بسم الله الرحمن الرحيم
واش راكم وليداتي
ان شاء الله لاباس
حبيت اليوم نرجع بهذا الموضوع
على امل ان يتفاعل الجميع معنا
علمتنى الحياه باه نبكى وحيد
باه ما نسببش الحزن لمن حولى
تعلمت نكتب همومي
على صفحات مواضيعي
وتعلمت ايضأ ان اصعب الاشياء
اللى افعلها دائمآآ
هى ان ارتدى قناع الفرح
لكى اخفى ملامح الحزن عن وجهى
ما نلقاوش من يسمعنا ويحفظ اسرارنا
ويسع صدره لاوجاعنا
غير الاوراق
عمكم احمد راه حاس بكل شاب من وليداتنا
وبكل طفلة من بناتنا
صح الدنيا واعرة بصح كونوا رجالة وحراير
كونوا قافزين
كيما قالت وحدة من بناتي في المنتدي
كونوا فواصل ماشي نقاط
ساعات الواحد يمر بمراحل وفترات يعجز باه يخم
يولي يشوف غير للهدرة اللي تتقالو سواءا صحيحة اوغالطة
ساعات يصراوا مشاكل
من درجة سوء الحالة اللي كونوا فيها ...
عنذما نخموا في حلول .... نعطيوا حلول تزيد الوضع تعقيدا
وعليه ....
بمعرفتي لقدري الكبير بين ولداتي وبناتي في اللمة
اليوم عمو احمد يفتحلكم صدرو وقلبو
مستعد يسمعلكم ولمشاكلكم
لي لقى مشاكل في حياتو وعجز يفتحها
لي في نفسو أمور ضاق بها صدره
عمو احمد راه هنا باه يساعد وليداتو
نعدكم بحاجة ...
مشاكلكم راها أمانة في رقبتي
نوعدكم لا أحد يطلع عليها والله على ما أقول شهيد
يمكنكم مراسلة عمي حمد عن طريق الموضوع
او رسائلكم الخاصة.
فقط اكتب اسم مستعار
لأني ساجيبكم في هذا الموضوع
و سأكتب اسمك المستعار مع الرد
فقط تذكروا قوله تعالى
*=== ما يلفظ من قول إلا لديه رقيب عتيد ===* صدق الله العظيم
اكتب مشاكلك مع
الام
الاب
الاخ
الصديق
الحبيب
وان شاء الله عمو حمد رايح يرد عليكم
شكرا
