les wesh wesh في الجزائر ....!!!!

السلام عليكم و رحمة الله ..
..
..
..
..
wesh poto , b1 ou b1 ??
اليوم الموضوع على الجملة الاولى الي كتبتها :shiny: كاين الي فهمها و كاين الي نص
و كاين الي راه يقول واش راهي تخرف علينا هادي
لاعلينا wesh معناها bnjour ولا slt
poto =ami
الباقي راهم مفهوم
( واش شريكي ، راك بيان ولا كيفاش ) ترجمة للدارجة :sheer:
يعني اليوم حبيت نهدر على les wesh wesh هنا في البلاد
الاغلبية ماعلابالهمش بهد الناس شكون هما
كيما في الماريكان عندهم الايمو في فرنسا عندهم les wesh wesh
و هما المهاجرين الافارقة و المغاربة origine pétrole gaz هكدا يسموهم
نقدرو نعرفوهم من:
*-* طريقة هدرتهم ( لهجة مغاربية مع الفرنسية + مصطلحات جديدة كامل ،نسمعوها بزااف في الراب الفرنسي للي موالف يسمع راه علابالو هه )
*-* قصات شعر مميزة يكون قصير على الجوانب و طويل في الوسط باه يديرولو زيت تاع الموتور :scared: في بلاصة الجآل
*-* ستيل تاع لبسة سبيسيال قريب لستيل تاع الهيب الهوب و les rapeurs

*- casquette يديروها بالعكس ولا مايلة شوي للجنب و تكون ( a carreaux ) مارك لاكوست ( باه تبان vrai wesh wesh )
*- des baskets ولا Requin de Nike // adidas // puma
*- السروال جين لازم يكون مقطع مع t-shirt مارك nike و فاست tacchini
( يلبسو غير لامارك المليحة ههه )
يلبس هكدا ادا ما يلبسش البسة رياضية و لازم تكون هكدا كيما في الصورة
ماعرفتش نشرح ( الشخص الي على اليسار )








حتى الغنا الي يسمعوه وحدو الي يحكي على مشاكل المهاجرين تما
و يكون من نوع الراب

طبعا كاين لبنات تاني عندهم هداك الستيل


هاد الظاهرة عندها اعوام من الي دخلت فرنسا

طبعا موضوعي اليوم ماشي باه نهدر عليهم هما مي علاه هادي الظاهرة راهي بزاف في الدزاير
جوبونس من اللبسة راكم عرفتو علاه ليجان و لبنات راهم يلبسو هكداك
مالغري هما تما يسموهم les racailles
مانيش عارفة علاش مي جامي لقيت موضوع يتحدث عليهم هنا
و يهدرو غير على الايمو الي راهم قلال مقارنة بيهم
.
.
.
.
مالا حبيتكم تجاوبوني على هاد الاسئلة
- كنتو تعرفو اسم هدو الناس من قبل ولا هادي اول مرة ؟
- في رايكم هل المغتربين الجزايريين عندهم تأثير باه ولا المجتمع تاعنا يشبهلهم ؟
( وليد خالي جا لينا العام هدا لابس هكدا و الله حتى انا نولي كيما هو )
عقليتنا هكدا

.
.

ان شاء الله يكون الموضوع واضح و ادا مافهمتوهش مليح الصور راه تحكي وحدها
مالا ننتظر تعليقاتكم و مناقاشاتكم​

...سلآم عليكم​

صدقيني فهمت شوي ودخت شوي
خلي كي نكون فاطن مليح ولاباس في راسي نجي نكمل هههههه
شكرا لك
​

les wesh wesh
هههه و الله حتى اليوم باش عرفت هاد الكلمة
****
وي بيان سور المغتربين الجزائريين عندهم تاثير كبير باش ولا محتمعنا يشبهلهم
و كما يقال
من علشر قوما 40 يوما فاصبح منهم
دونك هما يدو عادتهم و كيجو الجزائر مجتمعنا يقلدهم و هي رايحة
و مننساوش البرامج اللي راهي جوز في التلفزة الغربية
عندها اثر كبير في غسل مخ الانسان
يعني يولي يقلدهم تقليدا اعمى
لذا رانا نشوفو هاد الضاهرة منتشرة في المغرب العرب كامل مش في الجزائر برك
مشكورة اختي احلام
تقبلي مروري البسيط​

يعطيك الصحة احلام موضوع فور يا poto
وثاني les wesh wesh اول مرة نعرفها
ايه حاجة باينة عندهم تاثير سيتو المجتمع تاعنا نوعا ما ضعيف الشخصية
يقلك نلبس هكا ندير هكا باه نبان فرنسيسي وكل واحد وتفكيرو
كاين الي تاثر فيه الثقافة الغربية بصح ثقافة اللبسة والتقليد الاعمى برك
ومرسي على الموضوع والمعلومات​

شكرا على الاعتماد ..​

معليش فهمت شوي خير من والو
مالا بانتظارك حتى تفطن هه​

هديك هي لامود تاعهم و الشي الي يميزهم على باقي الناس
بارك الله فيك اخي على المرور ..​

ان شاء الله تكوني فهمتي الموضوع باسكو هدا الاقلية هي فئة المهاجرين
مادايرينلهم حتى قيمة لتما ( معظمهم سراقين مغلطوش كي سماوهم des racailles
اضافة الى المغتربين كاين تاني الراب و تقليد المغنيين تاع هداك النوع
يعطيك الصحة على المرور​

حتى حنا الستيل الي يجي يدينا الريح تاعو
البس و خلاص ليسونسيال تبان star​

رانا غير نزيدو نتحررو
ربي يجيب الخير برك​

je kiffe tro tn com poto
mrc
​

أول مرة نسمع بالاسم هذا
مغسي اختي عالموضوع
ونشفى جارنا حب يولّي هك
جا ليه باباه غدرو برة بسانتيغ
في يدو طلعلو السروال ودارلو
السانتيغ باش ما يطيحش وقالّو
هكذا يلبسو الرجال السروال
وخلاه مشوكي بهدل بيه قدام
صحابو ويستاهل على فكرة
مغسي وسلامو
​

les wech wech
والله ليوم وين سمعت بالاسم هدا
مي كاين بزاف عندنا لي يلبسو هيب هوب
والله راهي غير تخلاط سروال طايح ومقطع ههههههه
يخي هبال يخي
ربي يهدينا
مرسي على الموضوع ​