مشكلة الألقاب في الجزائر ===> حصريا لمنتدى اللمة

[Houda Chaouienne DZ]

وعليكم السلاام
اهلا سي فلان مولا لقشابه واش راك صافا ؟
**
نشفى على واحد كان يقرا معايا لقبو حاشاكم بيدون زبل
واسمو معمر هههههه ركبها تخرج انتيك وبابيش
كانا جايبينها بيها مي والله ماعندو عذر يبدلو ولايشوف صرفه لعمرو
يعطيك الصحه ع الموضوع

​

و الله يغيض مسكين
بصح ماقدرتش نحبس الضحك
اللهم لا شماتة
​

 

[السلطانة]

نرجع للرد على موضوعك
اها مشكلة الالقاب الجزائرية هي مشكلة عسيرة
اذا ان معظم الناس لقبوا القابا غريبة
هههه اسمحلي حطيت روحي في حصة تعبير كتابي

راك طرحت موضوع حساس
كيما قلت فرنسا ولحركيين سباب هاد النش كامل
كاين لقامي تحشم حتى تنطقهم
يديرو عقدة نفسية لمولاهم
كيفاه عبد هاز لقمة تاع حيوان ولا لقمة معندها حتى معنى
والمشكل كاين لي ميحبوش والديهم يبدلوهم
فتجي في ولادهم البخصة كاملة سيرتو في المدرسة ههه

كيما لقمة بيت بومبا
وبيت بجغو
وبيت كربط
وبيت قرد
وبيت قرزط

مزية منعنا سينون راني بدلتها ههه

هيا صحيت
تقبل مروري
​

 

[FØùfà Bïô]

والله غير عندك الحق ..

وهآذي غآية الـآستعمآر

مدآير آلقآب حيوآنآت و .....

يع‘ـــطيك الصصح‘ــه على الطرح
​

 

[M!ss_f@ti]

والله غير عندك الحق ,,,, لحكاية صعيبة وباش تبدل نقمتك صعيبة أكثر

يعني تبدل نقمتك ,, تبدل والديك وتبدل مواليك == تبدل أصلك :scared:

 

[Lacey Sturm]

صح هدا مشكل كبييير بزاف دارتو فرنسا الله لا تربحها هكا باه تخلي مخلفات الإستعمار بأي طريقة
يحكيولي كبار العايلة كيفاه كانو العسكر والحركة يجيو وينقمو لعباد ، مثلا الي يلقاوه قدام حاجة ينقموه عليها والي يلقاوه رافد حاجة ينقموه عليها والي يلقاوه في بلاصة ينقموه عليها
وكاين بروبلام واحد آخر تاع النقامي وهو كاين عايلة وحدا مي تلقا النقامي تاع ولادها مختلفة
كيما صرالنا حنا فالعايلة تاعي بيت جدي لكبير نقمتهم زي وبني عمو زي مالغري راهم من عايلة وحدا
يعني انا درك عندي بني عمي مي مش نفس النقمة للأسف

شكرا على الموضوع

 

[Lili Bent Dz]

و الله كاينة منها صح 100/100 في بلادنا مشكلة الالقاب و بزاف عقدوهم على جالت القابهم و لكن لازم يقولوا الحمد لله على كل شيء و ننصح اللي يتمسخرو بيهم غير يتقوا مولاهم و يستغفروا ربهم

شكرآآ

 

[MA§§!N!§§A]

موضوووع هاااايل وسيرتووووووو
الإسم تاعك
سي فلان مول الكوستيم
فووووووور

تقبل مروووري خويا من قالمة
​

 

[نجاة40]

كيما حب الحمص هاذي حبستلي راسي منين جابوها تحير
هاذا اللقب يعني حاجة ماتقدرش بكري تتحكم فيها مي ذرك تلقا حتى الاسامي خاطية خلاص ويسميوها لولادهم واكثرهم نتاع الريف
خالتي ساجفام مرة جاتهم وحدة قاتلها واش تحبي تسمي بنتك قاتلها انا كريستتينا ههههههه قاتلها خالتي ذرك نضربك نعورك واش انا كريستينا هاذي او وحدة سمات ولدها زمزم ولد خالتي بنتو سماها زغاية على اسم ناناه وخلي وخلي يعني رانا ف 2011 وتشوف لعجب
ربي يسترنا وتبقى خير الاسماء ماحمد وعبد بكري جاهلين مي ذرك الناس قارية ونهار الاخرة كل واحد يتحاسب على الاسم لي مدو لولدو ​

 

[zahya]

ايه المشكل هدا دارتو فرنسا باش تفرق شمل المجتمع الجزائري ..... صح كاين القاب لا معنى لها ..... مثل شحيمة .... لعمى ..... قرطوط..... تحوس على معنها في غوغل وما تلقاهش

 

[lamou]

شكرا على الموضوع والله عندك الحق ناس بزاف يحشموا بلقبهم

 

[مغرورة بأنوثـتي]

واش هاذ الغيبة عبدو
والله توحشنا مواضيعك

المهم
مشكل الالقاب هاذا راه دير التير
يعني ديفوا تسمع واحد الالقاب
تحل فمك وتقعد مشوكي

واش نقلك هادا من بين الحوايج اللي منقدروش نغيروهم
باسكو لازملهم بززززززززززاف
والحل الوحيد هو التعود ماشي التعقد


مشكوووور فريرو عالموضوع
سلاااااااااااااااااااااااااام

 

[_AissA]

مادرية السعيد
طلوشة عمار
ديمارور عبد الله
صارجور لمبارك
بالكو حيزية
صال دوبانة علي
دينامو الديقانجي ..............الخ

 

[AHLEM1992]

يا خويا واش راح تدير
الدزاير كان من الاحسن بعد الاستقلال تحصي هاد الالقاب و تسيي تبدلها لكن لا حياة لمن تنادي
و تان الاغلبية جوبونس مامبا ما علابالهمش بلي قادرين يبدلو القابهم
بارك الله فيك اخي
يعطيك الصحة + تقييم على الموضوع ( خير من مواضيع المنتدى كامل الي تحكي غير على سوجي تاع لبنات و الحب )
​

 

[ήaήa~:)]

صح عندك الحق و البروبلام ماشي الألقاب برك حتى بعض الأسموات راسك يحبس كي تسمعهم
الله غالب التخلف !! ​

 

[حفيد هواري بومدين]

شكرا خاوتي بارك الله فيكم ولي عودة ان شاء الله

 

[sarah_]

والله عندك الحق الناس رجعت تحشم بالقابها شكرا على الموضوع

 

[Moha le sage]

صحيت خويا عبدو ... موضوعك واقعي



نشفى كانو يقراو معايا في كلاصة وحدة ربع القاب هاذو


قتال .. ذباح ... كفان ... دفان

و ما نحكيلكش على الالقاب لخرى اللي العبد يحشم ينطقها

اصعب حاجة هي في البلايص اللي يعيطو فيهم بالالقاب .. زعما في البوسطا و لا بلايص خرين ... تلقى مول الgيشي يعيط على القاب و اللي يجيه تلقاه حاشم و مش قادر يهز راسو بهذاك اللقب ...

الخامج .. الهامل .. معفون .. الخ ...

انا نحشم في بلاصتهم ....




من باب الفكاهة فكرتني في الشلالي و بادي و قايمة الاسامي تاع الناس لي عطاوهم سكنى ...

راه يصب في نفس الموضوع .. اللي هي الالقاب اللي تبهدل



شاكين فيه الحواس

خادمتلو دايمن لخمسي

مريض من كتافو الجمعي

مال من عمرو الذوادي

تموت على لكروكي اسمهان

ينوض ويطيح مبارك

لا لحالة عليها جويدة

وين يروح الطافية خليفة

هكذا ولا كثر عفاف

جاتها في الراي زيلوخة

تسلك أُكل النوي

مضروبة بالفاس الدايخة

دوخ ام هاني

تنعس بَرْكاهم

موش قصدو اليمين

ماسي هكذا ساعد

ذاك اللي كان لهواوي

والفت الصوط سكينة

حيدو عليه رابح

طربg عليه الريش قدور

مساميه الزايدي



​

 

[حفيد هواري بومدين]

والله قتلتني ضحك اموح هههههههههههه​

 

[NICHA03]

والله غير صح
الواحد معقد من اللقب تاعواا و زيديواا الناس تاعنا لي تزيد تعقدوااااااا
انا يقراو معايا وحايد وحد الالقاب ديجا راك ذاكر نصهم تاع قالمة
مرسي على الموضوع​

 

[Moha le sage]

نجبيلك على اعضاء اللمة اعبدو ؟


مالقاش سباطو محمد

يروح و يجي عبدو ..

تصرفقها بكف فلانة

تعطيه بدماغ فلان

يحب القميان فلان

مهيش نورمال فلانة

جا ينوض طاح فلان

مخلوعة فلانة

مش مليح ليها الدخص فلانة

متعلمش الحروف فلان

كبو عليها طاس فلانة

حاط روحو واصل فلان

محروقة للصباح فلانة

مزلت انوش فلان

العبي مع نتاجك فلانة

كبير الذر فلان

مالعبتش في صغرها فلانة

شارشي فريكونص خرى فلان

كالمي اللعب فلانة

رقد بالوك فلان

سكت حسك فلانة

يكتم نفسك فلان




هههههههههههههه




انا تصلحلي هاذي


وجعتولي قلبي محمد




​