الغربة ..... لا لا مافهمتش فهموني

[عاقل و ناس ملاح]

السلام عليكم

خاوتي عندي سؤال حبيت نطرحوا على شكل موضوع الكل يشتكي من الغربة و الكل يتغنى بحب الوطن و الاشتياق له ... أنا نقولكم علاه ماترجعوش للبلاد ياخي الابواب راهي مقتوحة وواحد مايمنعكم باش ترجعوا ؟
الجواب أكيد رايح يكون صعيب بصح لازم تقنعوا رواحكم بأن هذا هو مكتوبكم وهذا هو الشي اللي كتبهولكم ربي و الهجرة ربما تجي غضب عنك ربما لتحسين ظروف المعيشة وربما لطلب العلم وربما باش تلقى معاملة احسن من اللي في بلادك لذلك كلنا نعبروا على حبنا و اشتياقنا لبلدنا ربي يحفظها لكن مالازمش نسبوا الدولة او
الدول لي رانا عايشين فيهم باش ماتنطبقش علينا مقولة " ياكل في الغلة و يسب في الملة " مالا خاوتي هنا بربي
ان شاء الله نصبروا رواحنا بلا ماننساو بلي 123 viva l`algerie

 

[Bent alblad]

السلام عليكم

خاوتي عندي سؤال حبيت نطرحوا على شكل موضوع الكل يشتكي من الغربة و الكل يتغنى بحب الوطن و الاشتياق له ... أنا نقولكم علاه ماترجعوش للبلاد ياخي الابواب راهي مقتوحة وواحد مايمنعكم باش ترجعوا ؟
الجواب أكيد رايح يكون صعيب بصح لازم تقنعوا رواحكم بأن هذا هو مكتوبكم وهذا هو الشي اللي كتبهولكم ربي و الهجرة ربما تجي غضب عنك ربما لتحسين ظروف المعيشة وربما لطلب العلم وربما باش تلقى معاملة احسن من اللي في بلادك لذلك كلنا نعبروا على حبنا و اشتياقنا لبلدنا ربي يحفظها لكن مالازمش نسبوا الدولة او
الدول لي رانا عايشين فيهم باش ماتنطبقش علينا مقولة " ياكل في الغلة و يسب في الملة " مالا خاوتي هنا بربي
ان شاء الله نصبروا رواحنا بلا ماننساو بلي 123 viva l`algerie

شكرا اخي العاقل ..........
الرجوع؟؟..........لازم تعرف خويا بلي ناس الغربة يفكروا في مستقبلهم في البلاد اكثر من تاع البلاد ...

فالرجوع يتوقف على ما حققه في الغربة ليضعه على ارض الواقع في بلده .........و كل حسب ظروفه :فمثلا من ينتظر اكمال الدراسة ,و من ينتظر يكون نفسه ماديا ............الخ .فما يقدرش يرجع دون ما يحقق هاذ الشي ..و اذا رجع في منتصف الطريق بسبب الغربة(يعني ما يحقق والواو, ما يكملش )فمستحيل يحقق ذلك في البلاد ..لانه يكون نص نص ..يلقى بزاف مشاكل في بزاف حاجات ...........يمكن حتى لو كمل ....و يرجع ما يلقاش روحوا في الكثير من الامور............./عندي اخ ,عندو بزاف ملي خرج من البلاد (في دولة اخرى غير هذه)..خرج باش يكمل دراستو ..و هو يحب البلاد بزاف و لا عمرو كان يفكر بالغربة......كمل في الجزائر ...ليسانس ..اخذ درجة عالية ..فحاب يكمل ماجستير ,لكن رفض طلبه (اخذو مقاعد محددة,تعرف تاعمن ؟؟!!...)قالولو اقعد استنى ؟! و افهم انت !!......ما كان منه الا ان توجه لاحدى الدول باش يكمل على حسابه طبعا.كمل الدراسة ..رجع بالماجستير للبلاد ...حوس خدمة (على مستواه طبعا)....ما لقاش ...داخ راسو ..و كره ..رجع لهاذيك البلاد ..و راه يكمل في الدكتوراه ...قال يمكن نلقى بها خدمة بسهولة...و لكن يمكن يلقاها في ذيك البلاد ..لانه قبل رجوعه لقي عروض عمل ..لكنه كان حاب في البلاد و كره الغربة...............و الله اعلم اموره بعد هذا.

في حالة كيما هكا كيفاش تقول :لازم يرجعوا تاع الغربة اذا توحشوا البلاد!!!!!!

 

[عاقل و ناس ملاح]

ردا على اخر سؤال طرحتيه

هو اللي تسائلت عليه انا يعني صح راني في الغربة ومادام خرجت للغربة لازم نكون قدها ونحمل

والا نبقى في البلاد و خلاص كاين ناس يخرجو ومبعد يبدا يشكي كيما قلتي نخرج باش نقرا ولا نكون روحي

ماديا ولازم دير في بالك بلي هاد الحوايج صعاب ديرهم في بلادك مالا تحمل الغربة وماتفكرش بزاف ولازم

تفكر بلي البلاد ترجعلها ترجعلها سواء على رجليك ولا في صندوق .... الشيء اللي ماعندناش في البلاد هو

العدل ( وخير مثال قصة خوك و اكما الماستر) على العموم نتمنى من كل مغترب يحمل غربته بارسكو اذا رجع

للبلاد راهو رايح يعيش غربة أكبر من التي يعيشها

 

[فتيحة]

يا اخي العزيزهل تضن ان انسان كان قاعد في حالو متهني جاتو فرانسا وللا بلاد اخرى قال هيا
يا اخي كون ما دفعتوش الظروف ما يفكر في الغربة . على هاذيك راني حاب نعرف لاه هوما خير منا لاه هوما خيرمنا......​

 

[علي - العراق]

هنالك فرق بين ان تختار الغربة وبين ان تكون مجبر على ترك بلدك
هذا ما اعانيه لتركي بلدي العراق
وكاني مطرود فان مجبر ان اتركه لذلك تكون الامور صعبة جدا علي
نتمنى انه الكل يرجعوا لبلادهم وترجع بغداد مدينة الامة

 

[bada1]

السلام عليكم يا خاوتي انا الغربة ماقدرتهاش واصبرت بزاف وان شاء الله راني مقرر نولي اللبلاد ونعيش فيها كما هي مع لفامي نعيش معيشا عادي ماهيش كما لمعشت الغربة قبل مايفوت الوقت و تحكم فييا الغربة او منقدرش نولي خواتي الغربة اللي تدي اكتر مما تعطيني نخليها و نتكل على الله *** اطلبولي ربي نولي في اقرب وقت **** و اللسلام عليكم

 

[princesse0207]

raby m3aaaaaaaaaaaaaaaaaaaaak

 

[نجاة البليدية]

السلام عليكم خواتاتي والله انا الدمعة على الخد ماقدرتش للغربة وانا والله مرة ماجاة في بالي الله غالب ربي كتب ومكتوب جابني بعيد ونتبعو ازواجنا وراني ميتة على بلادي ودارنا ااااااه والله عذاب