ارجوكم ساعدوني وفقكم الله

السلام عليكم اولا رايكم يهمنى بزاف نروحو للمشكل هو يشرب والله غالب ما لقيت حتى حل معاه وباش نوضحلكم كنت نعرفو قبل الخطبة وافقت لانو قلت بالك يتوب من هذا السم ونوضح حاجة هو يشرب كي تنفحلو يعني ماشي كي كون زعفان هذا الشىء خلانى مانحكيش معاه وقتلو يا انا ياهذا السم لي راك تشرب فيه وياريت تقولولي كيفاش نساعدو لاني ماشي حابة نفسخ الخطوبة لاني قريت فاتحتي وعقدة و بكل صراحة حبيت انو يتوب وياريت تساعدوني وبارك الله فيكم

تم الاعتماد
وش نقولك الله يهديه
و الخمر واعر
و اذا ما بطلوش رح تعاني و يعانو ولادو
ربي يرفع عليه هذا البلا يا رب

شوفي اختي نقول حاجة وحدة و انت افهمي كيما حبيتي
لحد الان ماكيش متزوجة باش تقولي رح نخسر و اولادي ينضرو وووو
الرسول عليه الصلاة و السلام يقول
اذا جاءكم من ترضون دينه و خلقه زوجوه
و ما قالش
اذا جاءكم من سترضون دينه

يعني هو هدر على الحاضر مش على المستقبل
معناها كي نقيمو الخاطب نقيموه على الاساس لي راه عليه الان
مش وش رانا متنيين يكون

ربما ما يبطلوش و ربما يبطل
حتى حاجة ما تضمن

صلي استخارة و فكري مليح

سلام عليكم

اختي شوفي انتي gلتي انك gولتيله ايما انا او الشراب هكا نيشان ؟..مقلتيناش واش كان الرد تاعه هل هو مستعد انو يتصلح و يبعد هذا المصيبة و لا لا ؟

الحل بيدك انتي مدام مزال مدرتوش العرس زيديهاله شرط في المهر .....حبس المصيبة علينا خرجيها طاي طاي نيشان مافيها لا حبي لا حبك ...و ان شاء الله يبطله مدام نفاح برك يقدر يبطله بصح لازم العصا موراه

فيها خير ان شاء الله اختي و تعرسي بالصحة و الهناء.

اختي الكريمة انا عكس اصدقائي لا انصحك بان تتركي هذا الرجل فلابد انه لم يجد اي شيء يرضيه في هذه الحياة و من اجل هذا يشرب الخمر , لا اقول ان الخمر حلال اعرف انه حرام و هو ام الخبائث لكن ان كنت تريدين ان تكوني السبب في ترك هذه المصيبة فلا تتركي هذا الرجل في متاهته ارجو منكي ان تكوني نعم الزوجة و نعم الحليلة و ان كان ورثه عن ابيه فهنا اقول لاختي خيريه بينك و بين شرب الخمر .
ان اختارك فهو يشرب الخمر من اجل امور لا تعلمينها
وان اختاره فهو انسان يعلم ما يفعل و مستقل برايه .
استخيري الله و الله لن يخيبك

حطي في بالك هذا بايام الخطوبة اللي ممكن الخطيب مايرفضش حاجة لخطيبته ...وهو كي طلبتي منه مابطلش فيمكن والله اعلم حتى بعد الزواج ماراح يسمع كلامك ويبطله..
وماتنسايش فكري كي يكون عندك الدراري وهو يشرب ...ممكن حتى يشرب حداهم او تصير مناقشه حادة بينك وبينه وهذا يأثر ع نفسيتهم (كل يوم نقاش حاد ع نفس الموضوع) (الاب والام مش متفقين)


حاولي معاه ان يترك هذا الشي ...وشوفي اذا أصلا عنده رغبة ان يتركه بصح مش قادر ولا راهو يستمتع بهذا الشي ومايفكرش يتركه
والقرار ليك... راكي واعي وتقدري تميزي


اهله او اهلك عنده معرفة بهذا الموضوع او لا؟؟
اذا اهلك مايعرفوش او يعرفوا وتزوجتي وصارت كاش مشكله وان شاء الله مايصير الا الخير
اهلك راح يلومك ويقولك وحدك درتيها بيدك لانك كنت عارفة من قبل ووافقتي

حطي في بالك هذا بايام الخطوبة اللي ممكن الخطيب مايرفضش حاجة لخطيبته ...وهو كي طلبتي منه مابطلش فيمكن والله اعلم حتى بعد الزواج ماراح يسمع كلامك ويبطله..
وماتنسايش فكري كي يكون عندك الدراري وهو يشرب ...ممكن حتى يشرب حداهم او تصير مناقشه حادة بينك وبينه وهذا يأثر ع نفسيتهم (كل يوم نقاش حاد ع نفس الموضوع) (الاب والا مش متفقين)


حاولي معاه ان يترك هذا الشي ...وشوفي اذا أصلا عنده رغبة ان يتركه بصح مش قادر ولا راهو يستمتع بهذا الشي ومايفكرش يتركه
والقرار ليك... راكي واعي وتقدري تميزي


اهله او اهلك عنده معرفة بهذا الموضوع او لا؟؟
اذا اهلك مايعرفوش او يعرفوا وتزوجتي وصارت كاش مشكله وان شاء الله مايصير الا الخير
اهلك راح يلومك ويقولك وحدك درتيها بيدك لانك كنت عارفة من قبل ووافقتي

سلام وبعد:أنتي عارفاتو من قبل الخطوبة انه سكير ويتعاطى ام الخبائث .فمن الذي حملكي على القبول به والمخاطرة بحياتك؟
اختي الكريمة اني اخترتي بنفسك ولا راي لمن لا يطاع