السلام عليكم وليداتي
واش راكم ؟؟؟
اليوم راني جبت موضوع جديد
الهدف منو نقضيوا على واحد الظاهرة
هي صح في المنتديات كامل
لكن يا ولدي ماناش حبينوا في لمتنا
الموضوع هي الردود هاذيك السخيفة كيما قالها ولدي
صح شحال من واحد يحكي على الردود
و شحال من موضوع اندار في المجال هذا
و لكن صم بكم عمي فهم لا يعقلون
امالا خليونا عاقلين يا وليداتي
المنتدى انتاعنا شعارو :
لك عيونا تعرف على الجزائر من أهلها
قولولي واش يقول هاذا اللي دخل للمنتدى باه يتعرف على دزاير من اهلها ؟؟؟؟
الشيء اللي خلينا نبادر في الموضوع هو اني قريت موضوع يحكي على دزاير و الخونة
لقيت الموضوع و الردود ..........
المهم وليداتي خلاصة القول
هيا اوعدوني وليداتي :
- بلي ما نرودوش غير على الموضوع اللي يستاهل و ما نقصروش في الرد
- بلي اذا ظلمني احد الأعضاء نوكل ربي و ما نزيدش معاها في الهدرة
- بلي نحاربوا كامل اللي يحبوا يخربوا في منتدانا و ايدروها غير على المشاكل
راكم كبار وليداتي
اعطيوا صورة مليحة على بلادكم
الصورة اللي مليون و نصف مليون روح على جال الصورة المليحة هاذي
بهذي الطريقة رايح ترسم لوطنك و لنفسك بشكل خاص احسن صورة و تخلي الناس تقادرك و تعزك و تحترمك
بهذي الطريقة رايح ترسم لوطنك و لنفسك بشكل خاص احسن صورة و تخلي الناس تقادرك و تعزك و تحترمك
ربي يبارك فيكم وليداتي
عمكم احمد
