واش رايك في المرأة الي تخرج تخدم وتخلي راجلها لاهي بالدار ؟؟

قال صدقة جارية:

السلام عليكم

انا اكثر شيء محيرني هو تعاملنا مع هاذ الظواهر وكانها ظواهر اجتماعية ونفسية ووووو وهي اصلا لها بعد آخر

راجل في البيت المرآة في العمل انقلبت الأية = علامة الساعة

رجل تخلى عن رجولته = ....

امرآة تحلت بصفات لم تخلق فيها = ........

وأعوذ بالله من أن تشيع علامة الساعة من بيتي

ربي يسترنا ويغفر لنا

إضغط للتوسيع...

قال HAMZA USMA:

السلام عليكم ورحمة الله وبركاته
اختى المرأة مكانها فى البيت
هذا الرجل لي يخلي مرتوا هكذا يعتبر ديوث
​

إضغط للتوسيع...

قال brahimalg:

المرأة مكان نتاعها هــو الدار

مي الوقت لي رانا فيه كل شيء مقلب

الراجل في الدار و المرأة في الخدمة
​

إضغط للتوسيع...

قال ساندريلا زماني:

وعليكم السلام

نورمالمون تقولي واش هي الاسباب لي خلات الراجل يخلي مرتو تروح تخدم وهو يحكملها الدار
لأنو بكل بساطة كاين راجل يكون عاطل عن العمل ويتزوج بمرا خدامة تخدم عليه تجيبلو الشهرية والطوموبيل وتديرلو الدار وهو راقدة وتمونجي ولازم عليه اكيد يقبل بالدل والهوان

نعرف وحدة معلمة تزوجت بواحد عاطل عن العمل وبعد ماجابو الولاد قاتلنا كرهت
قتلها باختصار عارفتو ميخدمش علاه تتزوجي فيه ؟ باه غير تصرفي عليه
ودرك هو يحكم الولاد وهي تروح تخدم وتجيبلو الصوارد وتمدلو يصرف

المرا حاليا تخدم للضرورة وانا نغلط المرا لي تتزوج براجل ميخدمش ومن مباعد تهنبر عليه ويزيد يصرف من صواردها وعاجبتو روحو

وكاين ظروف تخلي المرا تخدم وتضطر تعدل حياتها باه تقدر تعيش بين خدمتها وبيتها وزوجها واولادها

شكرا اختي على الموضوع

سلامي

إضغط للتوسيع...

قال شيماء شوشوحما:

قال الله تعال والمراة ماكثة في بيت زوجها في قران فيعني فرض ان تجلس مراة في بيت فرض البيت احسن مكان لها

إضغط للتوسيع...

قال luna lunitta:

اختي
شيماء شوشوحما راني ضدك في هاذ الأمر الرسول صلى الله عليه وسلم والله سبحانو وتعالى عطا للمرأة الحق وكرمها وتجي نتي تقولي بلي المرأة مكانها بيتها صح راني سمعت بالحديث نتاع" المرأة راعية في بيت بعلها وهي مسؤولة عن رعيتها"
مي واش فيها لاكان تخدم برا خاطر ماشي هيا قرات عمرها كامل ومنبعد يجي الزواج باه يخليها في الدار جامي.
والراجل علاه ما يخدمش يخي هيا مايش محتمة عليه القعدة في الدار ولاكان هوا فترة وتعدي ويولي لخدمتو واش فيها كي يعاون مرتو شوي
سلام

إضغط للتوسيع...

قال Mïŋěţţe:

موضوع شوية معقد تقدري تحلليه وتفسريه من قداه زاوية
لكن النقطة اللي لا اختلاف عليها انو هاد الوضع غير طبيعي بالمرة
الطبيعي انو الراجل يخدم والمرا تقعد فالدار تتلهى بيها وتربي لولاد
انا مانيش كونطر المرا اللي تخدم خاطر غالبا الظروف هي اللي خلاتها تخرج تخدم ونتيريلها شابو على فكرة
اما المرا اللي تخرج تخدم وراجلها يقعد فالدار سما راهي تشوف فيه مش راجل ولا كيفاه؟
منقدروش نقولو هاد الشي لأنو ربما ربي ما كتبلوش يلقى خدمة وظروف الخدمة في بلادنا نعرفوها كامل
مي انا رايي الشخصي الراجل مش مهمتو يقوم بشغل الدار وتربية لولاد هاد الدور منوط بالمراة
إذا هي خرجت تخدم تدير في بالها بلي هي المسؤولة على الدار ودبر راسها توفق بين الخدمة والدار ومش كي عاد راجلها قاعد فالدار تلقي عليه مسؤولية الولاد وكدا
اما إذا كان برضايتو وحاب يعاون مرتو هاد الشي مليح
المهم الموفاهمة
حتى نهار يفرج ربي عليه ويلقى خدمة إذا حبو يكملو يتعاونو وهي قادرة على الخدمة برا ولداخل فبها وإلا ترجع الامور لطبيعتها


​

إضغط للتوسيع...