الراجل معلابالوش والمراة قلبها محروق

الحالة
مغلق ولا يسمح بالمزيد من الردود.
Y

yani thiziri

:: عضو مُشارك ::
إنضم
13 مارس 2014
المشاركات
329
نقاط التفاعل
833
النقاط
31
مسلخير لخاوة

زواج زواج زواج

الزواج ولا يشيب الراس هاذ الوقت سيغتو عند ليفام

ملي تلحق 18 والفوق تبدا تسمع صاحبتها خطبوها هاذيك دارولها الخاتم

جارتها عقدت بنت عمها ولدت طفل ........ اكسيتغا اكستيغا

ويبدا تخاف من البورة وتبدا طلع وتهبط ليل مع النهار 24h

وفي 25 تبدا تزيد عليها لابغيسيون وسيغتو كي مايبان عليها حتى جديد وتبدا هدرة الناس عليها

المسكينة تولي مغبونة والى سمعت كلمة بايرة تكلب تولي تقطع في شعرها

مي حبيبنا الراجل ههههه معلابالوش gااااع بالزواج خابطو بكوتبي

يكون مول 30 يقولول يا راجل تزوج يقلهم مزالني صغير ههههههه

والا تزوج ثم وين تخلاص عليه يندم على اليوم لي شاف فيه مرتو ويتمنى يرجع لايام سيليبات

علاش الراجل عندو عادي يموت سيليباتار والمراة تتغبن كون متزوج

علاش الراجل حتى عمر 80 قادر يزوج مي المراة تفوت 25 تبدا تبور

علاش الراجل كي ميزوجش نوغمال واحد ما يحكي فيه مي المراة عيب عليها كو متزوجش وتكثر عليها هدرة الناس

حبيت نفهم علاش المراة كي تزوج كي شغلت حقت حلم حياتها مي الراجل تخلاص عليه​
 
آخر تعديل:
السلام عليكم ورحمة الله
حتى الراجل يبور خخ مش غير المراة
لاكن الراجل كى يبدا يكبر ومش مزوج ما راحش يلاقى واش تلاقى المراة من معاناة
انا عمتى جات قبل يومين عملتلي حالة
كيفاه لى قدك كامل تزوجو وانت واش تسنى خخخخخ
ربي يعطي كل واحد واش يتمنى وربي يزوج الجميع ^^
​
 
واش اللي يزوج يطلع للقمر ؟ كل واحد ومكتوبو اذا كتبــ واذا ما كتبش السماء مارايحاش تطيحــ
يعني هكا يفكرو ؟ البنات يخممو في الزواج اكثر من الرجال ؟ ههه مين جبتو ليدي هادي ماعلاباليش ؟
يخي شعب مكرفس ياخي واش دخلهم الناس في طفلة تزوج ولا لالا
ومفهوم الزواج لازم يكون عندو مفهوم شوية مرموق في حومة الدزاير
ايا سلام مالقيت مانقول​
​
 
هههههههههههههههه سبحان الله
انا والله ماعندي حاجة في الزواج كيما كتب ربي عايشة وحامدة ربي يا ناس
في هاذي الدنيا كاين الف حاجة تسبق الزواج يعني ماكانش غير الزواج في هاذي الدنيا
مانقولش بلي لبنات تخمم بزاف في هاذا السوجي بارسوكو هي حياتها كومبلي تفنيه علاجال عائلتها وهاذي غريزة طبيعية
وكيما قالها ربي يزوجكم اجمعين​
 
في البداية نقولك ما تنساش .التعمـــيم لغة ..... معليش مكلاه نكملها
المهم يا أخي نت راك تحكي على واحد النوع من الناس المنظور تاعهم ضيق
امّا النسا مش كامل ملهوفين على الزواج كيما راك تقول وش خصها عايشة في دار باباه معززة مكرمة لا مسؤولية لا تكصار الراس ولي بغا يهدر و يقول هذاك المصطلح"بايرة" يصيب راحتو .
بصح معليش هاذي سنة الحياة كاينة لي تكمل اهدافها ومن بعد تخمم باه دير عائلة ـ وكاينة لي تقول انا جامي نزوج من بعد يجي لي خليها تبغي تكمل حياتها معاه و كاين .......

المهم كل شي في يد ربي سبحانو و لي كتبها رانا راضيين بيها . ســـــــــــلام /
 
  • أعجبني
التفاعلات: Hakan
هههههههههه والله غي ضحكتني رانا في 2014 عقلية لبنت تهبل ع زواج راحت بكري كي كانوا واه رجال
مي دروك راهي تقول نقرا خير من كل شي بويسك شافت لمتزوجات كيفاه يعانو ويشكو +زوا جولو كان نصف الدين ماهوش كل شي في الحياة
وفي اخير كل ششي يبقى مكتوب وفي يد ربي سبحانو
​
 
  • أعجبني
التفاعلات: Hakan
قال حكاية القمر:
هههههههههه والله غي ضحكتني رانا في 2014 عقلية لبنت تهبل ع زواج راحت بكري كي كانوا واه رجال
مي دروك راهي تقول نقرا خير من كل شي بويسك شافت لمتزوجات كيفاه يعانو ويشكو +زوا جولو كان نصف الدين ماهوش كل شي في الحياة
وفي اخير كل ششي يبقى مكتوب وفي يد ربي سبحانو
​
إضغط للتوسيع...

sabri rohek sabri :d​
 
قال الفتى الامازيغي:
sabri rohek sabri :d​
إضغط للتوسيع...
اييه يا لباك ومادير ديجا اخوات راهم كفاو وفاو
لي نقولهالك خويا تهلا في قرايتك لانها هي مستقبلك :)
وانا اد صبرت روحي راح نصبرها على قضايا اهم من هكا مواضيع
​
 
  • أعجبني
التفاعلات: Hakan
خلي نشعلو الدعوة شوي
البايرات يضحكو على المغبونات المتزوجات
والمغبونات المتزوجات يكحلو على البايرات لي ماهمش حاطين رواحهم بايرات
والبايرات لي عابالهم برواحهم بايرات يندبو في سعدهم ويتمناو لو كانو جاو متزوجات مغبونات

معادلة غير قابلة للحل ههههههه
نروحو للبايرين من الرجال
البايرين من الرجال يروح يخطب بوي البايرة في بنتو
باباها يبدأ يطلع ويهبط ويصعب
الباير هذاك يقلك الحياة حلوة خلي نقعد عزابي خير
والعمر يفوت

حتى نوصلو لوقت يولي فيه استمرار المجتمع الجزائري مهدد بسبب كثر البايرات والبايرين

والبايرات يضحكو على البايرين
والبايرين يضحكو على البايرات
وقلوبهم كامل محروقة


وهذي 2000 دج في خاطر لي ماهمش حابين يكونو بايرين وبايرات هاهاهااهاهاهاهاهاهاهاهاهاهاهاهاهها
​
 
انا نشوف بلي المشكل في تقلاش الطفلة حاباتو مهند وملياردير شهار زهار لا مرض شغل حابة تجوز قارون ولا فرعون ما يمرض ماوالو حابة تعيش الجنة في الدنيا مي هذا مستحيل مي من جهة الراجل صاحبنا لوكان يشم ريحة زواج يهبل مي يقدر يصبر روحو بالحور العين ويبدا يقرا عليهم وعلى جمالهن وحسنهن وخلقهن وتغنجهن وفي الاخير يكره حور الطين هاذو لي ما فيهم غير الماكياج كيما قالو ناس بكري ولا ناس 2014 **بكري كانت المرا دير شويا ماكياج مي دركا الماكياج ولا يدير شوي مرا ** بنات المنتدى مانيش حاب نحرقكم مي تحيا العزوبية بما فيها من شقا لاخاطر تتجوز ومن بعد تعاني وفي الاخير تجي لمرا تقلك انا لي ربيت وكبرت ونانانان وطاطاطاط ا ومعلاباليش ومن بعد نتا سكتة قلبية وانا لله وانا اليه راجعون . سلام.​
 
ربما تكون الاجابة على تساؤلاتك:هو عادات المجتمع وتقاليده
التي تحكم على اغلب الامور.مثلا عندنا الحال كما ذكرت اما بالنسبة للبلدان الاخرى الامر يختلف
- الزواج من النظرة الاسلامية نصف الدين للطرفين
وقال فيه صلى الله عليه وسسلم من استطاع منكم الابءة فاليتزوج
يعنى حتى الرجل اللي المجتمع مهما يكبر ما يهدرش عليه ،نورمالمو يطبق الشرع وكل واحد والمقدرة تاعو

يبقى كل شيء بالمكتوب
وربي يرزق كل انسان صالح زوجة صالحة والعكس

شكراااا اخي على فتح هذا الموضوع من الواقع المعاش
 
السلام عليكم
يكدب عليك لي يقولك راه ما يخممش فالزواج ومش مرزوب
بالعكس تلقاه ديما يقلك ينوب ربي بالسكنة والخدمة نجيبو فيها مرا
لازمو يدير الدار والعايلة علابالو مش رايحة دوملو يماه
مي تلقى المرا ملهوفة عالزواج اكثر خاطر علابالها مش رح يدومولها والديها ولا خاوتها
نهار يخطيوها رايحة تتمرمد علابيها تخمم فراجل يسترها ويحميها ويحسسها بالأمان
وكل ما تزوجت أبكر كانت الفرصة انها تلقى رجل أحلامها ،، أما إذا تأخرت فالسن رايحة تقل الفرص وتتزوج باللي جى
 
هههههههههههههههههههههههههههههههههههههههههههههههههههههههه رغم كل التضحيات وراك تقول هك على المراة لي خلات كل شي باه تربط روحها بيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واو ياحسرة
 
قال salma zayna:
هههههههههههههههههههههههههههههههههههههههههههههههههههههههه رغم كل التضحيات وراك تقول هك على المراة لي خلات كل شي باه تربط روحها بيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واو ياحسرة
إضغط للتوسيع...

?7abit nsa9sik nti ma5touba​
 
hada hwa lmoujtama3 ta3na et takhmamaou bidai hada hwa ta7lil nta3i
 
الحالة
مغلق ولا يسمح بالمزيد من الردود.

المواضيع المشابهة

الصحافية الساخرة
"حنا بكري" _ " بكري كانوا ".. دايرة حالة
2
المشاركات
33
المشاهدات
3K
البحر الهادي
البحر الهادي
I
  • مغلق
حكايات بنات العدد التاني
2 3
المشاركات
50
المشاهدات
6K
رونق الزهور
ر
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top