السلام عليكم
كيما راكم تشوفو الساعة الرابعة صبحا و مازالني ساهرة راسي راح يطرطق من التخمام و صدري ذاق من الحزن فقلت ندخل نحكي مشكلتي لعلني نلقى كلام يريح بالي و يا ريت ما يكون جواب الا من اصحاب الخبرة في الحياة الزوجية ....
هادي عشرة سنوات و انا مزوجة عندي اربعة اطفال و زوجي يكبرني بسبع سنوات تزوجت صغيرة في 17 و الحق يقال ما ناقصني والو مع زوجي موفرلي كل طلباتي و حنين بزاف لكن.....
المشكل انو كان عندي احلام بكري في كيفية التعامل مع الزوج في علاقتنا الحميمة يعني رومانسية و ما شابهها مثل ما نشوفو في الافلام و المسلسلات و لقيت روحي انصدمت بواقع اخر قلت معليش هادوك يبقاو افلام و مش صح و تفكيري كان تفكير مراهقين و بعد ما كبرت و جبت الاولاد خلاص نضجت شوية لكن هادي عشرة سنوات و انا نفهم فيه واش نستنى منو مارانيش عارفة كيفاش نفهمهالكم لكن راني نحس في نفسي و كاني اداة لقضاء غريزته و خلاص انا دايما اللي نحوس عليه و نروح عندو غير باش ما نخليش مسافات بيناتنا او فراغ و رغم هذا نحس بنوع من التجاهل ما يعلق على لبسي ما يهدر كلام جميل ما يدير اي شيء تستناه انثى قبل العلاقة .... عييت نهدر معاه و نفهم فيه غير باش نكملو حياتنا مهنيين لكن لا نتيجة !
وليت نحس روحي رخيصة لما نروح ليه و لما نتزين و نلقاه جامد و يشهد ربي اني ما نحب الا رضاه ...لكن بزاف خلاص كرهت الليلة صرا نفس الشيء هو قاعد يبريكولي في التليفونات و صوالح الناس كي العادة و انا نشبح و نزين للحيوط مالا فرغت قلبي و درت عركة و قلتلو قيمتك بزاف علابيها ما وليتش تشوف ليا و قررت صح ما نزيد نديرلو شان .
بصراحة حوست من قبل في مواقع تاع مشاكل المتزوجين و لقيت نصائح قديمة و ما تفيدش مثل البسي و بدلي الروتين و ما نعرف واشنو... بصح هاذ الامور كامل جزت عليها مازالني صغيرة و متهلية في روحي و في زوجي كما ينبغي يعني مارانيش نحوس على هاذ النصائح
حابة نعرف اذا كل الرجال هكذا ؟ او زوجي فقط؟
هل عندو مرض او نقص ام ماذا؟
علاش رغم انو يحبني الا اني ما نحسش انو يرغب و متشوق ليا ؟(رغم اني لباس بيا شكلا)
علاش لما نديرلو قيمة و قوسطو و نلبس اللي يعجب العين ....هو يروح ديراكت لمصلحتو ؟
هدرت مع بعض النساء و كاين اللي قالو نفس الشيء بصح في المقابل يتعاملو مع ازواجهم بطريقة ما ترضي لا العبد و لا الرب لكن انا راني مسخرة حياتي لزوجي و اولادي ما نخرج الا للضرورة الدار متهلية في الدار متهلية في روحي صوتي ما نرفعوش معاه دايراتو كي السطان و حاولت نفهمو الحاجة اللي تقلقني منو و لكن هاهم عشر سنوات جازو و ماكانش فائدة
عشر سنوات و انا نصبر روحي غير بالجانب الايجابي تاعو و نقول راح يجي نهار اللي يفهمني لكن. والو
ما تلومونيش و تقولو راني نبالغ لربما يقعد هذا احساسي كامراة و ماراح تفهمني الا امراة لكن والله اذا بردت العلاقة بين الزوجين فيما بينهما فالحياة ككلها راح تبرد و تسماط حتى و ان كان فيه عشر اولاد و هذا اللي راني خايفاتو لاني اليوم حسيت صح كرهتو و مارانيش مستعدة نزيد نصبر اذا ما تبدلش
قولولي واش نعمل معاه ياريت نلقى كلام يصبرني و يوجهني للتعامل الصحيح
و سؤال للمتزوجين من الرجال خاصة ارجوكم بدون مثالية علاش لما تنقضي السنوات ما تولوش تشوفو في نساكم كيما بكري في اول الزواج؟
نتمنالكم حياة سعيدة و شكرا لكم و ان شاء الله برك يا اخواتي و اخواني المتزوجين تفهموني يعني راني حكيت بتحفظ شديد لانو الموضوع مفتوح للجميع !
تحياتي
كيما راكم تشوفو الساعة الرابعة صبحا و مازالني ساهرة راسي راح يطرطق من التخمام و صدري ذاق من الحزن فقلت ندخل نحكي مشكلتي لعلني نلقى كلام يريح بالي و يا ريت ما يكون جواب الا من اصحاب الخبرة في الحياة الزوجية ....
هادي عشرة سنوات و انا مزوجة عندي اربعة اطفال و زوجي يكبرني بسبع سنوات تزوجت صغيرة في 17 و الحق يقال ما ناقصني والو مع زوجي موفرلي كل طلباتي و حنين بزاف لكن.....
المشكل انو كان عندي احلام بكري في كيفية التعامل مع الزوج في علاقتنا الحميمة يعني رومانسية و ما شابهها مثل ما نشوفو في الافلام و المسلسلات و لقيت روحي انصدمت بواقع اخر قلت معليش هادوك يبقاو افلام و مش صح و تفكيري كان تفكير مراهقين و بعد ما كبرت و جبت الاولاد خلاص نضجت شوية لكن هادي عشرة سنوات و انا نفهم فيه واش نستنى منو مارانيش عارفة كيفاش نفهمهالكم لكن راني نحس في نفسي و كاني اداة لقضاء غريزته و خلاص انا دايما اللي نحوس عليه و نروح عندو غير باش ما نخليش مسافات بيناتنا او فراغ و رغم هذا نحس بنوع من التجاهل ما يعلق على لبسي ما يهدر كلام جميل ما يدير اي شيء تستناه انثى قبل العلاقة .... عييت نهدر معاه و نفهم فيه غير باش نكملو حياتنا مهنيين لكن لا نتيجة !
وليت نحس روحي رخيصة لما نروح ليه و لما نتزين و نلقاه جامد و يشهد ربي اني ما نحب الا رضاه ...لكن بزاف خلاص كرهت الليلة صرا نفس الشيء هو قاعد يبريكولي في التليفونات و صوالح الناس كي العادة و انا نشبح و نزين للحيوط مالا فرغت قلبي و درت عركة و قلتلو قيمتك بزاف علابيها ما وليتش تشوف ليا و قررت صح ما نزيد نديرلو شان .
بصراحة حوست من قبل في مواقع تاع مشاكل المتزوجين و لقيت نصائح قديمة و ما تفيدش مثل البسي و بدلي الروتين و ما نعرف واشنو... بصح هاذ الامور كامل جزت عليها مازالني صغيرة و متهلية في روحي و في زوجي كما ينبغي يعني مارانيش نحوس على هاذ النصائح
حابة نعرف اذا كل الرجال هكذا ؟ او زوجي فقط؟
هل عندو مرض او نقص ام ماذا؟
علاش رغم انو يحبني الا اني ما نحسش انو يرغب و متشوق ليا ؟(رغم اني لباس بيا شكلا)
علاش لما نديرلو قيمة و قوسطو و نلبس اللي يعجب العين ....هو يروح ديراكت لمصلحتو ؟
هدرت مع بعض النساء و كاين اللي قالو نفس الشيء بصح في المقابل يتعاملو مع ازواجهم بطريقة ما ترضي لا العبد و لا الرب لكن انا راني مسخرة حياتي لزوجي و اولادي ما نخرج الا للضرورة الدار متهلية في الدار متهلية في روحي صوتي ما نرفعوش معاه دايراتو كي السطان و حاولت نفهمو الحاجة اللي تقلقني منو و لكن هاهم عشر سنوات جازو و ماكانش فائدة
عشر سنوات و انا نصبر روحي غير بالجانب الايجابي تاعو و نقول راح يجي نهار اللي يفهمني لكن. والو
ما تلومونيش و تقولو راني نبالغ لربما يقعد هذا احساسي كامراة و ماراح تفهمني الا امراة لكن والله اذا بردت العلاقة بين الزوجين فيما بينهما فالحياة ككلها راح تبرد و تسماط حتى و ان كان فيه عشر اولاد و هذا اللي راني خايفاتو لاني اليوم حسيت صح كرهتو و مارانيش مستعدة نزيد نصبر اذا ما تبدلش
قولولي واش نعمل معاه ياريت نلقى كلام يصبرني و يوجهني للتعامل الصحيح
و سؤال للمتزوجين من الرجال خاصة ارجوكم بدون مثالية علاش لما تنقضي السنوات ما تولوش تشوفو في نساكم كيما بكري في اول الزواج؟
نتمنالكم حياة سعيدة و شكرا لكم و ان شاء الله برك يا اخواتي و اخواني المتزوجين تفهموني يعني راني حكيت بتحفظ شديد لانو الموضوع مفتوح للجميع !
تحياتي
