فالليل باسكو الصوت تع الريح يديرونجي بزاف
و اذا عندكم شي صوالح فوق السطح هبطوهم
ما تڨاريش طونوبيلتك حذا بوطو تع تريسيتي ولا شجرة ولا حيط قديم
و عسو رواحكم من التيندات تع الحوانت
+ شارجو تلفوناتكم مليح أونكا تتكوبا التريسيتي
و اشرو الشمع و زيرو البرابولات
و لي يعرف عائلات تسكن على برا
يشد رقم الهاتف تاعهم و يسقسي عليهم ساعة ساعة
كاشما يصرا يعيط للحماية ..
هذا ماكان .. كاش نصائح أخرى تفيدونا بيهم ؟
و أذكركم و أذكر نفسي بدعاء النَّبيّ صلَّى اللَّهُ علَيهِ وسلَّمَ
" اللَّهُمَّ إنِّي أسألُكَ مِن خَيرِها وخَيرِ ما فيها وخَيرِ ما أُرْسِلَت بِهِ وأعوذُ بِكَ مِن شرِّها وشرِّ ما فيها وشرِّ ما أُرْسِلَت بِهِ "
تحية طيبة
عساكم بخير
كيما شفتو
أعلنت الأرصاد بلي غدوا إن شاء الله
رح تكون رياح بسرعة 120كلم/سا
راك متخيل 120 كلم/سا كيفاه تكون ولا لالا ؟
الأمر أشبه بعاصفة و لا إعصار ..
حتى الدراسة تم تعليقها ..
المهم احرزو رواحكم غدوا
ماتخرجوش و سورتو بالموطو و لا بالسيارة قريب من البحر
و ماتسوقوش و الكارو مفتوح
ماتمشوش قراب من الشجر الكبـــــار
[ إذا تشفاو فـ2022 كانت رياح هكا كبيرة و ماشي سرعة 120 كلم/سا
يعني أقل سرعة بصح طاحو بزاف أشجار كبار و بوطوات - البليدة و ضواحيها - ]
ماتمشوش حذا البلايك تع بيبليسيتي و ما تريحوش عند الحيوط القديمة
تأكدو بلي راكم غالقين التواقي مليح [ خلو تهوية صغيرة للغاز ولا اغلقوه كامل و ارقدو ]
+ ما ترقدوش فالنهار باش يجيكم رقاد فالليل باسكو الصوت تع الريح يديرونجي بزاف
و اذا عندكم شي صوالح فوق السطح هبطوهم
ما تڨاريش طونوبيلتك حذا بوطو تع تريسيتي ولا شجرة ولا حيط قديم
و عسو رواحكم من التيندات تع الحوانت
+ شارجو تلفوناتكم مليح أونكا تتكوبا التريسيتي
و اشرو الشمع و زيرو البرابولات
و لي يعرف عائلات تسكن على برا
يشد رقم الهاتف تاعهم و يسقسي عليهم ساعة ساعة
كاشما يصرا يعيط للحماية ..
هذا ماكان .. كاش نصائح أخرى تفيدونا بيهم ؟
و أذكركم و أذكر نفسي بدعاء النَّبيّ صلَّى اللَّهُ علَيهِ وسلَّمَ
" اللَّهُمَّ إنِّي أسألُكَ مِن خَيرِها وخَيرِ ما فيها وخَيرِ ما أُرْسِلَت بِهِ وأعوذُ بِكَ مِن شرِّها وشرِّ ما فيها وشرِّ ما أُرْسِلَت بِهِ "
تحية طيبة
