منتدى اللمة الجزائرية - تعرف على الجزائر من أهلها  
ناس ملاح
العودة   منتدى اللمة الجزائرية - تعرف على الجزائر من أهلها > الأقسـام العامـة > منتدى واش راك تهدر

الملاحظات

منتدى واش راك تهدر هنا نتكلم على مانصادفه في حياتنا اليومية والمعيشية .
[ تطرح المواضيع باللهجة الـعاميـة فقط ]

مطعم القيد أو شهاب...خضار وادي الذئاب...جزار الاسقلال...بففف ثقافة الشعارات تاعنا


إضافة ردإضافة رد جديد
 
LinkBack أدوات الموضوع طريقة عرض الموضوع
  #1   
قديم 27-12-2011, 20:11
الصورة الرمزية لاجودان شاف
:: عضو شرفي ::
لاجودان شاف متواجد حالياً  
مطعم العقيد أو شهاب...خضار وادي الذئاب...جزار الاسقلال...بففف ثقافة الشعارات تاعنا


السلام عليكم ورحمة الله وبركاته
أهلا بجمييييييع ناس اللمة الملاح وان شاء الله راكم ملاح
وأتونسيو راهي جات الشتا ولرياح وكيما قالو ناس بكري بدل لمراح تستراح :re_gards:
اليوم حبيت نحكيلكم على واحد القضية ديما نلاحظها ونقول نهدر عليها مي ما ولاتش برك
- وما تخافوش مش على الانوثة بيسك الانوثة مازلت حالتها مستقرة في الكوما -
روماركيت بلي ثقافة الشعارات عند التجار تاعنا والحوانت ضعيفة خلاص
والعجيب تلقا شعارت معندها حتى علاقة بوش راهو يبيع
ولي يزيد يبولكيلك المخ نيشان قالش جماعة الغرب -تحية كبيرة-

الجماعة التي تهرب غير لشعااارات السينيماcared: والتلفزيونcared: والفنانينcared:
والله تحير
والله يا خوتي مانزيد عليكم كلمة هنا في باتنة كاين وحد المطعم سماه مولاه
مطعم باب الحارة .....والله دوخة صح
كي تشوفو من برا مداير p انوات كبار بزاف وحمر
وكاتب فيهم مطعم باب الحارة في النص
وعلى لادروات مطيش تصورة أبو شهاب هاذاك خاطف فيها عمامة وش نقولك
ومشنف تقول راح يهجملو على الريسطورو تاعو جماعة الحارة لخرا
وعلى لاgوش مطيش تصوويرة تاع واحد ثاني موسطاش
حق الله تشوف لي موسطاش تاعو دوووووخ وتعاف حتى الماء

يعني حبيت نفهم برك زعما هذا كي يسمي المطعم هكا ويدير هاذ الوجوه
راح يكثرو علي لي كليون ويخدم مليح
وووزيد وش دخل باب الحارة وابو شهاب وابضاي .في عدس ولوبيا وكمونية
وهومبورغار مدوبلي فرماج ناقص مايوناز ......والله تحير
نزيد نحبسلكم راسكم ...والله قدامي خضار مادير لافتة
خضر وفواكة عند باباي - باباي ممعناها واحد سمر في لهجة اقليم باتنة -
ومطيش لافوطو تاع هذاك البطل تاع مسلسل وادي الذئاب
انا عييت نفهم وش دخل واد الذئاب والترك والموصاد
في البطاطا والطماطم والكيلو بالف وربطة معدنوس

كاين عندنا ثاني مطعم في باتنة تاع مرا سماتو مطعم فتافيت
مافهمتش انا وش تقصد زعما تعرف طيب كيما فتافيتcared: ولا عقلية فتافيتcared:
والله دوخ
وبلا ما نحيكو على هاذوك الناس النية
تاع جزار الاستقلال ...cared:....وش دخل اللحم والمرقاز في 1 نوفمبر ..
او حفاف البركة cared:....يعني كيفاه كي نحفف عندك طيح عليا البركة
ويوليو عندي بزاف صوارد ..........دووووخة كبيرة

وكاين وكاين وكاين
ونتوما أكيد راكم شايفين شعرات كيما هاذو في ولاياتكم زيديو احكيولنا عليهم

رومارك مروماركية بالماركور:o_o::
لفظة - أبضاي - مانيش غالط فيها راهي تنطق هكذا
قالهالي واحد سوري كي كان يركب في لومبا وكنتا حاكم بيه السلوم
وهي اصلها - قبضاي - يعني جاية من القبضة -الدبزة-
نحلف بري مكانش جزايري يعرف ها المعلومة هههههههههه
وشكرا


جميع الحقوق محفوظة لدى لاجودان شاف ما قرا ما شاف



التعديل الأخير تم بواسطة لاجودان شاف ; 27-12-2011 الساعة 20:32 سبب آخر: خطأ في العنوان
رد مع اقتباسإقتباس
قديم 27-12-2011, 20:33   #2   
:: عضو متميز ::
الصورة الرمزية adel-mz
adel-mz غير متواجد حالياً
افتراضي



السلام عليكم
ههههه معندكمش برازار حلاق مهند او حلاقة لاميس هههههه ياراجل خلات وجياحت الامة ربي يستر
كل واحد يسمي كيما يبغي المهم ياتيري زعمة الغاشي .رانا عايشين بالهف
يعطيك الصحة يالشاف

بيناتنا والله مانبيع زعمة متعطيناش بارمسيون يالشاف هاو الكاشي عندك ههههههههه



  رد مع اقتباسإقتباس
قديم 27-12-2011, 20:34   #3   
:: عضو شرفي ::
الصورة الرمزية الإفتراضية
إنسانة ما غير متواجد حالياً
افتراضي


وعليكم السلام ورحمة الله
صح كاين منها
هنا عندنا واحد فاتح محل فاست فود كاتب عليه: دجاج بلندي .. زعما هو بارع في الدجاج
هذا من باب لفت الإنتباه فقط.
أنا خويا مرة فتح مطعم سماه مطعم أم القرى :cra_zy: وش دخل مكة في الماكلة الله أعلم
+
شكرًا على المعلومة الخاصة بالقبضاي
+
الحمد لله لي الأنوثة مازالت مستقرة
+
رومارك: الإستقلال 5 جويلية مش 1 نوفمبر



التعديل الأخير تم بواسطة إنسانة ما ; 27-12-2011 الساعة 20:40
  رد مع اقتباسإقتباس
قديم 27-12-2011, 20:38   #4   
:: عضو شرفي ::
الصورة الرمزية بيّاع الورد
بيّاع الورد غير متواجد حالياً
افتراضي


اهلا حضارات

هههههههههه ما تتخلعش راهي مودة كباقي المودات اللي اعتدنا عليها

ربي يعطينا العقل

الف ششكر


صعبْ كتيرْ تحبْ حدَن مَ إلَكْ حقْ تحبّو !
بيّآع الورد
  رد مع اقتباسإقتباس
قديم 27-12-2011, 20:41   #5   
:: عضو متميز ::
الصورة الرمزية الإفتراضية
جمــآنــة غير متواجد حالياً
افتراضي


هههههه ،،

والله صح تحييييييييييييير فيييهم 0_o

انــآ شففت وحد البازآآر مساميينو بـآزار دبي هههههه يعني وش دخل دبي في بـآزآآر تاع الحـآجة بألفييين تدووخ صح ،،

عجبتني الرومارك بالماركور هاذيك الاخيرة هههههه ....


بدأ الإسلام غريبًا، وسيعود غريبًا كما بدأ، فَطُوبي للغرباء


اللهمّ صَــلّ وسلّــم وبَــارك عَلَــى سيّدنَـــا محمّــد ^^

  رد مع اقتباسإقتباس
قديم 27-12-2011, 20:41   #6   
:: عضوية محظورة ::
الصورة الرمزية الإفتراضية
ღحنين الروحღ غير متواجد حالياً
افتراضي


السلام عليك ورحمة الله وبركاته
كلامك صحيح يا اخي
وشعبنا الجزائري -فتيات وشباب-لم يتاثروا بالاسماء فقط او بالمطاعم بل تاثروا ايضا بطريقة اللباس والكلام
واسماء البلوتوث واسماء المواليد الجدد
كل ما يطلع فيلم جديد واسم بطل جديد لازم يسموا على اسمه
طلعت نور ومهند سمو كيفهم
طلعت سمر سماو عليها..
طلع ادم سماو عليهم...
ممممممممممممم يقولوا ثقافة ولكن الثقافة لا تقتصر على التقليد للاشياء التافهة
انا عن نفسي لحد الان ماشفتش شعارات واسماء مطاعم مثل الي انت حكيت عليهم
انا الي شفتوا
اسماء البلوتوث
اسماء الفايس بوك اسماء المسن ...........وكل ماتعلق بالنات
اللباس واكثر شئ اللباس*ركز على الكتابة الي باللون الاحمر لانها لا فتة وتخرب العقل ............الله يهدينا كامل*
عقلية الجزائري قلد الي قبيح وماتقلدش الي فيه الفايدة
هاكذا حنايا واكيد احنا عارفين هذا الشئ مي واحد ماقال اواه نبرز شخصيتي وبعدين نقلد الي يفيدني

اما
- أبضاي -
فهي تعني شهم وقوي وراجل بمعنى الكلمة
وكثير ما سمعتها
شكرا لك على الموضوع
الاكثر من رائع
تقبل ردي
دمت بالف خير


  رد مع اقتباسإقتباس
قديم 27-12-2011, 20:45   #7   
:: عضو متميز ::
الصورة الرمزية الإفتراضية
كلي امال غير متواجد حالياً
افتراضي


كاين بيزيريا في و لايتنا اسمها : دقت ساعة الاكل الى الامام الى الامام كي قاتلي عليها اختي مت بالضحك و حرت في ناسنا الهوا اللي جا يديهم


  رد مع اقتباسإقتباس
قديم 27-12-2011, 20:46   #8   
:: عضو شرفي ::
الصورة الرمزية الإفتراضية
ماكانش غير متواجد حالياً
افتراضي


أهلا بيك يا الشيخ
واش راح يسمسه يا الشيخ مطعم علي لابوانت، ولا مطعم الشلعلع ...
ولا يقتلونا بمطعم الأوراس ههههههه




قاتلي واحد لمرا نتا الزين فخاوتك


  رد مع اقتباسإقتباس
قديم 27-12-2011, 21:13   #9   
:: عضو متألق ::
الصورة الرمزية الإفتراضية
إيمان قلب غير متواجد حالياً
افتراضي


السلام عليكم
الحمد لله كي راهي الانوثة حالتها مستقرة فرحنا نهار تخرج من الكوما ولا اخلعنا نهار تتدهور الحالة
الوغ ماجاتنيش بيزار هاذ العفسة , كون لاوقفت على ابوشهاب وباب الحارة
كاينة واحد المخبزة في ولايتنا , سموها مخبزة عبد القادر كايتا ... " نورمالمو تعرفو ؟؟؟"وجيت راح نكتب عليها بالصح ماوالاتش كيما قلت انت ايا معليه راك كتبت انت , واش تحب ياك احنا قاعدين غي نطبعو منعرف شاراح يضيف اسم ابوشهاب ولا باب الحارة على الماكلة ولا الحفافة ولا القهوة
هيا خلطها تصفى , يعطيك الصحة خويا لاجودان على الموضوع الهايل +


أمم لا تعرف تاريخها , لاتحسن صياغة مستقبلها
  رد مع اقتباسإقتباس
قديم 27-12-2011, 21:19   #10   
:: عضو فعال ::
الصورة الرمزية الإفتراضية
نجاة40 غير متواجد حالياً
افتراضي


حنا عندنا كفيتيريا زنقة زنقة
ومقهي ام درمان وبزاف بزاف كيما قلت انت


  رد مع اقتباسإقتباس
إضافة ردإضافة رد جديد

العلامات المرجعية

مطعم القيد أو شهاب...خضار وادي الذئاب...جزار الاسقلال...بففف ثقافة الشعارات تاعنا


أدوات الموضوع
طريقة عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 


الساعة معتمدة بتوقيت جرينتش +1 . الساعة الآن : 03:45.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.8.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->