اكلاتكم التقليدية في عيد الربيع

H

hadda0425

:: عضو بارز ::
أوفياء اللمة
بسم الله الرحمان الرحيم




بماانو دخل عيد الربيع والناس تتفنن في اكلات تقليدية منها لبراج، رفيس، قرصة الربيع ،......الخ

11_61.gif


فتحت هذا الموضوع لجمع اكلات وعادات تقليدية نعملوها في هاد العيد طبعا بالصور والشرح اذا امكن

11_61.gif


ونتعرفو على العادات من كل ولايات الوطن
ونحتفظو بيها كذكرى في المطبخ اللماوي

11_61.gif


ان شاء الله تتفاعلو ونتعرفو على عادات الوطن الحبيب

11_43.gif



​
 
انا جبتلكم البراج
سميد ملح سمن
غرس منقي ومعجون بقليل من السمن
انا عملت 4 كيلات من السميد بكيلة ونص سمن ذايب او حسب السميد تاعكم
نبلو السميد بالسمن نحطو الملح ونبلو بالما الدافئ بدون العجن ونعملو قرصات ونخليوه
حنا متعودين نعملو قرصة لبراج دائري لكن انا عملتها مستطيل بما انو كاين طابع البراج هاك كي نقصو ما ندروش الحاشيات بزاف اكتشاف خطير هههههه
نخليكم مع الصور

















بالنسبة للطياب تاعو باه يجيك حمر وما يتحرقش انا حطيت طجين الكسرة على الطابون وزت طاجين الحديد وطيبت هاك ما يتحرق ما يكون دخان
وربيعكم مربع
21-333.gif

21-333.gif
 
آخر تعديل:
الجو ربيع والدنيا ربيع قفلي على كل المواضيع ههههههههههه حنا البرد يقطع لاربيع لاوالو صح دخل الربيع كيفاش ماقاليش هههه
حدة تبارك الله عليك البراج مممممممممممممم احنا عادتنا براج ولا رفيس كان برجت ولارفست راني نصورلك
 
اووووووووووووو راكم عاطيينها للتحواس والشهيوات

مالغري الجو ماشي ربيعي 100/100;)


المهم احنا في بشار الاغلبية نديرو الرفيس وان شاء الله كي نديروه راني نصورهليكم تشوفو الرفيس نتاع بشار :-r
 
قال hadda0425:
انا جبتلكم البراج
سميد ملح سمن
غرس منقي ومعجون بقليل من السمن
انا عملت 4 كيلات من السميد بكيلة ونص سمن ذايب او حسب السميد تاعكم
نبلو السميد بالسمن نحطو الملح ونبلو بالما الدافئ بدون العجن ونعملو قرصات ونخليوه
حنا متعودين نعملو قرصة لبراج دائري لكن انا عملتها مستطيل بما انو كاين طابع البراج هاك كي نقصو ما ندروش الحاشيات بزاف اكتشاف خطير هههههه
نخليكم مع الصور

















بالنسبة للطياب تاعو باه يجيك حمر وما يتحرقش انا حطيت طجين الكسرة على الطابون وزت طاجين الحديد وطيبت هاك ما يتحرق ما يكون دخان
وربيعكم مربع
21-333.gif

21-333.gif
إضغط للتوسيع...
الله الله على دوك البراج من صابهم قدامي :dيعطيك الصحة يا الفحلة
 
آلسلآم عليكم

يعطيك الصحة ختيتي على هذآ الإفتتآح القيم

وإن شآء الله يكون تفآل

وبآلنسبة لي إنتظري مني التفآل إن شىء الله

تحية طيبة الى كل مآتقدمينه

وشهية طيبة

تحيآتي للجميع ~
​
 
الله الله على هداك البراج يا حدة يعطيك الصحة بارك الله فيك و جزاك خيرا​
 
امممممممممم يا حدة رديت لهيك وزدت هنا خرجولك فووووووووووور
يعطيك الصحة​
 
يعطيك الصحة حدة والله خرجلك هايل وعجبني الاختراع هههههههه القرصة مستطيلة والطابع راهم 2 مش اختراع واحد هههه
بصح والله عندك الحق خير من الحواشي انا كي نطيب ويبقاو الحواشي نطيبهم لاشتى شبه منحرف بصح مانصورهمش هههه
 
اممممممممممممم ياحديدة راكى شهيتينا ولبراج راهم ورعة يعطيك الصحة
وحنا نفس الشيئ يابراج ويا رفيس تونسي
وبالنسبة لطياب عمرى ما درت بصح خلى نستخبر من عند لميمة ونقولك
 
الله الله عليك حدة وهاديك المثقبة نتاع بروفسيونال
تسلم ايدك
والله الحد ان معلباليش واش رايحين نديرو مي نقرعج ونجي نعمرلكم لقرع
هههههههههه
 
اممممممممممممممممم يعطيك الصحة براج يسخفو حنا نديرو الرفيس واللبن
​
 
حدود حنا ماعدناش هاد العادة جامي سمعت بلي كاين اكلات معينة يندارو فالربيع
بصح عجبتني الفكرة والله عادة شابة
لبراج تاعك روووووعة يجي راجلي ونسييهم هنا عندنا غاليين انا نشريهم 1.50 اورو للمورصو ومرات 2 اورو قد 200 دج تاع لبلاد وغي مورصو
لكان فالدار 2 اورو تخرجلي 10 مورصو ولا اكثر
تقييييييييم+
​
 
موضوع مميز .


براج و عليه لكلام حدة .. بسم الله ما شاءالله
حنا معندنتاش حاجة بالضبط نعملوها في الربيع لاننا جابدين من ثلاث ولايات

بداية و طيلة الربيع واحنا نوعو.

845015831.jpg

​
 
يعطيك الصحة بارك الله فيك و جزاك خيرا​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

M
اشهر الاطباق التقليدية في البلدان العربية
المشاركات
8
المشاهدات
2K
شمس الاصيل2
ش
°
بعض الاكلات و الاطباق التقليدية في رمضان لدى الجزائريين
المشاركات
7
المشاهدات
3K
نور الرحمان
ن
العودة
Top Bottom