يالحباب عاونوني ربي يرضى عليكم

I

Im here for ever

:: عضو مُتميز ::
إنضم
24 أفريل 2008
المشاركات
945
نقاط التفاعل
0
النقاط
36
سلام عليكم واش راكم ca va intique
ندخل ديراكت ف sujet على خاطراش j pas le temps
المهم انا راني في حيرة ومابقاليش بزاف ونهبل بعيد الشر عليا وعلابالي بلي نلقاكم نتوما وتخمو معايا
انا هاد العام جبت الباك والحمد لله و انا ملي كنت صغيرة وانا نحلم نولي ingenieur في كاش حاجة المهم ingenieur اومبعد وليت نحب architecture
alors ديت الباك ديالي ب 13.81والمعدل الادني لي قبلوهم ف architecture بعد الحساب تع المقاعد دارو المعدل 13.82 انا فهمت بلي ربي ماكتبهاليش وبعتوني للاختيار السابع ديالي وهو المدرسة الوطنية العليا لعلوم البحر وتهيئة الساحل وصح كيما كنت حابة يخرجو منها des ingenieurs دورك راني خايفة نقعد نقراها ونبقى نخمم ف architecture وزيد قالولي لوكان ديري دورك ترونسفار يقبلوك انا خفت ندير ترونسفار نندم على خاطراش architecture ولات systeme lmd
راني تالفة قع دبروا عليا واش ندير ربي يجازيكم
 
تكلي علا ربي ومتكثريش التخمام
ولي فيها لخير ربي يجيبهاك
 
عليك بصلاة الاستخارة اختي
 
و الله حبيت نعاونك
بصح نحكيلك وش صرالي
أنا واحد من الناس كنت نحب Génie civil
صرالي مشكل و الله غالب جيت روتار بزاف مدرتهاش
و رحت لل Génie industriel
وتخرجت و الحمد لله
و لحد الان نحب Génie civil
و محبستش من التخمام فيها
و مزلت حاب نروح ليها
سمى نقلك اذا كان ممكن تخير archi
أنا نشجعك
ادرس في الحاجة اللي تحبها مش اللي مدوهالك هوما
و ربي يكون في العون​
 
مكاين ولوا توكل على ربي هذا مكان متزيديش التخمام والتوسواس الراس
​
 
انت واش خسرتي ديري ترونسفار مدوهالك الله يبارك اقرايها ومبروك عليك
ممدوهالكش اقنعي وخلاص
ربي يجيب الي فيه الخير
 
اللي فيها خير ربي يجيبهالك
فكري مليح وشوفي اللي توالمك ديريهاوخلاص
ربي معاك
 
السلام عليكم
شكراا لك و بارك الله فيك
 
قال mir@cle:
دقيقة برك من وقتك ...ممكن تقوليلي المشكل اللي شفتيه فالأل أم دي ؟؟؟​
إضغط للتوسيع...
المشكل ف lmd هو 3 سنين وماتخرجش ingenieur لازم تكمل ماستر دكتورا وباش تدخل لازملك no synthese ولا دخلتهم مي ماشي بزاف نتا وزهرك حب يقول وla priorité في الخدمة للكلاسيك ماشي lmd
والمدرسة العليا لعلوم البحر وتهيئة الساحل مور 5سنين تولي ingenieur وادا حب ربي تكمل ماستر ودكتورا
يعطيكم الصحة اخوتي
 
السلام عليكم اختي توكلي على ربي و صل صلاة الاستخارة و اللي فيها الخير يجيبها ربي مي واش انقلك في الجزائر بلا معريفة القراية كامل كيف كيف
 
قال Im here for ever:
المشكل ف lmd هو 3 سنين وماتخرجش ingenieur لازم تكمل ماستر دكتورا وباش تدخل لازملك no synthese ولا دخلتهم مي ماشي بزاف نتا وزهرك حب يقول وla priorité في الخدمة للكلاسيك ماشي lmd
والمدرسة العليا لعلوم البحر وتهيئة الساحل مور 5سنين تولي ingenieur وادا حب ربي تكمل ماستر ودكتورا
يعطيكم الصحة اخوتي
إضغط للتوسيع...

اللي راكي كاتبهم بالأحمر غالطة فيهم... باش تفوتي للماستر والدكتوراه لازم يكون عندك كريدي كافي بغض النضر على سانتاز ..ومكانش فالال ام دي اصلا سانتاز ..كاين راتراباج ...والدخول ليهم مش "انت وزهرك" لابالعكس عندك حظ وفير باش تدخلي .. والـ priorité فالخدمة مش لنضام الكلاسيكي..بالعكس النضام القديم راح يختفي وينقص الطلب عليه .. والخطأ الأخير اللي قلتيه ..بعد الانجنيورا كاين ماجستير مش ماستر

انت لازمك تقراي مليح على النضام الجديد...انا نضام قديم بالصح نصيحتي أذا كان عندك الاختيار بين نضام جديد في اختصاص ماتحبيهش او ليسانس في اختصاص تحبيه أختاري الاختيار الثاني ومبعد كملي ماستر ودكتوراه ان شاء الله

​
 
اقراي الحاجة اللي حابتها انتي

ما تخميش بزاف وشوفي وش يخرج عليك وديريه
 
ختي راني كيف كيف انا جبت 13.14
كنت حاب فارماسي ههههههه
وين راه وانا وين راني
وقاسوني هندسكة ميكانيكة وانتاجية لوكان درتيها ماشي خير
المهم هادا هو المكتوب
واذا تغبنتي عاودي الباك
بصاح عندي ما تبلوكيش العام
اخاطرش ممكن تعجبك القراية
واللي كتبهالك ربي هيا اللي تجيك ​
 
أنا هنا وتغيبلك في حل ......أوااه
كاين حل وادا ما عجبكش نعطيك الدوزيام حل
احل هو ديري ترونسفير لتبسة عندنا هنا l'architecure كلاسيك هنا
وما يخص أختي والو انشالله مادام أنا هنا
مرحبا بيك وربي ينجحك
وإدا ما عجبكش الحل اتصلي بيا نبدلك
​
 
ختي صلي صلاة الاستخارة و ربي يكون معاك
 
ختي روحي واش تحبي انتي هكدا خطرة خرا متندميش وربي يكون معاك
​
 
السلام عليكم عزيزتي أنا ننصحك أدرسي الحاجة لي تحبيها خاصة فالجامعة حاولي ديري ترونسفار.بقات أل أم دي مليح أنا درست فيه وتخرجت العام لي فات وراني ثانية ماستر لي عليك هو تقراي والقدام.ربي يوفقك ويعينك علي فيها الخير .دمتم
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top