اهلا وسهلا ومرحبا بكل رواد منتدى اللمة الجزائرية
وخاصة خاصة والجي منتدى واش راك تهدر
جيناكم اليوم بفكرة جديدة ،، حلوة ،، وفيها الفايدة
تبعونا دوك تفهمو :d ...
طبعا في حياتنا المليانة مستجدات .. وكل ما نلقاوه في جعبتها من قصص ذات عبر
لازم كل عاقل يتوقف عندها ،، ويتمعن فيها مليح ،، باش يستخرج منها الدروس والحكم
ربي سبحانو يقول 'إنّ الله لا يغير ما بقوم حتى يغيروا ما بأنفسهم'
وبدون مقدمات طويلة بزاااف احنا بحول الله في هاد السلسلة الجديدة اللي أطلقنا عليها عنوان
رايحين نحكيو قصص عشناها وصادفناها وعادات شفناها ومواقف سمعناها
في واقعنا ومجتمعنا أو عايشناها
نقراوها ونحاولو نوضعوها على طاولة التحليل ونستخرجو منها الضار والمفيد
الصالح والطالح الصواب والخطأ الحلول والنصائح
نتمناو تشاركونا قصصكم بأقلامكم واحنا طبعا نرحبو بكل قصصكم اللي فيها
العبر والمغازي الحقيقة والواقع بسلبياته وايجابياته
والله تعالى يقول : { لَقَدْ كَانَ فِي قَصَصِهِمْ عِبْرَةٌ لِّأُوْلِي الأَلْبَابِ }
طريقة المشاركة
كل عضو يطرح الموضوع بعنوان : عوايد وفوايد : .... (عنوان القصة)
يقوم العضو بطرح القصة فقط ويخلي الأعضاء هوما اللي يحللو الظاهرة
ويعطيونا العبرة والفائدة،، الصحيح والصائب :-r
وأخيرا كل ما تتلم عندنا 10 قصص رايحين نخدموها في شكل كتاب بصيغة PDF
وكل قصة تنسب لصاحبها أما العبرة فسنختار أكثر المداخلات اللي حازت على خاصية (أعجبني) ونعتمدوها فالكتاب
(وهكذا يكون لخاصية أعجبني فايدة أخرى) :up:
ورايحة تكون بإذن الله مفاجآت وهدايا للمشتركين :-r
السلسلة رايحة تثرى بمشاركاتكم وان شاء الله نخرّجو أكثر من عدد (العدد فيه 10 قصص)
ننتظر بشوق مشاركاتكم :-r
تم بعون الله إخراج العدد الأول إلى النور
وأخيرا: العدد الأول من سلسلة عوايد وفوايد
عقبال العدد الثاني
وأخيرا: العدد الأول من سلسلة عوايد وفوايد
عقبال العدد الثاني
جاري العمل على العدد الثاني
شكرا للمشاركين على النشاط :regards01:
آخر تعديل:
