سلام الله على أحبتي الكرام وبعد :ندخل مباشرة في الموضوع وهو هذه السنة يتوافق عيد الاضحى مع الدخول المدرسي وهنا الاولياء راحين يلقاو مشكل العيد والمصاريف المدرسية وهنا تفكرت حادثة حدثت لصاحبي لي انتم تعرفوه هههه.. وهو في السنة ما بقبل الماضية رحت انا وهو وشرا كبش الله يبارك ب7ملاين باش يفرح لولاد وفي ويوم عرفة على الوحدة اتصل بيا وقالي محتاجك ضروري ورحت ليه ودخلني بيتو ولقيت الكبش نتاعو في أنفاسه الاخيرة وهنا تخلعت وقلتو واش صرالو؟فقالي لولاد نساو باب السكالي (الدروج) مفتوح وهو سمع صيحة كبش اخر وطلع مع السكالي وواحد ماشافو.ولما وصل للبالكو شاف نعجة في حوش واحد اخر يلا ويقفز وجا في لرض ..وسمعو الخبطة وخرجو مفزوعين لقاو كبشهم بين الموت ولحياة..فحب يشاورني هل يجوز يضحي بيه ولالا هههه فقتلو هذا إذا عاشلك للعيد.فقالي والله غي صح مضنيتش يصبح ههه ولقيت زوجتو دارتلو الحنة وهو في هذيك الحالة وقالت هذي بركة ليه .وبنتو الصغيرة غضبت وحلفت متلبسش حوايج العيد... ايا واحنا في هذيك الحالة جا بنو زاكي وصور الكبش في هذيك الحالة وراح فانتبهت انا وقتلو:قلي :بنك مصورش الكبش قبل الانتحار ؟؟؟هههه قالي ايه صورو وتصور معاه .قتلو متقليش انو وضع الصورة ع الفيسبوك؟ ههه يلا ويتخطف الرجل وراح يجري جاب بنو وجا وقالو حطيت صورة الكبش في الفيسبوك ولالا .فقالو ايه..ويحكمو بطرحة هههه حتى دخلت بناتهم ههه وبنو تخبا بحدايا وهو يقولو: نعتلي نشوف واش صورت؟ ونعتلو الصفحة نتاعو ... والكبش مزينها في كل مكان هههه اما صحابو لي عبرو ب jaime فبلا حساب ههههه فقتلو خلاص الكبش نتاعك هرداتو عيون الفيسبوك...وزعف بزاف وقالي:العين هذي لحقت حتى لكباش العيد؟قتلو يضهرلي هكا..وملقا واش يعمل.وقالي خايف نجيبلو بيطري يذبحو قدامي.فقتلو النعجة لي شافها نتاعمن؟قالي نتاع خويا. قتلو روح جيبها واربطها قدامو بلاك يشد في روحو شوي حتى للصباح..فقالي :يعطيك الصحة انت صاحبي صح وبعث مرتو تكلم مرت خوه وتشرحلها القضية خاطر هو حشم يقلو هههه فقتلو انا لاز نروح نشوف نتاعي وبصراحة راني خايف عليه ههههه ايا روحت بسرعة البرق ودخلت نجري نطل على الكبش نتاعي.فقالتلي الزوجة نتاعي:واش كاين؟فحكيتلها على كبش صاحبي.في الاول ضحكت وقلتلي:ولكباش تاني ينتاحرو علجال النعاج ههههه ؟قلتها: هذا الواقع لي وصلنا ليه ههه
ومبعد فاقت وقاتلي هذي عيون الناس واش مخبي وراها.وفي هذي اللحظة صونا الجرس نتاع داري وخرجت ولقيت جاري.مباشرة قالي واش شريت؟وانا خدمتلي هههه فقتلو خروفة صغيرة برك.ايا ولمبرح يصيح من الدار بع ع ع ع ع ههه وفاق سي خنونا وقالي هذا مهوش صوت خروفة ميكون غي كبش .فقتلو:ياك انتا خبير اصوات الحيونات تميز بين النثا والذكر من خلال الصوت .واش تبغي دكا؟قالي: خليني نشوفو باش نشري كيفو..قتلو منيش فاتح سوق لكباش باش تشوف واش عندي.. ودخلت لداري وسمعت لمرا وقاتلي لوكان يشوفو يشوفني انا هههه قلتلها متتحيريش دكا تجي مرتو تشوفو دراع عليك ومرتو صحبة مرتي هههه وتتختطف لمرا وقاتلي درك توصلني لعند ختي وكي تجي قوللها واحد مكان في الدار وبعد المغرب ارواح جيبني نروح
هيا وانا قاعد وحدي في الدار والباب صونا .فقلت :هذي متكو غي مرت جاري منرد عليها منفتح باب.ومبعد صونالي البورطابل.ولقيتو صحابي ورديت عليه.. وقالي: وين راك؟قتلو في الدار.قالي:وعلاش مفتحتش عليا هههه.. قتلو هذا انت لي تصوني ههه وفتحت عليه الباب ودخل مزعف وقالي جيت نفرغ قلبي.قتلو مات الكبش؟قالي مزال,بصح مرت خويا محبتش تمدنا النعجة نتاعهم تبات عندنا. وقالت لمرتي:وانا ولادي باش يلعبو؟؟؟ روحي انتي وجيبي الكبش نتاعكم هنا ههه قالي ونخرج ليها بهذيك الهدرة الزينة هههه فقلتها :نخليه يموت ولا مزيتكم ياك راجلك كلحوه الناس وباعلو نعجة مهبولة هههه قتلو وانتي وين عرفت بلي مهبولة؟ههه قالي:كلات الورد نتاع لبلاستيك كان معلق باش يشيح خاطر غسلوه حسباتو ورد حقيقي ههههه ومن وكتا حنا نزينو بيوتنا بورد حقيقي هههه ههه و قلت نسكت من الضحك ههههه حتى وجعني راسي.فقالي منقدرش ندي الكبش نتاك يبات معاه؟هههه قتلو مينفعش هههه ياك هو رما روحو من البالكو علجال نعجة مشي كبش ههههه قلي:والله غي صح...قتلو:واش كتب بنك تحت الصورة تاع الكبش ؟قالي:راهي يقول:اشري كبش كيما هذا ولا متعيدش ههههوقالي: والصورة الثانية نتا ع الكبش وهو مرمي في لرض كتب تحتها يا وعاند متحسدش ههههه
وقلنا نسكتو من الضحك بأنا بهو . في الاخير ذبحو قبل المغرب وعلقو الصباح مكرة في الحساد هههه
الاهم احبتي الكرام:هل العين وصلت لكباش العيد؟ولا الفيس بوك ضهر حاسد جديد؟
ومبعد فاقت وقاتلي هذي عيون الناس واش مخبي وراها.وفي هذي اللحظة صونا الجرس نتاع داري وخرجت ولقيت جاري.مباشرة قالي واش شريت؟وانا خدمتلي هههه فقتلو خروفة صغيرة برك.ايا ولمبرح يصيح من الدار بع ع ع ع ع ههه وفاق سي خنونا وقالي هذا مهوش صوت خروفة ميكون غي كبش .فقتلو:ياك انتا خبير اصوات الحيونات تميز بين النثا والذكر من خلال الصوت .واش تبغي دكا؟قالي: خليني نشوفو باش نشري كيفو..قتلو منيش فاتح سوق لكباش باش تشوف واش عندي.. ودخلت لداري وسمعت لمرا وقاتلي لوكان يشوفو يشوفني انا هههه قلتلها متتحيريش دكا تجي مرتو تشوفو دراع عليك ومرتو صحبة مرتي هههه وتتختطف لمرا وقاتلي درك توصلني لعند ختي وكي تجي قوللها واحد مكان في الدار وبعد المغرب ارواح جيبني نروح
هيا وانا قاعد وحدي في الدار والباب صونا .فقلت :هذي متكو غي مرت جاري منرد عليها منفتح باب.ومبعد صونالي البورطابل.ولقيتو صحابي ورديت عليه.. وقالي: وين راك؟قتلو في الدار.قالي:وعلاش مفتحتش عليا هههه.. قتلو هذا انت لي تصوني ههه وفتحت عليه الباب ودخل مزعف وقالي جيت نفرغ قلبي.قتلو مات الكبش؟قالي مزال,بصح مرت خويا محبتش تمدنا النعجة نتاعهم تبات عندنا. وقالت لمرتي:وانا ولادي باش يلعبو؟؟؟ روحي انتي وجيبي الكبش نتاعكم هنا ههه قالي ونخرج ليها بهذيك الهدرة الزينة هههه فقلتها :نخليه يموت ولا مزيتكم ياك راجلك كلحوه الناس وباعلو نعجة مهبولة هههه قتلو وانتي وين عرفت بلي مهبولة؟ههه قالي:كلات الورد نتاع لبلاستيك كان معلق باش يشيح خاطر غسلوه حسباتو ورد حقيقي ههههه ومن وكتا حنا نزينو بيوتنا بورد حقيقي هههه ههه و قلت نسكت من الضحك ههههه حتى وجعني راسي.فقالي منقدرش ندي الكبش نتاك يبات معاه؟هههه قتلو مينفعش هههه ياك هو رما روحو من البالكو علجال نعجة مشي كبش ههههه قلي:والله غي صح...قتلو:واش كتب بنك تحت الصورة تاع الكبش ؟قالي:راهي يقول:اشري كبش كيما هذا ولا متعيدش ههههوقالي: والصورة الثانية نتا ع الكبش وهو مرمي في لرض كتب تحتها يا وعاند متحسدش ههههه
وقلنا نسكتو من الضحك بأنا بهو . في الاخير ذبحو قبل المغرب وعلقو الصباح مكرة في الحساد هههه
الاهم احبتي الكرام:هل العين وصلت لكباش العيد؟ولا الفيس بوك ضهر حاسد جديد؟
