je veux des repenses

[صمت الذكريات]

السلام عليكم و مرحبا بيكم

حبيت نسقسيكم واش هي الحاجة اللي تخليكم تغيرو انا حاجة متوشيني راني بيزار و لا واش
النسا قاع يغيرو و انا والو

 

[صمت الذكريات]

مكان حتا واحد يعطيكم الصحة

 

[algerien]

نغير على على مراتي (قصدي كنتزوج ) لهوى منحبوش يقيسها
انت لما تتزوجي او تحبي تدخلك الغيرة درك راكي vierge
ما عندك على واش تغيري​

 

[صمت الذكريات]

مي انا قاع منغيرش مام على الناس اللي نحبهم و مغيرش

 

[algerien]

معناتها ان حبيبك ميديرش حوايج تخليك تغيري

 

[صمت الذكريات]

منغيرش قاع راني حاسة روحي حجرة

 

[kamou]

مي انا قاع منغيرش مام على الناس اللي نحبهم و مغيرش

اواااااااااااااااااااااااااااه ماكيش نورمال
انا نغير على الناس الي نحبهم
لازم تتعلمي شوية
ياك يقولك مليحة الغيرة منداك تزيد شوية محبة
بصح ماتمرقيهاش..
الغيرة لازم تجي في موضعها..:thumbup1:

 

[صمت الذكريات]

الناس اللي عزاز عليا يقولولي متحبيناش مدام متغيريش كي نشوفهم مع ناس وحدوخرين و نورمال

 

[AdNan31]

عندك حاسة مفقودة ههههههههههههههههه ​

 

[صمت الذكريات]

عندك الحق خويا عدنان

 

[صمت الذكريات]

الموضوع ديالي ميهمكمش

 

[kamou]

عندك حاسة مفقودة ههههههههههههههههه ​

صح بالاك صمت الدكريات
راني قلتلك ماشي نورمال الحكاية نتاعك
ماكانش الي مايغيرش
وبالاك انت تغيري بصح مافيقاش بروحك:001_unsure:

 

[صمت الذكريات]

و الله والو كي نشوف اللي عزاز عليا يهدرو مع الجنس الاخر نروح و نحكي معاهم

 

[أمل حياتي]

مالا خطرة خرا كي تزوجي تلقاي راجلك يحكي معا وحدة تجيك نورمال؟؟؟شويا bizarre ختي العزيزة.
أنا واش راح نحكيلك,نغييييييييييييير إلى أقصى درجة حتى des fois خسرت ناس على جال هذ الغيرة hyper jalouse .صح فطوركم وربي يكون معاك

 

[Klach]

انا نغير من واحد كي يكون مثقف خير مني ولا يقرى خير مني

 

[أمل حياتي]

انا نغير من واحد كي يكون مثقف خير مني ولا يقرى خير مني



أنا نمووووووووووووووووووت كي نلقى واحد فور عليا في لقراية ولا مثقف عليا تاني,نغير trop

 

[جرتــول]

لالا سير عندك الغيرة والدليل راكي كل مرة تقولي وين راهي الردود ؟؟؟
الموضوع مايهمكمش ؟؟

يعنى شفتى المواضيع لخرى معبية ردود والغاشي طايح عليها كي النحل
وعلى هادى غرتى على موضوعك


نفس الشي رح يصرالك لما تحسي انك بديتى تفقدى اعز الاشخاص لي عندك
نقدر نقولك عندك بذرة تع غيرة لوكان تسقيها تولى شجرة

تسقيها بمحبتك للناس بصدق ماشي تع صحا صحا
انا نعرف 30 مليون نسمة بصح مانغيرش عليهم كامل

وربي يرزقك بكاش بيدون غيرة تمشيلك رمضان
​

 

[best-arch]

La jalousie devient une maladie quand elle est exageree............mais elle reste un signe d'amour...........chwia machi bezzaf


Merci bcp............saha ftourkom​

 

[صمت الذكريات]

يعطيكم الصحة راني نحوس على الردود باش نسمع رايكم ماشي عالي شفت المواضيع الاخرى فيها ردود
رب يحفظكم على الردود

 

[abdelmalek88]

الغيرة حب يا اختي ​