بسم الله الرحمن الرحيم
اتيت لكم ببعض البوقالات و اتمنى ان تنال اعجابكم(اقد وانوي واختاروا من 1ال10 )
1_رحت للجنان و غرست وردة مسكية واش نعطو للمريض خوخة ولا رمانةةواش نعطو للعشيق وردة ولا سيسانةة يحن الحنين و يفرج مولانا سبع تفاحات في راسهم بلبل في السماء و كل بلبل في السماء يولول وكل ما نطلب من ربي اكمل .
2_بدر البدور في وسط البحوري شافها السلطان قال نشريها شافها الوزير قال نديها شافها الحبيب قال نحبها ونموت عليها.
3_هبطت لقاع البحر جاتلي موجة تجري قالت لي روحي يا خليلة راهي شمعتك مضوية و قضيتك مقضية.
4_كنت ليكم وماني ليكم كنت نجيكم تفرشولي فرشات مطوية و مخفية وليت نجيكم والعين محطوطة علي.
5_كاس حليب وكاس خمر والله ما ننساك طول لعمر.
6_قالوا خليلي مريض ومريض بالوسواس ركبت على بغيلتي نجيب له الدواء من الفاس حيث الي باب النحاس صبت البكاء و الناس فتت ذاك الدواء وهرست ذاك الكاس و بركة يا عوينتي ما تبكي على ولد الناس.
7_هو خاتم الذهب وانت وردة عكرية الي عندو يتقدملك والي ماعندوش يقطع اللياس.
8_كنت منكم و اليكم ضحيت براني .كنت في الصف الاول صرت في الصف الثاني و اليوم يا عدياني قولوا للسلطان لا ذل ما نحمله و العز رباني .
9_ انت في الطريق وانا في الطريق .طريقان طويلة واذا كتب ربي تلاقينا واحد ما يفرق فينا غير الموت اليتدينا.
10_عشاق التاقة ما يتلاق.
وهذه بوقالة اهديها لكم(يا الحنة يا لحنينة نحطك في وسط مدينة الناس يجيبوك بالزرنة والطبول وانا نجيبك بالسعد والقبول بين راجل من الرجال في دار من الديور)
